Заходняя Сахара

Заходняя Сахара الصحراء الغربية As-Sahrā' al-Ġarbiyyah
(Сьцяг) (Герб)
Афіцыйная мова	арабская
Сталіца	Эль-Аюн
Найбуйнейшы горад	Эль-Аюн
Форма кіраваньня прэзыдэнт прэм'ер-міністар	рэспубліка Мухамад Абдул Азыз Абдул Умар
Плошча  • агульная  • адсотак вады	77-е месца ў сьвеце 266 000 км² нязначны
Насельніцтва  • агульнае (2009)  • шчыльнасьць	168-е месца ў сьвеце 513 000 1,9/км²
Валюта	Мараканскі дырхам (MAD)
Часавы пас	UTC (UTC+0)
Аўтамабільны знак	WSA (зарэзэрваааны)
Дамэн верхняга ўзроўню	.eh
Тэлефонны код	+212

Заходняя Сахара (па-арабску: الصحراء الغربية‎) — ранейшая гішпанская калёнія (Гішпанская Сахара) у паўночнай Афрыцы на ўзьбярэжжы Атлянтычнага акіяна. У наш час краіна акупаваная Марока, якая называе яе сваёй Паўднёвай правінцыяй. Заходняя Сахара мяжуе з Марока, Альжырам і Маўрытаніяй. Да нашага часу ня вызначаны афіцыйны статус Заходняй Сахары.

Гісторыя

У 1911 годзе тэрыторыя Заходняй Сахары была калянізаваная Гішпаніяй, атрымаўшы назву «Гішпанская Сахара». Незалежнасьць Заходняя Сахара атрымала ў 1975 годзе, калі 300 000 мараканцаў прайшло маршам па тэрыторыі Заходняй Сахары.

Пачаткова, тэрытарыяльным прэтэнзіі да Заходняй Сахары, акрамя Марока, мела і Маўрытанія, якая нават увяла войскі ў паўднёвую частку краіны. У наш час Марока кантралюе большую частку Заходняй Сахары. Багатыя радовішчы фасфатаў, а таксама значная дапамога мараканскім мігрантам з боку дзяржавы зрабіла міграцыю мараканцаў сюды вельмі прывабнай. Невялікая ўсходняя частка Заходняй Сахары кантралюецца Фронтам Палісара, які змагаецца за аднаўленьне незалежнасьці краіны.

Геаграфія

Заходняя Сахара знаходзіцца ў паўночна-заходняй частцы Афрыкі, на ўзьбярэжжы Атлянтычнага акіяна. Амаль уся тэрыторыя краіны занятая камяністай пустэльняй, толькі на поўдні зьяўляюцца пяшчаныя дзюны. Паверхня краіны раўнінная, з высокімі абрывамі на ўзьбярэжжы акіяна.

Эканоміка

Большая частка тэрыторыі эканамічна не выкарыстоўваецца. Дарожная сетка разьвітая вельмі слаба. Аснова сельскай гаспадаркі Заходняй Сахара гэта рыбная лоўля, ў аазісах вырошчваюцца фінікі. Прамысловасьць сканцэнтраваная на пераапрацоўцы здабываючыхся тут жа фасфатаў. Узьбярэжжа акіяна валодае значным патэнцыялам па выкарыстоўваньні энэргіі ветру.

Заходняя частка краіны атрымлівае значную дапамогу з боку Марока на разьвіцьцё інфраструктуры ў рамках праграмы па засяленьні Заходняй Сахары мараканцамі. Усходняя частка краіны, дзе разьмяшчаюцца лягеры бежанцаў, вельмі залежыць ад міжнароднай дапамогі.

У апошнія гады значна павысіліся прыбыткі Заходняй Сахары ад турызму. У Ад-Дахлі лятаюць самалёты з Гішпаніі і Канарскіх выспаў.

Дэмаграфія

Тэрыторыя Заходняй Сахары заселеная, у асноўным, прадстаўнікамі народу сахраві, але дзеяньні мараканскіх уладаў па асыміляцыі Заходняй Сахары выклікалі значны рост колькасьці мараканцаў.

Вонкавыя спасылкі

 Заходняя Сахара — сховішча мультымэдыйных матэрыялаў