Драч
Драч, дзярка́ч, дзяргач[1] (па-лацінску: Crex crex) — птушка сямейства пастушковых атраду жураўлепадобных. Занесеная ў Чырвоную кнігу Рэспублікі Беларусь[1].
Пашыраны па ўсёй Эўропе, Заходняй Азіі. Жыве на вільготных травяністых лугах, у пасевах сельскагаспадарчых культур, на лясных высечках, агародах. У Беларусі звычайны пералётны від (народныя назвы дзяргач, дзяргун). Актыўны пераважна ўначы. Даўжыня цела 18—27 см, маса 100—200 г. Афарбоўка сьветла-рыжая зь цёмнымі стракацінамі. Дзюба кароткая, моцная. Бегае хутка. Вясной самец выдае вельмі рэзкія, моцныя, непрыемныя гукі (адсюль назва). Корміцца насякомымі, смаўжамі, дажджавымі чарвямі, насеньнем пустазельля і іншым. Зімуе ў Афрыцы і Міжземнамор’і. Увосені вельмі тлусты.
Аб’ект паляваньня. Мяса вельмі смачнае, гатуецца падобна да перапёлкі, фазана.
[рэдагаваць] Крыніцы
- ^ a b Красная книга Беларуси. Коростель(рас.)
[рэдагаваць] Літаратура
- Артыкул створаны з дапамогай матэрыялаў з: Алесь Белы, праект «Наша Ежа»
[рэдагаваць] Вонкавыя спасылкі
 |
Гэты від занесены ў Чырвоную кнігу Рэспублікі Беларусь і ахоўваецца законам. |
Драч — сховішча мультымэдыйных матэрыялаў
