Дынама Масква (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сьцяг Расеі Дынама Масква
FC Dinamo Moscow Logo.png
Поўная назва Футбольный клуб «Динамо» Москва
Заснаваны 1923
Горад Масква, Расея
Стадыён Арэна Хімкі, Хімкі
Умяшчальнасьць: 18 636
Галоўны трэнэр Станіслаў Чарчэсаў
Чэмпіянат Расейская Прэм’ер-ліга
 · 2013—2014 4 месца
Афіцыйны сайт

Дынама (па-расейску: Динамо) — расейскі футбольны клюб з гораду Масква. Заснаваны ў 1923 годзе. Уладальнік Кубка Расеі (1995). 11-разовы чэмпіён СССР, шасьціразовы ўладальнік Кубка СССР. Адзін з двух клюбаў, разам з кіеўскім «Дынама», які прыняў удзел ва ўсіх розыгрышах чэмпіянату СССР.

Гісторыя[рэдагаваць | рэдагаваць крыніцу]

Савецкі пэрыяд[рэдагаваць | рэдагаваць крыніцу]

Фёдар Чулкоў

18 красавіка 1923 году на ўстаноўчым сходзе паводле ініцыятывы Фэлікса Дзяржынскага было створана першае ў Савецкім Саюзе ведамаснае спартовае таварыства «Дынама»[1]. У кнізе Ўладзімера Верхалашына «Дынамаўцы» апісана, як першым энтузіястам стварэньня пралетарскага спартовага таварыства «Дынама» — працоўным штаба войскаў ДПУ Паўлу Ўральцу, Міхаілу Лаўрэнцьеву, Дзьмітрыю Іванову, Кірылу Кузьміну й начальніку палітаддзела войскаў ДПУ Леаніду Нядолі-Ганчарэнкі прыйшла ў лютым ідэя стварэньня спартовага грамадзтва чэкістаў, і як была абрана назва таварыства[2].

Футбол быў адным зь любімых відаў спорту чэкістаў. У пачатку 1920-х гадоў у частках ДПУ й сярод супрацоўнікаў гэтага ведамства былі створаны футбольныя калектывы, якія сабралі многіх здольных гульцоў і якія ўдзельнічалі ў першынствах сярод частак і злучэньняў. Савет зноў створанага Маскоўскага пралетарскага спартовага таварыства «Дынама» й ягоны вучэбна-спартовы аддзел паставілі пытаньне аб стварэньні новай, «інструктарскай», паказальнай каманды, якая павінна была стаць на адзін узровень з наймацнейшымі маскоўскімі камандамі таго часу. Яна павінна была служыць узорам для астатніх камандаў ведамства, шукаць свой асаблівы стыль і манеру, перадаваць іх іншым дынамаўскім камандам ў нізавых арганізацыях.

Трэба было знайсьці энэргічнага чалавека, які добра ведае футбол, які здолеў бы запрасіць у шэрагі новай каманды адораных футбалістаў і зьяднаць іх. Выбар упаў на Фёдара Чулкова, які служыў у тыя гады ў войсках ДПУ. Уладзімер Кузьмін, загадчык вучэбнай часткай грамадзтва, даведаўся, што Фёдар да прызыву ў войска гуляў за КФС брамнікам і добра ведае шматлікіх футбалістаў Масквы, і пасьля размовы зь ім вырашыў даручыць яму працэс фармаваньня каманды. Чулкоў быў выкліканы для грунтоўнай размовы на Савет. Кандыдатура Чулкова як чалавека, якому даручалася фармаваньне каманды, не выклікала пярэчаньняў. Такім чынам, у пачатку красавіку 1923 году перад Чулковым была пастаўлена задача на працягу месяца сфармаваць каманду, якая магла б супернічаць з тагачаснымі лепшымі камандамі сталіцы. Астатнія тры каманды, якія патрабавалі для дэбюту ў групе наймацнейшых, было вырашана сфармаваць зь лепшых футбалістаў воінскіх частак і цэнтральнага апарату ведамства.

Чулкоў, адкінуўшы такія варыянты, як фармаваньне каманды з маладых камсамольцаў, якія служылі ў ДПУ, і спробы запрашэньня вядомых футбалістаў зь вядучых камандаў, вырашыў запрасіць у «Дынама» былых партнёраў па КФС, кар’ера большасьці зь якіх падыходзіла да канца й якія валодалі вопытам і майстэрствам . Ён разьлічваў, што ў іх будзе вучыцца моладзь. У клюб былі запрошаны Васіль Жытароў (экс-гулец зборнай Расейскай імпэрыі, удзельнік Алімпіяды 1912 году; быў абраны капітанам каманды), Міхаіл Дзянісаў, Мікалай Троіцкі й іншыя. Аднак у каманды не было свайго стадыёна, на якім можна было б праводзіць паўнавартасную вучэбна-трэніровачную работу. Былі праблемы й са спартовым рыштункам — грамадзтва не магло забясьпечыць каманды бутцамі й формай. На першыя матчы дынамаўцы выходзілі ў форме КФС — белыя футболкі з чорным каўнерыкам і чорныя трусы.

Склад[рэдагаваць | рэдагаваць крыніцу]

Па стане на 19 красавіка 2014 году

Пазыцыя Імя Год нараджэньня
1 Сьцяг Расеі Бр Антон Шунін 1987
2 Сьцяг Расеі Аб Аляксей Казлоў 1986
3 Сьцяг Расеі ПА Юры Жыркоў 1983
5 Сьцяг Нідэрляндаў Аб Дуглас 1986
6 Сьцяг Аргентыны Аб Леандра Фэрнандэс (капітан) 1983
7 Сьцяг Вугоршчыны ПА Балаж Джуджак 1986
8 Сьцяг Расеі ПА Артур Юсупаў 1989
9 Сьцяг Расеі Нап Аляксандар Какорын 1991
10 Сьцяг Украіны Нап Андрэй Варонін 1979
11 Сьцяг Расеі ПА Алан Касаеў 1986
13 Сьцяг Расеі Аб Уладзімер Гранат 1987
14 Сьцяг Расеі Нап Павал Саламацін 1993
16 Сьцяг Эквадора ПА Крыстыян Набоа 1985
17 Сьцяг Расеі ПА Алан Гатагаў 1991
Пазыцыя Імя Год нараджэньня
18 Сьцяг Армэніі Бр Раман Беразоўскі 1974
19 Сьцяг Расеі Бр Яўген Фралоў 1988
21 Сьцяг Румыніі ПА Георге Фларэску 1984
22 Сьцяг Нямеччыны Нап Кевін Кураньі 1982
23 Сьцяг Аўстраліі Аб Люк Ўілкшыр 1981
25 Сьцяг Расеі Нап Уладзімер Дзядзюн 1988
27 Сьцяг Расеі ПА Ігар Дзянісаў 1984
28 Сьцяг Расеі Аб Барыс Ротэнбэрг 1986
32 Сьцяг Сэрбіі Аб Марка Ломіч 1983
55 Сьцяг Расеі Бр Уладзімер Габулаў 1983
61 Сьцяг Фінляндыі ПА Маштаг Ягубі 1994
84 Сьцяг Рэспублікі Конга Аб Крыстафэр Самба 1984
99 Сьцяг Расеі ПА Аляксей Іонаў 1989

Крыніцы[рэдагаваць | рэдагаваць крыніцу]

  1. ^ Журнал «Великие клубы». «Динамо» № 10 (22) 2007 г., стр. 4
  2. ^ Футбольный клуб Летопись. Официальный сайт «Динамо».

Вонкавыя спасылкі[рэдагаваць | рэдагаваць крыніцу]