Данвіч

Данвіч (англ. Dunwich) — выдумлены горад у штаце Масачусэтс, упершыню згадваецца Говардам Лаўкрафтам. Частка мітаў Ктулху. Найбольш прыкметная згадка пра яго маецца ў аповесьці «Данвічскі жах».

Данвіч — паселішча ў Новай Ангельшчыне, якое прыйшло ў заняпад, нападалёк ад Аркхэма, таксама выдумленага Лаўкрафтам. Мясцовасьць вакол Данвіча адзначаная рэгулярнымі правядзеньнямі цёмных абрадаў. Пасьля падзеяў, апісаных у «Данвічскім жахе», усе дарожныя знакі, якія паказваюць шлях да Данвіча, былі зьнішчаныя.

Лічыцца, што ў Данвіча два прататыпа: рэальна існуючы Данвіч у Ангельшчыне і Грынвіч у Масачусэтсы. Калі першы прататып носіць тое ж імя, то другі, падобны па гучаньню, падзяляў з лаўкрафтаўскім Данвічам месцазнаходжаньне і агульную атмасфэру занядбанасьці, пакуль ня быў затоплены ў хадзе стварэньня Кабінзкага вадасховішча.

Арыгінальнае слова Dunwich дакладна невядомае. Ангельскі горад вымаўляецца без гука в, а ў новаангельскім Грынвічы гэта гук маецца. Сам Лаўкрафт ніколі не ўдакладняў вымаўленьне Данвіча.