Джон Тэры

Джон Тэры
John George Terry
Пэрсанальная інфармацыя
Нарадзіўся	7 сьнежня 1980 (31 год) Лёндан, Ангельшчына
Рост	188
Вага	78
Пазыцыя	абаронца
Клюбная інфармацыя
Клюб	Чэлсі
Нумар	26
Моладзевыя клюбы
1991—1995 1995—1998	Сэнраб Ўэст Гэм Юнайтэд Чэлсі
Клюбы
Гады	Клюб	Гульні (галы)¹
1998— 2000	Чэлсі → Нотынггэм Форэст (арэнда)	354 (25) 6 (0)
Нацыянальная зборная
2003—	Ангельшчына	71 (6)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 22 лістапада 2011. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 23 верасьня 2011.

Джон Джордж Тэры (па-ангельску: John George Terry; нарадзіўся 7 сьнежня 1980 году ў Лёндане) — ангельскі футбаліст, абаронца лёнданскага «Чэлсі» і нацыянальнай зборнай Ангельшчыны. Прызнаны лепшым абаронцам у 2005 годзе.

Біяграфія

Народжаны ў заходнім Лёндане, Джон з 14 гадоў гуляе за «Чэлсі». Першапачаткова ён быў нападнікам, але аднойчы з-за адсутнасьці гульцоў яму прыйшлося замяніць цэнтральнага абаронцу моладзевай каманды. З тых часоў ён стаў выступаць у ролі абаронцы, хутка набраўшы неабходную фізычную падрыхтоўку.

Кароткі й пасьпяховы выступ у «Нотынггэм Форэст» дадаў майстэрства, і пасьля ўрокаў у Марсэля Дэсаі й Франка Лебёфа, Джон быў названы гульцом году «Чэлсі» ўжо праз два сэзоны пасьля свайго дэбюту.

Пакінуўшы ўсе праблемы, не зьвязаныя з футболам, ззаду, Джон выразна сфакусаваўся на гульні і дэбютаваў у складзе зборнай Ангельшчыны ў чэрвені 2003 году.

Пасьля гэтага ён стаў асноўным абаронцам зборнай, згуляўшы на чэмпіянаце Эўропы ў 2004 годзе й чэмпіянаце сьвету ў 2006 годзе.

Няўдалым момантам у кар’еры Джона можна назваць яго хваробу падчас прайгранага фіналу Кубка Ангельшчыны 2002 году й наступнае выбываньне з стартавага складу. Найболей яркі момант — гэта тое, што ён стаў капітанам каманды пасьля Марсэля Дэсаі і прывёў клюб да перамогі ў Прэм'ер-лізе ў тым жа годзе.

Пасьля таго, як «Чэлсі» выйграў Кубак Лігі, Джон стаў адным з чатырох капітанаў «Чэлсі», якія прыводзілі клюб да найбуйнейшых перамог у яго гісторыі. Цяжка пераацаніць яго ўклад у выступ на сусьветнай арэне ў сэзоне 2004/05 гадоў — менавіта восьмы гол Джона Тэры галавой прынёс камандзе перамогу над «Барсэлёнай» у матчы, які стаў адной з самых відовішчных гульняў гэтага сэзону.

Асацыяцыя прафэсійных футбалістаў прысудзіла Джону Тэры званьне гульца году, а трэнэр «Чэлсі» Жазэ Маўрынью назваў яго «лепшым цэнтральным абаронцам у сьвеце». Ацаніў яго і былы трэнэр зборнай Ангельшчыны Стывэн Макларэн, які на час сваёй працы ў зборнай зрабіў Джона капітанам.

Джон быў першым з часоў Рэя Ўілкінсана капітанам Ангельшчыны, гульцом «Чэлсі». Рэй выступаў за «сініх» у 70-х гадах.

Джон правёў за клюб ужо больш за 300 матчаў нягледзячы на траўму сьпіны, якая выбіла яго з строю ў сэзоне 2006/07. Аднак ён вярнуўся ў строй, каб у канцы сэзону падняць над галавой Кубак Ангельшчыны на новым «Уэмблі» і забіць першы гол на гэтым стадыёне за зборную Ангельшчыны.

Пачатак сэзону 2007/08 ня стаў для Тэры вельмі ўдалым, ён атрымаў дзьве траўмы амаль запар.

Прафэсійная кар’ера

• Чэлсі — з 1997

Гулец зборнай Ангельшчыны з 2003 г.

Падзеі, зьвязаныя з Джэй Ці

Тэры - лепшы з выхаванцаў ФК «Чэлсі». У 1997-м годзе ён выпусьціўся з акадэміі, як цэнтральны абаронца, і ўжо зусім хутка стаў капітанам сваёй каманды. У сэзоне 2006—2007 ён атрымаў 3 траўмы запар: пералом хрыбетніка, пералом левай нагі й пералом сківіцы. Хтосьці лічыць, што з-за яго адсутнасьці «Чэлсі» пачаў забіваць менш і прапускаць больш. А гэтак жа Джэй Ці прызнаны капітанам зборнай Ангельшчыны з 2007 году.

Асабістае жыцьцё

Тэры ў цяперашні час жыве ў Оскшаце, Сурэй. Ён і яго жонка Тоні Пул Тэры — бацькі двайнятаў — хлопчыка (Джордж Джон) і дзяўчынкі (Сумэ Роза), народжаных 18 траўня 2006 году. Тэры сьвяткаваў іх нараджэньне, выйграваючы за Ангельшчыну супраць Вугоршчыны, калі ён выканаў імпрэзу «млоснасьці».

Пара пажанілася ў Палацы Блэнэма 15 чэрвеня 2007 году. Пасьля вясельля пара атрымлівала асалоду ад двухтыднёвага мядовага месяца на рымскай яхце Абрамовіча вышэйшай якасьці «Пэлорус» у Міжземнамор’і.

Яго хобі ўключаюць гольф, плаваньне, футбол і сквош.

Вонкавыя спасылкі

 Джон Тэры — сховішча мультымэдыйных матэрыялаў