Дуброва (Лельчыцкі раён)

Дуброва
Першыя згадкі:	1551
Вобласьць:	Гомельская
Раён:	Лельчыцкі
Сельсавет:	Дуброўскі
Вышыня:	150 м н. у. м.
Насельніцтва:	915 (2000)
Колькасьць двароў:	347
Тэлефонны код:	+375 2356
Аўтамабільны код:	3
Геаграфічныя каардынаты:	51°47′ пн. ш. 28°13′ у. д.
Дуброва на мапе Беларусі Дуброва

Дубро́ва — вёска ў Лельчыцкім раёне Гомельскай вобласьці, за 14 км на захад ад раённага цэнтру Лельчыцы, за 75 км ад чыгуначнай станцыі Ельск. Дуброва ўваходзіць у склад і зьяўляецца цэнтрам Дуброўскага сельсавету і камунальнага сельскагаспадарчага прадпрыемства «Новая ніва».

Гісторыя

Па пісьмовых крыніцах вядомая з 1551 году як дзяржаўнае сяло ў складзе Вялікага княства Літоўскага. З 1793 году — у складзе Расейскай імпэрыі, сяло знаходзілася ў Лельчыцкай воласьці Мазырскага павету Менскай губэрні.

У лістападзе 1942 году нямецка-фашысцкія захопнікі спалілі ўсю вёску і загубілі 23 жыхары.

3 23 сьнежня 1959 году цэнтар сельсавету.

Насельніцтва

• 1886 год — 40 двароў, 243 жыхары
• 1909 год — 105 двароў, 670 жыхароў; маёнтак, двор — 12 жыхароў
• 1917 год — 141 двор, 895 жыхароў; маёнтак — 76 жыхароў
• 1940 год — 210 двароў, 1056 жыхароў
• 1971 год — 410 двароў, 1556 жыхароў
• 1998 год — 316 двароў, 942 жыхары
• 2000 год — 347 двароў, 915 жыхароў

Інфраструктура

Сярэдняя школа, клюб, бібліятэка, комплексны прыёмны пункт бытавога абслугоўваньня, аддзяленьне сувязі, аўтаматычная тэлефонная станцыя, дзіцячы сад, фэльчарска-акушэрскі пункт, аддзяленьне ААТ «Беларусбанк», 3 крамы.

Інфармацыя для турыстаў

Страчаная спадчына

• Міхайлаўская царква

Літаратура

• Памяць: Гіст.-дакум. хроніка Лельчыцкага раёна. — Мн.: Паліграфафармленне, 2002. — 606 с.: іл.

Вонкавыя спасылкі

• Дуброва