Дэрбі

Дэрбі
Derby
Выгляд на Катэдральны сабор Дэрбі
Горад з:	1977
Плошча:	78 км²
Насельніцтва (2006) • колькасьць: • шчыльнасьць:	236,300 3,028
Часавы пас:	UTC+0
Тэлефонны код:	01332
Паштовы індэкс:	DE1, DE3, DE21-24, DE73
Геаграфічныя каардынаты:	52°55′00″ пн. ш. 1°28′00″ з. д.
Дэрбі на мапе Вялікабрытаніі Дэрбі
Галерэя здымкаў у Wikimedia Commons
http://www.derby.gov.uk/

Дэрбі (па-ангельску: Derby, вымаўляецца «Дэрбі») — горад у Ангельшчыне, у графстве Дэрбішыр, мае статус горада з 1977 году . Разьмяшчаецца ў рэгіёне Іст-Мідландз на беразе ракі Дэрвэнт.

Мінуўшчына

Горад мае дачыненьне да пэрыяду панаваньня Рыму, саксонаў і вікінгаў. Быў пабудаваны рымскімі калянізатарамі як форт пад назвай «Derventio», але ёсьць меркаваньні, што горад быў названы ад англасаксонскага «Deoraby» (паселішча аленяў). Уваходзіў у зьвяз пяці гарадоў, зьяўляючыся часткай Данелагу.

Дэрбі й Дэрбішыр былі цэнтрам брытанскай прамысловай рэвалюцыі. У 1717 годзе тут была пабудавана першая ў Ангельшчыне шоўкавая фабрыка, што выкарыстоўвала гідраэнэргію. Гэта тэхналёгія была здабыта Джонам Ломбам ў П’емонце. Зараз у старым будынку фабрыкі месьціца музэй індустрыі Дэрбі, дзе можна знайсьці экспанаты чыгункавай, авіацыйнай і горназдабываючай галіны прамысловасьці, а таксама керамічных вырабаў і ліцейнае справы .

Выбітныя мясьціны

Сярод славутасьцяў гораду варта вылучыць катэдральны сабор Дэрбі, які быў пабудаваны ў XIV стагодзьдзі. Ён зьяўляецца цэнтрам англіканскай гіпархіі Дэрбі. Вежа сабору была пабудавана паміж 1510—1530 гадамі ў папулярным у тыя часы гатычным стылі. Але ў 1725 годзе архітэктар Джэймз Гібз перабудаваў сабор у стылі клясыцызму. Вышыня вежы сабора на дадзены момант складае 64,8 мэтраў.

• Катэдральны квартал
• Музэй індустрыі Дэрбі (Шоўкавая фабрыка)
• Музэй і мастацкая галерэя Дэрбі
• Прайд-парк (стадыён ФК Дэрбі Каўнці)
• Рака Дэрвэнт

Прамысловасьць

У сучаснасьці ў Дэрбі знаходзяцца два заводы па зборцы аўтамабіляў кампаніяў Ролз-Ройз і Таёта. Інтэрнэт і тэлэфоны банк Эг («Egg» — яйка) таксама месьцяцца ў горадзе.

Адукацыя

Унівэрсытэт Дэрбі быў адчынены ў 1993 годзе, на базе коледжу, што вядзе сваю гісторыю з 1851 году. У 2003 годзе ўнівэрсітэт Нотынггэма адчыніў у Дэрбі мэдыковую асьпірынтуру пры гарадзкой бальніцы Дэрбі.

Транспарт

У 12 кілямэтрах ад гораду знаходзіцца аэрапорт Усходні Мідландз, што абслугоўвае каля 5 мільёнаў чалавек штогод. Акрамя гэтага аэрапорт займаецца перавозкай грузаў і займае другую пазыцыю па колькасьці перавезенага грузу пасьля Гітраў.

Іншае

Горад даў назву разнавіднасьці скачак, а таксама асабліва прынцыповым футбольным матчам.

Вонкавыя спасылкі

 Дэрбі — сховішча мультымэдыйных матэрыялаў

• Афіцыйны сайт^(анг.)