Дубровіца (Украіна)

Дубровіца
Дубровиця
Касьцёл Сьв. Яна Хрысьціцеля, Н. Орда
Герб Дубровіцы Сьцяг Дубровіцы
Першыя згадкі:	1005
Вобласьць:	Ровенская
Раён:	Дубровіцкі
Плошча:	58,7 км²
Насельніцтва:	9644 (2001)
Тэлефонны код:	+380-3658
Паштовы індэкс:	34100—34108
Геаграфічныя каардынаты:	51°34′33″ пн. ш. 26°33′34″ у. д.
Дубровіца на мапе Ўкраіны Дубровіца
Галерэя здымкаў у Wikimedia Commons

Дубровіца, Дубравіца (па-ўкраінску: Дубровиця) — места ў Ровенскай вобласьці Ўкраіны, на рацэ Гарынь. Адміністрацыйны цэнтар Дубровіцкага раёну. Насельніцтва 9644 чал. (2001).

Знаходзіцца за 126 км на поўнач ад Роўна, за 3 км ад чыгуначнай станцыя Дамбровіца на лініі Сарны — Лунінец.

Гісторыя

• 1005: першыя згадкі, горад Тураўскага княства.
• 2-я пал. XII ст.: цэнтар удзельнага Дубровіцкага княства.
• 1340-я: у складзе Вялікага Княства Літоўскага.
• XV ст.: уладаньне Дубровіцкіх-Гальшанскіх.
• XVI ст.: у Троцкім ваяводзтве; у Дубровіцы збудавалі касьцёл.
• 1565/66: у Пінскім павеце Берасьцейскага ваяводзтва, цэнтар Дубровіцкага графства.
• 1571: у якасьці пасагу Дубровіцу атрымаў А. Курбскі.
• 1695: Ян Дольскі фундаваў у месьце калегіюм піяраў.
• XVIII ст.: валоданьне Плятэраў.
• 1793: у выніку другога падзелу Рэчы Паспалітай апынулася ў складзе Расейскай імпэрыі.
• 1795: разам з усёй воласьцю (колішнім графствам) адарваная ад астатняй Берасьцейшчыны і пераведзеная ў склад Валынскай губэрні.
• 1831: па задушэньні вызваленчага паўстаньня расейскія ўлады скасавалі Дубровіцкі калегіюм піяраў.
• 1918—1919: адбылося арганізаванае эсэрамі і бальшавікамі Дубровіцкае паўстаньне, у выніку якога быў разрабаваны палац графаў Плятэраў.
• 1921: згодна з Рыскай мірнай дамовай увайшла ў склад міжваеннай Польскай Рэспублікі.
• 1939: у складзе Ўкраінскай ССР.
• 1 ліпеня 1941 — 10 студзеня 1944: знаходзілася пад нямецкай акупацыяй.
• 30 ліпеня 1997: меская рада зацьвердзіла сучасныя герб і сьцяг Дубровіцы.

Насельніцтва

• 1860 — 3743 чал., зь іх 1709 хрысьціянаў і 2034 юдаістаў.
• 1990 — 10,7 тыс. чал.
• 2001 — 9,6 тыс. чал.

Эканоміка

Прадпрыемствы харчовай прамысловасьці, завод па перапрацоўцы лёну.

Выдатныя мясьціны

Касьцёл Сьв. Яна Хрысьцiцеля

• Касьцёл Сьв. Яна Хрысьцiцеля (1695—1701).
• Царква Раства Багародзіцы (1862).

Вядомыя ўраджэнцы

• Мікола Аляксеевец (нар. 1941) — украінскі гісторык і пэдагог.
• Анастасія Заслаўская-Гальшанская (?—1561) — рэлігійная і культурная дзяячка часоў Вялікага Княства Літоўскага.
• Мікола Ляховіч (нар. 1976 — украінскі грамадзкі дзеяч, палітычны вязень.
• Фёдар Пірышка (1898—1991) — беларускі партыйны дзеяч, мэмуарыст.
• Жорж Шарпак (нар. 1924) — францускі фізык, ляўрэат Нобэлеўскай прэміі па фізыцы (1992)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 1: Абаленскі — Кадэнцыя. — Мінск: Беларуская Энцыклапедыя, 2005. — 684 с.: іл. ISBN 985-11-0314-4.
• Dąbrowica // Słownik geograficzny Królestwa Polskiego i innych krajów słowiańskich. Tom I: Aa — Dereneczna. — Warszawa, 1880. S. 931
• Домбровица // Энциклопедический словарь Брокгауза и Ефрона. Санкт-Петербург, 1890—1907.

Вонкавыя спасылкі

 Дубровіца (Украіна) — сховішча мультымэдыйных матэрыялаў

• Неафіцыйны сайт места