Занзыбар (горад)

Занзыбар
Першыя згадкі:	16 стагодзьдзе
Насельніцтва:	257 000 (2003)
Геаграфічныя каардынаты:	06°10′ пд. ш. 39°14′ у. д.
Занзыбар на мапе Танзаніі Занзыбар
Галерэя здымкаў у Wikimedia Commons

Занзыба́р (па-ангельску: Zanzibar) — горад у Танзаніі, на заходнім беразе выспы Занзыбар. 257 тыс. жыхароў (2003).

Першае селішча на месцы горада заснавана ў XVI стагодзьдзі, горад быў цэнтрам рабагандлю, затым султанату Маскат і Аман. Вялікая частка горада забудаваная хатамі арабскага тыпу з каралавага каменя і ўяўляе сабой лябірынт вузкіх вуліц; 2-3-павярховыя дамы з плоскімі дахамі стульваюцца суцэльнай сьцяной вакол унутраных панадворкаў, з размаляванымі аканіцамі і рашоткамі, разьбянымі дзьвярамі з сымбалічнымі малюнкамі рыб, лотаса і ланцугоў. Мячэці, арабскі форт, палац султанаў; эўрапейскія пабудовы канца XIX ст.: англіканская царква, касьцёл. Дзяржаўны музэй Занзыбар (быўшы Мэмарыяльны музэй). Прадпрыемствы мылаварнай, парфумэрнай, скурна-абутковая, харчовая прамысловасьці; рамесныя майстэрні. Марскі порт (вываз гваздзікі, капары, цытрусаў, гваздзічнага масла), аэрапорт. У афрыканскім прыгарадзе Нгамба — гліняныя халупы з дахамі з пальмавага лісьця.

Вонкавыя спасылкі

 Занзыбар (горад) — сховішча мультымэдыйных матэрыялаў