Дынама-93 Менск

Дынама-93
Заснаваны	1946
Горад	Менск, Беларусь
Чэмпіянат	Вышэйшая ліга
· 1997	5 месца

«Дына́ма-93» — беларускі футбольны клюб зь Менску. Быў заснаваны ў 1946 годзе як «Дынама-д». Расфармаваны ў 1998 годзе.

Гісторыя

У першым незалежным чэмпіянаце краіны 1992 г., які праводзіўся ў адно кола, Дынама-93 гуляла ў Другой лізе чэмпіяната Беларусі (на той час Другім па рангу дывізіёне), дзе сталася пераможцам і атрымала права гуляць у Вышэйшай лізе. Дынама-93 набрала роўную колькасьць пунктаў з бабруйскім Шыньнікам, а таму чэмпіёнства прыйшлося здабываць у дадатковай гульні, якая адбылася 25 чэрвеня 1992 г. на стадыёне Трактар у Менску, дзе сталічная каманда ўпэўнена перамагла зь лікам 3:0. Пры гэтым цікава, што ў асабістай сустрэчы рэгулярнага першынства Дынама-93 свайму суперніку ўсё ж такі прайграла (1:2).

У сэзоне 1998 Дынама-93 здолела згуляць усяго 14 гульняў, дадаткова атрымаўшы адну тэхнічную паразу ад віцебскага Лякаматыва-96 (0:3), не зьявіўшыся на матч праз фінансавыя цяжкасьці. Улетку 1998 г. каманда была вымушана зьняцца з чэмпіянату і неўзабаве была афіцыйна распушчана.

Паказьнікі выступленьня Дынама-93 ў Вышэўшай лізе чэмпіянату Беларусі:

• Праведзеных гульняў: 181, зь іх
  • выйграных: 99
  • нічыйных: 43
  • прайграных: 39
• Колькасьць мячоў
  • забітых: 296
  • прапушчаных: 157
• Набраных пунктаў: 340

Дасягненьні

• Чэмпіянат Беларусі
  • Другое месца (1): 1993/1994.
  • Трэцяе месца (3): 1992/1993, 1994/1995, 1995-восень.

• Кубак Беларусі
  • Пераможца (1): 1994/1995.
  • Фіналіст (1): 1996/1997.

Папярэднія назвы

• 1946—1947, 1949, 1950, 1952, 1963—1976, 1978—1991 — «Дынама-д»
• да лета 1992 — «Дынама-2»
• зь лета 1992 — да лета 1993 — «Беларусь»

Трэнэры

• 1992-1993: Іван Шчокін
• 1994-1996: Віктар Сокал

Вядомыя гульцы

• Сяргей Гоцманаў
• Пётар Качура
• Андрэй Лаўрык
• Аляксандар Хацкевіч
• Юры Шуканаў