Даля Грыбаўскайце
|
|
У дадзеным артыкуле няма спасылак на крыніцы інфармацыі. |
|---|
| Даля Грыбаўскайце | |
 Даля Грыбаўскайце (29 красавіка 2009 года) |
|
 Прэзыдэнт Летувы |
|
|---|---|
| 12 ліпеня 2009 — цяперашні час | |
| Папярэднік: | Валдас Адамкус |
| Міністар фінансаў Летувы |
|
| 12 ліпеня 2001 — 1 траўня 2004 | |
| Папярэднік: | Ёнас Лёнгінас |
| Наступнік: | Альгірдас Буткявичус |
 Эўрапейскі камісар па адукацыі і культуры |
|
| 1 траўня 2004 — 22 лістапада 2004 | |
| Папярэднік: | Вівьен Рэдзінг |
| Наступнік: | Ян Фігель |
| Эўрапейскі камісар па бюджэту і фінансаваму праграмаваньню |
|
| 22 лістапада 2004 — 12 ліпеня 2009 | |
| Папярэднік: | Мізаэль Шрэер |
| Асабістыя зьвесткі: | |
| Нарадзілася: | 1 сакавіка 1956 (56 гадоў) Вільня, ЛетССР |
| Нацыянальнасьць: | летувіска |
| Партыя: | КПСС (1983-1991) |
| Муж: | няма |
 |
|
Даля́ Грыбаўска́йце (нар. 1 сакавіка 1956 года ў Вільні) — летувіская эканамістка, дыпляматка і палітык, міністар фінансаў Летувы у 2001—2004 гадох, камісар камітэту па бюджэту і фінансаваму праграмаваньню Эўрапэйскага Зьвязу ў 2004—2009 гадох. Перамагла на выбарах прэзыдэнта Летувы 17 траўня 2009 году.
[рэдагаваць] Біяграфія
У 1983 годзе Даля Грыбаўскайце скончыла эканамічны факультэт Ленінградзкага Ўнівэрсытэту, а ў 1988 годзе атрымала ступень кандыдата эканамічных навук у Акадэміі Грамадзкіх навук у Маскве. У 1991 годзе Грыбаўскайце скончыла курс у рамках спэцыяльнай праграмы для кіраўнічых кадраў «School of Foreign Service» Джорджтаўнскага Ўнівэрсытэту ў Вашынгтоне.
У 1990—1991 гадох кіравала навуковым адзьдзелам Эканамічнага Інстытута, а ў 1991 годзе праграмным дырэктарам ва Ўрадзе Летувіскай Рэспублікі. З 1991 да 1993 году выконвала функцыі кіраўніка эўрапейскага дэпартамэнту Міністэрства Міжнародных Эканамічных Сувязей. З 1993 года была дырэктарам эканамічнага дэпартамэнта ў Міністэрстве Замежных Спраў, адначасова кіравала Камітэтам Атрыманьня Дапамогі РНАRЕ і G-24, а таксама займалася стварэньнем дамовы аб вольным гандлі з Эўрапейскім Зьвязам.
У 1994—1995 была надзвычайным амбасадарам і паўнамочным міністрам падчас прадстаўніцтва Летувы ў Эўрапейскім Зьвязе і прадстаўніком Каардынатара Дзяржаўнай Дапамогі ў Брусэлі. З 1996 года Грыбаўскайце выконвала абавязкі паўнамочнага амбасадара ў пасольстве Летувы ў ЗША. У 1999—2000 займала пасаду віцэ-міністра фінансаў і займалася перамовамі Летувы з Міжнародным Валютным Фондам і Сусьветным Банкам. У 2000—2001 — віцэ-міністар замежных спраў і намесьнік кіраўніка летувіскай дэлегацыі якая вяла перамовы аб уваходзе Летувы ў Эўразьвяз.
У пачатку ліпеня 2001 году Грыбаўскайце заняла пасаду міністра фінансаў у толькі што ўтвораным урадзе Альгірдаса Бразаўскаса. 1 траўня 2004 году, у дзень уваходу Летувы ў Эўрапейскі Зьвяз, яна была запрошаная ў склад Эўрапейскай камісіі як камісар, адказваючы за адукацыю і культуру (разам з Вівіян Рэдзінг). Ва ўтворанай 22 лістапада 2004 году камісіі пад кіраўніцтвам Жазэ Барозу, яна адказвала за праграмаваньне фінансаў і бюджэт.
У 2009 годзе Грыбаўскайце прыняла ўдзел у выбарах прэзыдэнта Летувы. 26 лютага яна афіцыйна абвясьціла аб удзеле ў выбарах як незалежны кандыдат. Яе кандыдатуру патрымалі дзьве ўрадавыя кааліцыі: Зьвяз Бацькаўшчыны і Лібэральны Рух.
Па выніках галасаваньня, якое адбылося 17 траўня 2009 году, Даля Грыбаўскайце атрымала 69,09% галасоў.[1]
Даля Грыбаўскайце, акрамя летувіскае, валодае ангельскай, польскай, расейскай і францускай мовамі.
| Папярэднік Валдас Адамкус |
Прэзыдэнт Летувы 12 ліпеня 2009 — |
Наступнік — |
[рэдагаваць] Крыніцы
- ^ Voting Results — Balsavimo rezultatai (анг.) (лет.)
[рэдагаваць] Вонкавыя спасылкі
Даля Грыбаўскайце — сховішча мультымэдыйных матэрыялаў
