Дэпартыва Ля-Каруньня

Дэпартыва
Поўная назва	Real Club Deportivo de La Coruña, S.A.D.
Заснаваны	1906
Горад	Ля-Каруньня, Гішпанія
Стадыён	Рыазор, Сантандэр Умяшчальнасьць: 34 600
Прэзыдэнт	Аўгуста Сэзар Лендойра
Галоўны трэнэр	Мігель Ангель Лёціна
Чэмпіянат	Ля Ліга
· 2009/2010	10-е месца
Хатнія колеры Выязныя колеры

Дэпартыва (па-гішпанску: Real Club Deportivo de La Coruña) ― гішпанскі футбольны клюб з гораду Ля-Каруньня з правінцыі Галісія, удзельнік гішпанскай Ля Лігі. Заснаваны ў 1906 годзе. Хатнія гульні праводзіць на стадыёне «Рыазор», што ўмяшчае 34,600 гледачоў.

Адзін з пасьпяховых клюбаў Гішпаніі. Аднойчы стаў пераможцам чэмпіянату Гішпаніі (2000) й яшчэ пяць разоў фінішаваў другім (1950, 1994, 1995, 2001 і 2002). Двойчы выйграваў кубак Гішпаніі й тройчы Супэркубак. Пяць разоў прыймалі ўдзел у Лігі Чэмпіёнаў і столькі ж разоў у Кубку УЭФА. Да правядзеньня чэмпіянату Гішпаніі клюб шэсьць разоў станавіўся чэмпіёнам Галісіі (1927, 1928, 1931, 1933, 1937, 1940).

Галоўным праціўнікам клюбу зьяўляеццца іншая каманда з Галісіі — Сэльта з Віга. Традыцыёна гуляе ў бела-сініх паласатых кашулях і сініх шортах і гэтрах.

Гісторыя

У 1902 годзе Хасэ Марыя Абаля вярнуўся дадому ў Ля-Каруньню пасьля навучаньня ў Ангельшчыне, дзе ён пазнаёміўся з гульнёй у футбол. У 1904 годзе ён разам зь сябрамі сабралі каманду, якую назвалі Каруньня (гішп. Coruña). Гульня ў горадзе стала больш папулярнай калі ў прэстыжнай гімназіі гораду Sala Calvet футбол быў ўведзены ў праграму навучаньня.

У сьнежні 1906 году вучні гімназіі згаданай вышэй стварылі сваю ўласную каманду, якую назвалі Club Deportivo da Sala Calvet. Праз два с паловай гады клюб атрымаў статус каралеўскага ад Альфонса XIII і з гэтага часу існуе цяперашні назоў каманды Real Club Deportivo de A Coruña.

Дасягненьні

• Чэмпіёны Гішпаніі (1): 2000
• Уладальнікі Кубку Гішпаніі (2): — 1995, 2002
• Уладальнікі Супэркубку Гішпаніі (3): — 1995, 2000, 2002

Склад каманды

№ Пазыцыя Імя Год нараджэньня 1 Бр Даніель Арансубія 1979 2 Аб Мануель Пабла (капітан) 1976 3 Аб Філіпэ Луіс 1985 4 Аб Піску 1987 5 Аб Зэ Каштру 1983 6 ПА Хука 1979 7 Аб Альбэрта Лёпа 1980 8 ПА Сэрхіё Гансалес 1976 9 Нап Радольфа Бадыпа 1977 10 Нап Адрыян Лёпэс 1988 11 Нап Рыкі 1980 12 Аб Браян Ангула 1989

№ Пазыцыя Імя Год нараджэньня 13 Бр Ману 1986 14 ПА Пабла Альварэс 1980 15 Аб Лаўрэ 1985 16 ПА Антоніё Тамас 1985 18 ПА Андрэс Гўардада 1986 19 Аб Дыега Калёта 1981 20 Нап Лясад Нуіўі 1985 21 ПА Хуан Карляс Валерон (віцэ-капітан) 1975 22 ПА Хуан Радрыгес 1982 23 ПА Іван Пэрэс 1985 24 Нап Міста 1978 28 ПА Хуан Дамінгес 1990

Вонкавыя спасылкі

 Дэпартыва Ля-Каруньня — сховішча мультымэдыйных матэрыялаў

• Афіцыйны сайт^(гішп.)
• Неафіцыйны сайт заўзятараў^(гішп.)