Дар’я Домрачава

Дар’я Домрачава падчас чэмпіянату сьвету па біятлёну 2008 году ў Остэрсундзе

Дар’я Домрачава на паштовай марцы Беларусі

Да́р’я Уладзі́мераўна До́мрачава (3 жніўня 1986, Менск, БССР) — беларуская біятляністка. Двухразовая чэмпіёнка Эўропы, срэбраны мэдаліст чэмпіяната сьвету 2008 году ў мяшанай эстафэце, бронзавы мэдаліст зімовых Алімпійскіх гульняў 2010 году ў індывідуальнай гонцы.

Лыжнымі гонкамі пачала займацца ў 1992 годзе, у біятлён перайшла ў 1999 годзе. У беларускай нацыянальнай зборнай з 2005 году.

Біяграфія

Дар’я Домрачава нарадзілася 3 жніўня 1986 году ў Менску ў сям’і архітэктараў. Праз 4 гады з бацькамі пераехала ў Сыбір, у горад Нягань Цюменскай вобласьці ў Расеі. Дар’я займалася танцамі і баскетболам, і, як яе старэйшы брат, пачала займацца лыжнымі гонкамі. Амаль увесь час праводзіўшы на трэніроўках, зборах і спаборніцтвах, у школе Дар’я навучалася на «добра» і «выдатна». Летнія вакацыі Дар’я праводзіла ў Менску.

З 1999 году Дар’я пачала займацца біятлёнам. Скончыла гімназію ў эканоміка-прававой клясе, і паступіла на другі курс цюменскага ўнівэрсытэту па спэцыяльнасьці «спартовы мэнэджмэнт».

Вонкавыя спасылкі

• Афіцыйны сайт Дар’ Домрачавай ^{(рас.) (анг.)}
• Профіль на сайце Беларускай фэдэрацыі біятлёну ^(рас.)
• Профіль на сайце Міжнароднага зьвязу біятляністаў ^(анг.)