Гібэрніян Эдынбург

Гібэрніян
Поўная назва	Hibernian Football Club
Мянушкі	Hibs, Hibees, The Cabbage
Заснаваны	1875
Горад	Эдынбург, Шатляндыя
Стадыён	Істэр Роўд, Эдынбург Умяшчальнасьць: 13 800
Прэзыдэнт	Род Пэтры
Галоўны трэнэр	Пэт Фэнлан
Чэмпіянат	Шатляндзкая Прэм’ер-Ліга
· 2011—2012	11 месца
Хатнія колеры Выязныя колеры

Гібэрніян (па-ангельску: Hibernian Football Club) ― шатляндзкі прафэсійны футбольны клюб з Літу, паўночны Эдынбург. Адзін з двух эдынбурскіх клюбаў, якія прадстаўляюць сталіцу ў Прэм'ер Лізе разам са сваімі гістарычнымі супернікамі па Эдынбурскім дэрбі Гартсам. Клюб быў закладзены ў 1875 годзе ірляндзкімі мігрантамі, але такая самаіндэнтыфікаванасьць была зь цягам часу перайначана, бо клюб пачалі патрымліваць ў залежнасьці ад месцазнаходжаньня, не ўлічваючы этнічныя й рэлігійныя прыналежнасьці. Але ж ірляндзкая спадчына адлюстроўваецца ў назьве клюбу, яго колераў і лягатыпу.

Назва клюба, як правіла, скарачаецца да Hibs. Але каманда таксама мае мянушку Hibees. Хатнія матчы клюб праводзіць на стадыёне Істэр Роўд, які месьціць 13 800 гледачоў. Істэр Роўд зьяўляеццца хатняй арэнай Гібэрніяна з 1893 года.

Клюб чатыры разы станавіўся чэмпіёнам Шатляндыі й апошнім разам гэта здарылася ў 1952 годзе. Тры з гэтых чатырох тытулаў прыйшліся паміж 1948 і 1952 гадох, калі за клюб гуляла так званая Цудоўная пяцёрка ― выбітная лінія нападнікаў. Клюб двойчы перамагаў у кубке Шатляндыі ў 1887 і 1902, але дзевяць разоў атрымліваў паразу ў фіналах кубка, апошні раз зусім нядаўна ў 2001 годзе. Апошні значны трафэй, які клюб змог дадаць да свойго рахунку, быў кубак Лігі Шатляндыі ў 2007 годзе, калі ў фінале Гібэрніян быў на галаву вышэйшы за Кілмарнок. Усяго ж налічваецца тры перамогі клюбу ў гэтым турніры, акрамя гэтага яшчэ ў 1972 і 1991 гадох.

Дасягненьні

• Чэмпіён Шатляндыі: 4
  • 1903, 1948, 1951, 1952

• Уладальнік кубку Шатляндыі: 2
  • 1887, 1902

• Уладальнік кубку Лігі Шатляндыі: 3
  • 1972, 1991, 2007

Склад каманды

Па стане на 5 лютага 2012 году

№ Пазыцыя Імя Год нараджэньня 1 Бр Грэм Стэк 1981 2 Аб Мэт Догэрці (у арэндзе з «Ўулвэргэмптану») 1992 3 Аб Калам Бут 1991 4 Аб Пол Гэнлан 1990 5 Аб Шон О’Гэнлан 1983 6 Аб Ян Марэй (капітан) 1981 7 ПА Дэйвід Ўотэрспун 1990 8 ПА Хорхе Клярас (у арэндзе з «Матагуа») 1986 9 Нап Гэры О’Конар 1983 10 Нап Эайн Дойл 1988 11 ПА Дэні Гэлбрайт 1990 13 ПА Том Саарэс (у арэндзе з «Сток Сіці») 1986 14 ПА Мартын Скот 1986 15 Аб Джэймз МакПэйк (у арэндзе з «Ковэнтры») 1984 16 ПА Леўіс Стывэнсан 1988

№ Пазыцыя Імя Год нараджэньня 17 ПА Іван Спрул 1981 18 Нап Рой О’Донаван (у арэндзе з «Ковэнтры») 1985 19 Аб Па Сайку Каджабі 1986 20 Аб Дэйвід Стэфэнс 1991 22 Аб Джордж Фрэнкамб (у арэндзе з «Норыдж Сіці») 1991 24 ПА Айзэа Осбарн 1987 25 Аб Рычы Таўэл (у арэндзе з «Сэлтыку») 1991 28 Нап Лей Грыфітс (у арэндзе з «Ўулвэргэмптану») 1990 29 Нап Рос Колдўэл 1993 31 Бр Марк Браўн 1981 33 ПА Сэм Стэнтан 1994 34 Аб Скот Сьміт 1992 39 Нап Дэні Гэндлінг 1994 41 Бр Пол Грант —

Вонкавыя спасылкі

 Гібэрніян Эдынбург — сховішча мультымэдыйных матэрыялаў

• Афіцыйны сайт
• Навіны клюбу з газэты The Scotsman