Еўе

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Еўе
Vievis
Еўе
Vievis COA.gif
Герб Еўя
Першыя згадкі: 1539
Горад з: 1999
Павет: Віленскі
Насельніцтва: 5246
Часавы пас:
• летні час:
UTC+2
UTC+3
Тэлефонны код: +528
Паштовы індэкс: LT-21372
Геаграфічныя каардынаты: 54°46′ пн. ш. 24°48′ у. д. / 54.767° пн. ш. 24.8° у. д. / 54.767; 24.8Каардынаты: 54°46′ пн. ш. 24°48′ у. д. / 54.767° пн. ш. 24.8° у. д. / 54.767; 24.8
Еўе на мапе Летувы
Еўе
Еўе
Еўе
Commons-logo.svg Галерэя здымкаў у Wikimedia Commons

Еўе (па-летувіску: Vievis) — горад ва ўсходняй Летуве, знаходзіцца ў Віленскім павеце, за 14 км ад Электрэнаў. Зьяўляецца адміністрацыйным цэнтрам Еўейскага староства. Еўе знаходзіцца на шашы Вільня — Коўна — Клайпеда і на чыгуначнай лініі Вільня — Коўна. Насельніцтва горада налічвае каля 5,3 тыс. чалавек. Еўе адносіцца да этнаграфічнага рэгіёна Дзукія.

Назва горада, хутчэй за ўсё, паходзіць ад назвы мясцовага возера Еўе (па-летувіску: Vievis, Yvis), аднак існуюць зьвесткі, якія зьвязваюць назву горада з жонкай Гедыміна Евай, з полацкіх князёўнаў.

Першыя гістарычныя згадкі ў пісьмовых крыніцах аб паселішчы адносяцца да 1539 года, калі мястэчка належала Агінскім. Каля 1600 года тут былі пабудаваны ўніяцкая царква і манастыр. У пачатку XVII стагодзьдзя ў Еўі пачала дзейнічаць друкарня праваслаўнага віленскага Сьвята-Духаўскага братэрства. Самая раньняя кніга, надрукаваная тут датуецца 1611 годам. Тут друкаваліся «Граматыкі славенскія правілное сінтагма» (1619 год) Мілецыя Сматрыцкага. Да 1660 года друкарня надрукавала 25 кнігаў на старабеларускай і польскай мовах. Князь Багдан Агінскі заснаваў тут першы манастыр, які ў 1806 годзе быў пераўтвораны ў прыхадзкую царкву. У 1816 годзе князь Агінскі пабудаваў тут каталіцкі касьцёл, які захаваўся да нашых дзён. У 1837 годзе была закладзеная першая праваслаўная царква.

Хуткі рост мястэчка пачаўся ў другой палове ХІХ стагодзьдзя, калі праз яго прайшла чыгунка Санкт-Пецярбург — Вільня — Варшава (1862 год). Пасьля Першай сусьветнай вайны недалёка ад Еўя праходзіла мяжа паміж Летувіскай Рэспублікай і Польшчай. Пасьля уваходу Летувы ў склад СССР, Еўе, з 1950 года, стаў раённым цэнтрам, але пасьля ліквідацыі Еўескага раёна быў далучаны да Тракайскага раёна. У савецкія часы, у 1970-я гады, еўейская друкарня пачала выпускаць самвыдавецкі журнал «Люстра дзён», які рэдагаваўся Вінцуком Вячоркам.

У 1999 годзе Еўе атрымаў статус горада і атрымаў уласны герб. Горад зноў стаў раённым цэнтрам у 2000 годзе.

Вонкавыя спасылкі[рэдагаваць | рэдагаваць крыніцу]

Commons-logo.svg  Еўесховішча мультымэдыйных матэрыялаў