Дыссацыяльны разлад асобы

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Сацыяпатыя (дыссацыяльны або антысацыяльны разлад асобы; састар. (антысацыяльная) псыхапатыя, разлад асобы тыпу эмацыйна тупых) — разлад асобы, які характарызуецца ігнараваньнем сацыяльных нормаў, імпульсіўнасьцю, агрэсіўнасьцю і вельмі абмежаванай здольнасьцю фарміраваць прыхільнасьці. Першапачаткова тэрмін «псыхапатыя» датычыўся толькі да гэтага разлада асобы.

Праявы[рэдагаваць | рэдагаваць крыніцу]

Паводле Сусьветнай арганізацыі здароўя, немач выяўляецца праз: 1) чэрствую беструрботнасьць да пачуцьцяў іншых, 2) устойлівую безадказнасьць і пагарду да грамадзкіх правілаў, 3) няздатнасьць падтрымліваць устойлівыя дачыненьні пры адсутнасьці цяжкасьці ў іх устанаўленьні, 4) нецярпімасьць да расчараваньня і схільнасьць да гвалту, 5) няздольнасьць адчуваць віну і атрымліваць досьвед з пакараньня, 6) гатоўнасьць вінаваціць іншых і апраўдваць абуральныя для грамадзтва паводзіны.