Дэйвід Карвацкі

Зьвесткі зь Вікіпэдыі — вольнай энцыкляпэдыі
Вікіпэдыя мае артыкулы пра іншых асобаў з прозьвішчам Карвацкі.
Дэйвід Карвацкі
Асабістыя зьвесткі
Нарадзіўся: 30 траўня 1965(1965-05-30) (58 гадоў)
Партыя:

Дэ́йвід Карва́цкі (па-ангельску: David Karwacki; нар. 30 траўня 1965, Саскатун, Саскачэван, Канада) — канадзкі палітычны дзеяч, лідэр Саскачэўанскае лібэральнае партыі. З шляхецкага роду Карвацкіх.

Навучаньне[рэдагаваць | рэдагаваць крыніцу]

Навучаўся ў Саскатуне, Саскачуанскім унівэрсытэце (скончыў Коледж камэрцыі ў 1989), M.I.T. (Бостан) і пазьней у Стэнфардзе (Сан-Францыска). Падчас навучаньня ў Саскачэўанскім унівэрсытэце праявіў сябе як актыўны дзеяч грамадзтва. Быў гульцом баскетбольнае кампаніі ўнівэрсытэту, што прадстаўляла ўнівэрсытэт на нацыянальным узроўні, быў прэзыдэнтам Баскетбольнае асацыяцыі студэнтаў, адным з заснавальнікаў Дабрачыннага фонду для разьвіцьця спорту ўва ўнівэрсытэце. Быў актыўным вернікам парафіі сьв.Ганны.

Прафэсійная дзейнасьць[рэдагаваць | рэдагаваць крыніцу]

У 1990 з трыма партнэрамі заснаваў ТАА «Star Produce» — міжнародную кампанію па распаўсюджваньні харчовых прадуктаў. Выконваў функцыі галоўнага апэрацыйнага й выканаўчага дырэктара кампаніі. Кампанія ахапіла 200 работнікаў у Паўночнай Амэрыцы з штогодным прыбыткам у $100 млн. Дадзены бізнэс дазволіў яму выйсьці на сусьветны рынак і займець стасункі з сельскагаспадарчымі вытворцамі па ўсім сьвеце.

Палітычная дзейнасьць[рэдагаваць | рэдагаваць крыніцу]

27 кастрычніка 2001 — 21 сьнежня 2007 — лідэр Саскачэўанскае лібэральнае партыі. У 2003 на мясцовых выбарах ў Заканадаўчую Асамблею правінцыі Саскачэван ад акругі Саскатун Меўасін саступіў былому міністру юстыцыі Фрэнку Квэнэлу. На выбарах 19 чэрвеня 2006 на пасаду ад акругі Ўэйбэрн-Біг Мадзі зноў быў другім, саступіўшы кандыдату ад Саскачэўанскае партыі Дастыну Данкану (49% галасоў) і набраўшы 27% галасоў выбаршчыкаў. У 2007 зноўку спаборнічаў ад акругі Саскатун Меўасін, але набраў яшчэ менш галасоў, чымся ў 2003. Дэйвід Карвацкі ёсьць адзіным лідэрам трох галоўных партыяў, які двойчы ўдзельнічаў у выбарах і не заняў пасады.

Сям’я[рэдагаваць | рэдагаваць крыніцу]

Жанаты, з жонкай Лоры, выкладчыцай, мае чатырох дзяцей: Джонатана, Алікс, Сару й Люка.