Джэймз Чадўік

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Джэймз Чадўік
Sir James Chadwick
James Chadwick.jpg
Нарадзіўся 20 кастрычніка 1891
Болінгтан, Вялікабрытанія
Памёр 24 ліпеня 1974 (82 гады)
Кембрыдж, Вялікабрытанія
Навуковая сфэра фізыка
Навуковы кіраўнік Эрнэст Рэзэрфорд
Вядомы як першаадкрывальнік нэўтрона
Узнагароды і прэміі Нобэлеўская прэмія (1935)

Джэймз Чадўік (па-ангельску: Sir James Chadwick) — ангельскі фізык, вядомы за адкрыцьцё нэўтрону, ляўрэат Нобэлеўскае прэміі ў галіне фізыкі 1935 году за адкрыцьцё нэўтрона, якое ён зрабіў у 1932 годзе. Нарадзіўся ў горадзе Болінгтан, графства Чэшыр, Ангельшчына. У 1941 годзе напісаў канчатковую вэрсію справаздачы MAUD (Military Application of Uranium Detonation - ваеннае прымяненьне выбуху ўрана), пасьля якой урад Вялікабрытаніі прыняў рашэньне распачаць буйнамаштабныя дасьледаваньні па распрацоўцы ядзернай зброі. Ён узначальваў брытанскую каманду, якая працавала ў Мангэтанскім праекце падчас Другой сусьветнай вайны. У 1945 годзе за свае дасягненьні ў галіне фізыкі быў узьведзены ў ранг рыцара-бакаляўра.

Чадўік скончыў Віктарыянскі ўнівэрсытэт Манчэстэра ў 1911 годзе, дзе ягоным кіраўніком быў Эрнэст Рэзэрфорд ("бацька ядзернай фізыкі")[1]. Ён працягваў навучацца ў Манчэсцеры пад кіраўніцтвам Рэзэрфорда і атрымаў ступень магістра навук (MSc) у 1913 годзе. У гэтым самым годзе Чадўік атрымаў стыпэндыю "1851 Research Fellowship" ад каралеўскай камісіі "Royal Commission for the Exhibition of 1851". Ён вырашыў вывучаць бэта-выпраменьваньне пад кіраўніцтвам Ганса Вільгельма Гайгера ў Бэрліне.

Крыніцы[рэдагаваць | рэдагаваць крыніцу]

  1. ^ Эрнэст Рэзэрфорд. Michigan State University.(анг.)

Вонкавыя спасылкі[рэдагаваць | рэдагаваць крыніцу]

Commons-logo.svg  Джэймз Чадўіксховішча мультымэдыйных матэрыялаў