Ежы Бузэк

Ежы Бузэк Jerzy Buzek
Кіраўнік Эўрапарлямэнту
14 ліпеня 2009 — цяперашні час
Папярэднік:	Ганс-Гэрт Пэтэрінг
Наступнік:	---
Прэм’ер-міністар Польшчы
31 кастрычніка 1997 — 19 кастрычніка 2001
Прэзыдэнт:	Аляксандар Квасьнеўскі
Папярэднік:	Уладзімер Цімашэвіч
Наступнік:	Лешэк Мілер
Асабістыя зьвесткі:
Нарадзіўся:	3 ліпеня 1940 (72 гады) Сьмілавічы, Пратэктарат Чэхіі й Мораў, Трэці Райх
Нацыянальнасьць:	паляк
Партыя:	Грамадзянская плятформа
Дзеці:	Агата Бузэк
Бацькі:	Павал Бузэк Браніслава Шчука
Рэлігія:	Лютэранства

Ежы Бузэк (нар. 3 ліпеня 1940 году ў Сьмілавічах) — польскі палітык.

З лютэранскай сям’і родам са Сьлёнска Цешынскага. Брат яго дзядкі, Юзаф Бузэк, быў сэнатарам і заснавальнікам, дырэктарам Галоўнага статыстычнага ўпраўленьня.

Скончыў Сьлёнскую палітэхніку (1963, хімічная інжынэрыя), доктар з 1969 году, доктар габілітаваны з 1979 году, прафэсар звычайны з 8 ліпеня 1997. Выкладаў у Сьлёнскай палітэхніцы і Апольскай палітэхніцы. Быў чальцом Польскай Акадэміі навук.

З 1980 году быў дзеячом «Салідарнасьці». У 1997 годзе атрымаў мандат пасла на Сойм з акругі Глівіцэ. Да 2001 году займаў пасаду прэм’ер-міністра Польшчы. Быў другім пратэстантам на гэтай пасадзе і першым пасьля 1989 году, які працаваў да канца 4-гадовага скліканьня Сойму. Пачаў 4 вялікія і непапулярныя рэформы: адукацыі, аховы здароўя, эмэрытальную і адміністрацыйную. Пасьля 2001 году выкладаў у прыватнай Акадэміі палянійнай у Чанстахове. 13 чэрвеня 2004 году быў абраны дэпутатам Эўрапарлямэнту па сьпісе Грамадзянскай плятформы з першым вынікам у краіне (173 389 галасоў). У 2009 годзе зноў абраны эўрадэпутатам. 14 ліпеня 2009 году стаў кіраўніком Эўрапарлямэнту.

Доктар honoris causa 5 ВНУ.

Бацька акторкі Агаты Бузэк.

Вонкавыя спасылкі

• prof. dr hab. inż. Jerzy Karol Buzek / Nauka Polska ^(пол.)
• Старонка дэпутата Эўрапарлямэнту ^(пол.)
• Старонка дэпутата Сойму ^(пол.)
• Асабістая старонка ^(пол.)

 Ежы Бузэк — сховішча мультымэдыйных матэрыялаў