Згубленыя (тэлесэрыял)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Згубленыя
Lost
Lostlogo.png
Рэжысэр Дж. Дж. Абрамс
Дэніел Аціяс
Джэк Бэндэр
Такер Гейтс
Прадусар Дж. Дж. Абрамс
Джэк Бэндэр
Браян Бэрк
Сцэнарыст Дж. Дж. Абрамс
Дэйман Ліндэлаф
Джэфры Лібэр
У ролях Мэт'ю Фокс
Эванджэлін Лілі
Джош Галаўэй
Тэры О'Кўін
Нэвін Эндрус
Майкл Эмэрсан
Хорхэ Гарсія
Юджын Кім
Дэніэл Дэй Кім
Элізабэт Мітчэл
Дамінік Монаган
Вытворчасьць ABC
Дата выхаду 22 верасьня 200423 траўня 2010
Краіна ЗША
Мова ангельская, француская, карэйская
Профіль на IMDb
Афіцыйны сайт

«Згубленыя» (па-ангельску: Lost) — фантастычна-прыгодніцкі амэрыканскі сэрыял пра лёсы пасажыраў самалёту лініі Oceanic Airlines, які ляцеў рэйсам 815 з Сыднэю да Лос-Анджэлесу ды разьбіўся на таямнічай высьпе ў паўднёвай частцы Ціхага акіяна. 48 выжылых напачатку нічога, акрамя самалёту, не аб’ядноўвае. Акрамя падзеяў на высьпе, у кожную сэрыю ўплецены лёс аднаго з пасажыраў. Ад трэцяга сэзону («Through the Looking Glass») у сэрыі прадстаўлены флэшфорварды.

Сэрыял быў створаны Дж. Дж. Абрамсам, Д. Ліндэлафам, Дж. Лібэрам, якія зьяўляюцца галоўнымі сцэнарыстамі. Большасьць сцэнаў зьнята на высьпе Оаху, Гаваі[1]. Першую пілётную сэрыю можна было пабачыць 22 верасьня 2004 году. 23 траўня 2010 выйшла апошняя сэрыя заключнага 6-га сэзону. Вытворчасьцю «Згубленых» займаецца Touchstone Television, Bad Robot Productions ды Grass Skirt Productions. Музыку да сэрыялу напісаў Майкл Джакіна. Згубленыя — адзін з самых дарагіх тэлевізыйных сэрыялаў. Высокі кошт стаўся вынікам вялікай колькасьці пэрсанажаў ды высокага кошту здымкаў на Гаваях[2].

Неспадзяваныя павароты сюжэту ды няспыннае напружаньне гарантавалі «Згубленым» сусьветную папулярнасьць. У ЗША сэрыі першага сэзону праглядалі ў сярэднім каля 16 мільёнаў гледачоў. Сэрыял, які атрымаў вялічэзную папулярнасьць у сьвеце, быў таксама прызнаны крытыкамі. Ён узнагароджаны «Эмі» за найлепшы драматычны сэрыял 2005, «Залатым Глёбусам» за найлепшы драматычны сэрыял 2005 году ды ўзнагародаю Гільдыі тэлевізыйных актораў[3].

Згодна з найноўшымі маркетолагавымі крокамі, «Згубленыя» ўжо ня толькі сэрыял. Аўтары намагаюцца зацікавіць гледача шукаць дадатковую інфармацыю ў інтэрнэце, трапляючы на шматлікія старонкі, заснаваныя з адною мэтаю: падаць яшчэ больш загадак. Лётныя лініі Oceanic Airlines, звышсакрэтная дасьледчыцкая кампанія DHARMA Initiative, таямнічы код на ўсіх прадуктах — гэта, магчыма, толькі частка шляхоў, якія могуць прывесьці да адказаў на пытаньні, якія паўстаюць на таямнічай высьпе. Дадаткова, каб надаць праўдзівасьці гістарычным падзеям, творцы ўплятаюць у сюжэт сапраўдныя ўстановы, напрыклад, унівэрсытэт Мічыгану.

У траўні 2007 году вытворцы сэрыялу паведамілі, што пасьля трэцяга сэзону будуць паказаныя яшчэ 48 сэрыяў з прыгодамі «Згубленых», згрупаваныя ў тры кароткія сэзоны[4]. Плянавалася, што тры апошнія сэзоны будуць мець па 16 сэрыяў. Але страйк Гільдыі сцэнарыстаў ЗША прывёў да таго, што чацьверты сэзон быў скарочаны да 14 сэрыяў. У сувязі з гэтым тэлеканал ABC паведаміў пра павелічэньне ў пятым і шостых сэзонах колькасьці сэрыяў да 17. Заключная сэрыя апошняга шостага сэзону пабачыла сьвет 23 траўня 2010 году.

Вытворчасьць[рэдагаваць | рэдагаваць крыніцу]

Ідэя[рэдагаваць | рэдагаваць крыніцу]

Першыя зацемкі «Згубленых» зьявіліся ў студзені 2004 году, калі Ллойд Браўн, тагачасны шэф тэлеканалу ABC, прапанаваў напісаць сцэнар сэрыялу, які б сваёю фабулаю меў матывы кніжкі «Ўладар мухаў», фільму «Па-за сьветам» (па-ангельску: Cast Away), тэлевізыйнага сэрыялу Gilligan’s Island ды папулярнага амэрыканскага рэаліці-шоў Survivor. На пачатку галоўным сцэнарыстам быў прызначаны Джэфры Лібэр[5], аднак Браўн, незадаволены вынікамі яго працы, прапанаваў напісаньне сцэнару для пілётнага адцінка сэрыялу Дж. Дж. Абрамсу, стваральніку сэрыялу «Шпіёнка» (па-ангельску: Alias). Да працы далучыўся таксама Дэйман Ліндэлоф[6], зь якім Абрамс супольна стварыў аснову сэрыялу, тыпаж галоўных герояў і галоўныя фабулы пяці з шасьці сэзонаў[7][8].

Першы эпізод «Згубленых» складаўся зь дзьвюх частак і быў найдаражэйшай пілётнай сэрыяй у гісторыі тэлебачаньня — ягоны кошт склаў прыкладна 10—14 мільёнаў даляраў[9]. Сусьветная прэм’ера адбылася 24 ліпеня 2004 падчас выставы Comic-Con у Сан-Дыега. На тэлебачаньні ABC паказ распачаўся 22 верасьня 2004.

Першы сэзон сэрыялу прынёс выдатны камэрцыйны посьпех, здабыўшы і прызнаньне крытыкаў. Разам з двума іншымі новымі прадуктамі ABC («Гатовымі на ўсё» і «Хірургамі») дапамог ў тэлевізыйным сэзоне 2004/2005 вярнуцца кампаніі да лідэрства сярод тэлеканалаў у ЗША[10].

Склад сэрыі[рэдагаваць | рэдагаваць крыніцу]

Сэрыі «Згубленых» маюць прыкладна аднолькавую структуру: большасьць зь іх пачынаецца з успамінаў з папярэдніх сэрыяў, якія датычаць найбольш важных здарэньняў у новым эпізодзе. Пасьля адбываецца пераход да новых сцэнаў у сэрыі. Часта (асабліва ў першым сэзоне) яны пачыналіся з набліжанага вока аднаго з герояў. Празь некалькі хвілін зьяўляецца загаловак сэрыялу — надпіс «LOST» на чорным тле і назва сэрыі. Пасьля, пад час паказу, у кутах падаюцца імёны артыстаў. У кожнай сэрыі дзеі на высьпе пераплятаюцца з флэшбэкамі ці (пасьля трэцяга сэзону) флэшфорвардамі, сканцэнтраванымі на адным з герояў. Пасьля заканчэньня сэрыі на экране зьяўляецца надпіс «LOST» на чорным тле і тытры.

Месца дзеяў[рэдагаваць | рэдагаваць крыніцу]

Выспа Оаху, на якой здымаўся сэрыял

Амаль усе сцэны «Згубленых» здымаліся на гавайскай высьпе Оаху. У пілётнай сэрыі сцэны здымаліся на пляжы Макулея (па-ангельску: Mokuleia), які месьціцца на паўночна-заходнім ускрайку выспы. Пасьля пляжныя сцэны здымаліся ў розных раёнах паўночнага ўзьбярэжжа выспы. Пячорныя сцэны першага і другога сэзону запісваліся на студыі, збудаванай ў будынку фірмы Xerox, якая пуставала ад часу, калі ў 1999 адзін з супрацоўнікаў забіў тамака 7 іншых работнікаў фірмы[11]. Сцэны, якія адбываюцца на станцыі DHARMA Initiative («Лебедзь», «Гідра» ды іншыя), здымалі на Hawaii Film Office-operated Hawaii Film Studio[12], дзе стваралі сцэнаграфію тых самых станцыяў[13]. Акрамя Ганалулу, здымкі праходзілі таксама ў Каліфорніі, Нью-Ёрку, Аёве, Маямі, Рэспубліцы Карэі, Іраку, Ніґерыі, Вялікабрытаніі, Парыжы, Тайляндзе, Бэрліне і Аўстраліі. Напрыклад, сцэны з аэрадрому ў Сыднэі здымалі на Гавайскім Convention Center, а сцэны з іракскай вайсковай базы Рэспубліканскай гвардыі — у фартыфікацыях часоў Другой сусьветнай вайны[14].

Гісторыя выхаду[рэдагаваць | рэдагаваць крыніцу]

Здымачная група[рэдагаваць | рэдагаваць крыніцу]

Героі і выканаўцы[рэдагаваць | рэдагаваць крыніцу]

Увага: Ніжэй прадстаўлены падрабязнасьці сэрыялу!

Актор Пэрсанаж Апісаньне пэрсанажу Сэзоны Актуальны статус
Постаці першага пляну
Мэцью Фокс Джэк Шэпард Нэйрахірург і лідэр Згубленых. Мае праблемы з самакантролем і сытуацыямі, якія ён ня можа выправіць. У яго з Клэр адзін бацька, але даведваецца ён пра гэта толькі пасьля вяртаньня з выспы ад маткі Клэр, якая прыбыла на пахаваньне свайго каханка — Крысьціяна Шэпарда. 1—6 Няма ў жывых
Эванджэлін Лілі Кейт Остын Уцякачка, асуджаная за забойства свайго бацькі, саўдзельніца ў нападзе на банк і іншых злачынствах. Ляцела пад аховаю фэдэральнага шэрыфа Эдварда Марса на рэйсе 815. 1—6 Пакінула выспу
Джош Галаўэй Джэймз «Соер» Форд Ашуканец. Шукае чалавека, які прывёў да сьмерці яго бацькоў. Яго эгаізм і адносіны да іншых пасажыраў прыводзяць да таго, што ягоныя лепшыя якасьці (як чульлівасьць, апякунства ці запал да чытаньня кніг) робяцца відавочнымі толькі праз доўгі час знаходжаньня на высьпе. 1—6 Пакінуў выспу
Тэры О'Кўін Джон Лок Супрацоўнік фабрыкі пудэлак. Паралізаваны ніжэй паясьніцы. Пасьля трапляньня на выспу цалкам выздаравеў, што прымусіла яго паверыць у выключную залежнасьць ад выспы. У 6-м сэзоне ў яго цела уцелавіўся Чорны дым. 1—6 Няма ў жывых
Нэвін Эндрус Саід Джара Былы жаўнер Іракскай Рэспубліканскай Гвардыі. Адзін з найбольш актыўных «Згубленых» 1—6 Няма ў жывых
Хорхэ Гарсія Х’юга «Хёрлі» Рэес Уласьнік шматмільённага выйгрышу ў лятарэю. Ад часу выграньня яго перасьледуюць няўдачы. Безканфліктная і прыязная да іншых «Згубленых» асоба. Часта залагоджвае чужыя спрэчкі. Змагаецца з атлусьценьнем. 1—6 Вярнуўся на выспу
Дамінік Монаган Чарлі Пэйс Залежны ад наркотыкаў рок-музыка. На высьпе распачынае змаганьне са сваёю залежнасьцю. 1—3, 6 Няма ў жывых
Эмілі дэ Рэйвін Клэр Літлтон Матка Аарона, якога нарадзіла неўзабаве пасьля трапляньня на выспу. Сястра Джэка, але ня ведае пра тое. 1—4 Невядомы
Юджын Кім Сун Квон Дачка ўплывовага карэйскага бізнэсоўцы. Жонка Джына, ад якога хацела ўцячы ў аэрапорце. Хавала ад мужа і іншых пасажыраў самалёту сваё веданьне ангельскай мовы. 1—6 НЯма ў жывых
Дэніэл Дэй Кім Джын Су Квон Муж Сун. Паходзіць зь беднай, рыбацкай сям’і, чаго вельмі сароміцца. Каб ажаніцца з Сун, пачаў працаваць на яе бацьку, які даручае яму «мафіёзныя» заданьні. Гэта зрабіла яго агрэсыўным і адвярнула ад яго жонку. 1—6 Няма ў жывых
Гаральд Пэррына Майк Доўсан Інжынэр-будаўнік, мастак. Мае бацькоўскія праблемы са сваім сынам, Уолтам. 1—2, 4 Няма ў жывых
Малькольм Дэйвід Кэлі Уолт Ллойд Сын Майкла. Шмат хто лічыць яго «выключным», дзякуючы яго звышнатуральным здольнасьцям. 1—5 Пакінуў выспу
Ян Самэрхолдэр Бун Карлайл Супрацоўнік фірмы па ладжаньні вясельляў, што належыць яго маці; прыёмны брат Шэнан Рутэрфорд. 1,6 Няма ў жывых
Мэгі Грэйс Шэнан Рутэрфорд Інструктарка танцаў. Прыёмная сястра Буна, зь якім часьцяком сварыцца. 1—2, 6 Няма ў жывых
Мішэль Радрыгэс Ана-Люсія Картэс Былая паліцыянтка. Лідэрка групы пасажыраў з хваста самалёту. 2, 6 Няма ў жывых
Сінція Уотрас Лібі Псыхоляг. 2, 6 Няма ў жывых
Эдыўалэй Экінуэй-Эґбэджэй Містэр Эка Былы лідэр злачыннай групоўкі, якая займалася гандлем і продажам наркотыкаў. Каб уцячы з краіны, мусіў прыкінуцца ксяндзом. Сьмерць брата зьмяніла яго стаўленьне да гэтай ролі — Эка пачаў ставіцца да яе вельмі далікатна, стаўся рэлігійным. 2-3 Няма ў жывых
Гэнры Ен К'юзык Дэсманд Давід Х’юм Былы жаўнер войска Шатляндыі. Трапіў на выспу падчас падарожжа вакол сьвету і жыў там у бункеры на працягу трох гадоў да катастрофы рэйсу 815. Знойдзены празь месяц пасьля катастрофы. 2—6 Вярнуўся на выспу
Майкл Эмэрсан Бэнджамін Лайнус («Генры Гейл») Лідэр Іншых. Адна з найбольш таямнічых і непрадказальных постацей. Таленавіты махляр і маніпулятар — ніколі нельга быць ўпэўненым, што ён у сапраўднасьці думае і якія сапраўдныя намеры мае. 2—6 Вярнуўся на выспу
Марк Пелегрына Джэйкаб Кіраўнік Іншых, аддае загады іхнім лідарам. Мае надзвычайныя здольнасьці, жыве на высьпе на працягу некалькіх стагодзьдзяў. 5-6 Няма ў жывых
Чорны дым - пачвара Існуе на высьпе да сканчэньня сэрыялу. Забівае людзей. Уцелавіўся ў памерлага Джона і загадаў Бэну забіць Джэйкаба. 1-6 Няма ў жывых
Цітус Вэллівэр Брат Джэйкаба Ненавідзіць Джэйкаба. Гэта ён выступае ў выглядзе Чорнага дыму. 5-6 Няма ў жывых
Элізабэт Мітчэл Джульет Бэрк Доктарка, якая займаецца справамі цяжарнасьці. Прыбыла на выспу, каб высьветліць, чаму цяжарныя кабеты зь невядомых прычынаў паміраюць на высьпе. 3—6 Няма ў жывых
Джэрэмі Дэвіс Даніэль Фарадэй Фізык. Быў у групе, якая шукала Бэна. Прыбыў на выспу для дасьледаваньняў незвычайных зьяваў на ёй. 4—6 Няма ў жывых
Кен Люн Майлз Штром Сьвецкі экзарцыст, які размаўляе з духамі. Быў ў групе пошуку, мэтаю якой было знаходжаньне Бэна. 4—6 Пакідае выспу
Рэбэка Мэйдэр Шарлота Льюіс Антраполяг. Была ў групе пошуку, мэтаю якой было знаходжаньне Бэна. 4—5 Няма ў жывых
Джэф Фэлі Фрэнк Лапідус Авіяпілёт. Кіраваў гэлекоптэрам групы пошуку, мэтаю якой было знаходжаньне Бэна. 4—6 Пакідае выспу
Франсуа Шау П'ер Чанг Вядомы як Марвін Кадле, Марк Вікмунд ці Эдгар Халівакс. Бацька Мілеса, і кіруе людзьмі ў Dharmaville. 2-5 Відавочна не жывы.
Важнейшыя постаці другога пляну
Кімберлі Джозэф Сіндзі Чандлер Сцюардэса. Захопленая Іншымі, далучылася да іх. Апякуецца двума дзецьмі, што ацалелі ў катастрофе — Эмаю і Закам. 2-3, 6 Няма ў жывых
Фрэдрык Ленэ Эдвард Марс Фэдэральны шэрыф. Перавозіў Кейт Остын у самалёце з Сыднэю да Лос-Анджалесу. 1, 6 Няма ў жывых
розныя Аарон Літтэртон Сын Клэр. Нарадзіўся неўзабаве пасьля аварыі на высьпе. 1-5 Пакінуў выспу
Келе Санчэз Нікі Фэрнандэс Тэлевізыйная акторка. Перад прыбыцьцём на выспу разам са сваім хлопцам Паўла атруціла і абрабавала рэжысэра, у фільме якога грала. 3 Няма ў жывых
Радрыга Сантора Паўла Кухар. Перад прыбыцьцём на выспу атруціў і абрабаваў разам зь Нікі Фэрнандэс рэжысэра сэрыялу, у якім грала яго дзяўчына. 3 Няма ў жывых
Міра Фурлан Даніэль Русо Навукоўца. Трапіла на выспу з навуковым экіпажам за 16 гадоў да катастрофы самалёту, які ляцеў па рэйсе 815. Маці Алекс, якую адразу пасьля нараджэньня забралі Іншыя. 1—4 Няма ў жывых
Таня Раймонд Аляксандра Русо (Алекс) Дачка Даніэль. Бэн называў яе сваёй дачкою. 2—5 Няма ў жывых
Уільям Майпотэр Ітан Ром Хірург. Прыкідваўся пасажырам з цэнтральнай часткі самалёту. 1, 5-6 Няма ў жывых
Брэт Каллен Гудвін Прыкідваўся пасажырам з хваста самалёту. 2 Няма ў жывых
М. К. Гэйні Том Чалавек высокага рангу ў Іншых. 2-3 Няма ў жывых
Андру Дзівофф Міхаіл Бакунін Былы санітар савецкага войска. Жыў на адной са станцый DHARMA Initiative — «Агмень». 3, 6 Няма ў жывых
Нэстар Карбанэл Рычард Альпэрт Чалавек высокага рангу ў Іншых. 3—5 На высьпе
Маша Томасан Наомі Дорыт Прафэсыйная наймітка. 3—4 Няма ў жывых
Кэвін Дзюранд Марцін Кімі Жаўнер. Лідэр групы наймітаў, нанятых Ўідмарам з мэтаю захопу Бэна і зьнішчэньня іншых людзей на высьпе. 4, 6 Няма ў жывых
Алан Дэйл Чарльз Ўідмар Уплывовы бізнэсоўца, уласьнік фірмы «Widmore Industries». Гэта ён выслаў «паратункавую» экспэдыцыю на выспу. Змагаецца з Бэнам за кантроль над выспаю. Бацька Пэні. 2-6 Няма ў жывых
Соня Ўолгэр Пэнэлопа Ўідмар Дачка Чарльза Ўідмара. Шукала свайго каханага Дэсманда. 2—6 Па-за выспаю
Джон Тэры Крысьціян Шэпард Ардынатар хірургіі. Бацька Джэка і Клэр. 1-5 Няма ў жывых
Кэвін Ціг Энтані Купэр Ашуканец. Бацька Лока. 1-3 Няма ў жывых
Зулейка Робінсан Ілана Пасажырка рэйсу 316 індыйскіх авіяліній Ajira Airways, ахоўвала арыштаванага Саіда. Невядома, ці бывала раней на высьпе. 5-6 На высьпе
Саід Тагмаўі Цэзар Пасажыр з рэйсу 316 індыйскіх авіяліній Ajira Airways. Забіты Бэнам. 5 Няма ў жывых
Брэд Уільям Хэнке Брэм Пасажыр з рэйсу 316 індыйскіх авіяліній Ajira Airways. У 2004 годзе сустракаецца з Майлз Штром і запрашае яго ў сваю каманду. Забіты Чорным дымам. 5-6 Няма ў жывых
Легенда
Пасажыры цэнтральнай часткі самалёту 815
Пасажыры тыльнай часткі самалёту 815
Іншыя
Жыхары выспы да катастрофы рэйсу 815 (акрамя Іншых)
Людзі Чарлза Ўідмара ці зьвязаныя зь ім
Іншыя пэрсанажы
Пасажыры рэйсу 316, што ляцелі разам з 6 згубленымі
Незвычайныя істоты

Сэзоны[рэдагаваць | рэдагаваць крыніцу]

Асноўны артыкул: Сьпіс сэрыяў сэрыялу «Згубленыя»

Колькасьць сэрыяў[рэдагаваць | рэдагаваць крыніцу]

Графік рэйтынгу паказу ў ЗША (у мільёнах) за эпізод кожнага з шасьці сэзонаў на ABC
Сэзон Прэм’ера ў ЗША (ABC) Колькасьць сэрыяў
Першы 22 верасьня 2004 — 25 траўня 2005 25 сэрыяў + 1 адмысловая
Другі 21 верасьня 2005 — 24 траўня 2006 24 сэрыі + 3 адмысловыя
Трэці 4 кастрыніка 2006 — 23 траўня 2007 23 сэрыі + 4 адмысловыя
Чацьвёрты 31 студзеня 2008 — 29 траўня 2008 14 сэрый + 1 адмысловая
Пяты 21 студзеня 2009 — 13 траўня 2009 17 сэрыяў + 3 адмысловыя
Шосты 2 лютага 2010 — 23 траўня 2010 18 сэрыяў
Разам
121 сэрыі + 12 адмысловых

1 сэзон (1—44 дзень па катастрофе)[рэдагаваць | рэдагаваць крыніцу]

Асноўны артыкул: Згубленыя (сэзон 1)

22 верасьня 2004 на таямнічай трапічнай высьпе разьбіўся самалёт, што ляцеў з Сыднэю да Лос-Анджэлесу. 48 пасажыраў цудам выжылі ў катастрофе. Адзін зь іх, хірург Джэк Шэпард, дапамагае параненым, робячыся гэткім чынам нефармальным лідэрам людзей, што яго атачаюць. Надзеі на паратунак марныя — самалёт перад падзеньнем зьмяніў курс на сотні міляў і зваліўся ў невядомым месцы. Група тых, хто выжыў, мусіць зьмяніць сваё жыцьцё, жывучы ў штораз больш таямнічым і непрыязным месцы. Хутка выяўляецца, што на высьпе яны не адны. Ужо ў першую ноч з джунгляў чуюцца дзіўныя гукі. Пасьля выяўляюцца штораз новыя дзіўныя зьявы — тыя, хто блукаюць па джунглях, чуюць дзіўныя шэпты, некаторыя нават бачаць даўно памерлых, блізкіх ім асобаў. Ня маючы надзеі на паратунак згубленыя ўсё больш разжываюцца на пляжы. Хутка двое зь іх — Джон Лок і Бун Карлайл — знаходзяць таямнічы люк. Колькі дзён намагаюцца яго адчыніць, а тым часам астатнія змагаюцца з жыхарамі выспы, якіх яны клічуць Іншымі. Іншыя робяцца ворагам нумар адзін, таму што забіваюць ці намагаюцца скрасьці некаторых з ацалелых у катастрофе. Супольнымі намаганьнямі напрыканцы сэзону удаецца адчыніць дзіўны люк.

2 сэзон (45-67 дзень па катастрофе)[рэдагаваць | рэдагаваць крыніцу]

Асноўны артыкул: Згубленыя (сэзон 2)
Правіянт DHARMA

Бункер некалі зьяўляўся часткаю праэкту DHARMA Initiative — таямнічай арганізацыі, якая праводзіла на высьпе выпрабаваньні. Лок знаходзіць на станцыі Лебедзь Дэсманда Х’юма, чалавека, які разьбіўся на высьпе тры гады таму. Усе тры гады ён кожныя 108 хвілін набіраў код (4, 8, 15, 16, 23, 42) да кампутара, перакананы, што гэтым ратуе сусьвет. Падчас усяго другога сэзону некаторыя са Згубленых жывуць у бункеры, уводзяць код і ўсё больш зьняверваюцца ў сэнсе гэтай працэдуры. У гэтай частцы адбываецца аб’яднаньне з выжыўшымі з хваста самалёту, якія разьбіліся на іншай часцы выспы. Джон Лок знаходзіць іншую станцыю DHARMA Initiative, якая служыць для маніторынга станцый, і глядзіць тамака фільм-інструкцыю, дзе выразна паказана, што ўвод коду на станцыі «Лебедзь» — гэта толькі прыхалягічны тэст на вытрымку людзей, што выконваюць тое заданьне доўгі час. Лок вырашае паглядзець, што станецца, калі ня ўвесьці код у час. Аднак выявілася, што калі ня ўвесьці код, вызваляецца электрамагнітны імпульс вялікай інтэнсіўнасьці. У апошнюю хвілю Дэсманд з дапамогаю адмысловага ключа пераключае аварыйны выключальнік станцыі, што прыводзіць да зьнішчэньня станцыі, і прадухіляе гэтым катастрофу. У гэты самы час Іншым шчасьціць захапіць Джэка, Кэйт і Соэра. Майкл Доўсан здраджвае пасажырам, і яму разам з сынам дазваляюць вярнуцца да цывілізацыі на чоўне.

3 сэзон (68-91 дзень па катастрофе)[рэдагаваць | рэдагаваць крыніцу]

Асноўны артыкул: Згубленыя (сэзон 3)

Трэці сэзон канцэнтруецца на Іншых, іх мінулым і жыцьці на высьпе. Бэнджамін Лайнус схапіў Джэка Шэпарда, бо той зьяўляецца нэйрахірургам і можа зрабіць яму апэрацыю. Кейт і Соэр уцякаюць у час апэрацыі. Джэк застаецца сярод Іншых, бо Бэн абяцае вывезьці яго з выспы на падводным чоўне. Але Джон Лок ўзрывае падлодку, маючы ўласныя пляны адносна выспы і яе жыхароў.

Падводая лодка Іншых

Выяўляецца, што Іншыя не належаць да DHARMA Initiative. Бэн страляе ў Лока і ськідвае яго ў яму з парэшткамі супрацоўнікаў DHARMA Initiative. Тым часам Згубленыя знаходзяць Наомі — выратавальніцу з пашуковага карабля.

Іншыя накіроўваюць на пляж вялікую групу, каб захапіць усіх цяжарных кабет для сваіх дасьледваньняў. Даходзіць да апошняй сутычкі між імі ды Згубленымі. Джэк адключае трансмісыйную вежу, якая глушыць радыёсыгналы. Лок супраць, бо на ягоную думку - людзі з карабля небясьпечныя.

У апошніх сэрыях трэцяй часткі зьяўляюцца сцэны з будучага жыцьця Джэка і Кейт (флэшфорварды).

4 сэзон (92-101 дзень па катастрофе)[рэдагаваць | рэдагаваць крыніцу]

Асноўны артыкул: Згубленыя (сэзон 4)

Падзеі Сэзону 4 пачынаюцца адразу па заканчэньні трэцяга сэзону. Згубленыя не давяраюць людзям з карабля. Таму большая частка іх шукае ратунку ў вёсцы, якую пакінулі Іншыя.

Дэсманд кароткімі пэрыядамі пачынае трапляць ў мінулае, знаходзіцца ў двух рэчаіснасьцях. На караблі ўжо некалькі такіх хворых, якія страцілі адчуваньне часу і вар’яцеюць.

Вырвацца з выспы на гэлекоптэры шчасьціць 6 пасажырам рэйсу самалёта. Каб ня згадваць пра таемную выспу, яны прыдумляюць легенду аб доўгім падарожжы пасьля катастрофы па акіяне на выратавальных шлюпках.

5 сэзон[рэдагаваць | рэдагаваць крыніцу]

Асноўны артыкул: Згубленыя (сэзон 5)

У пятым сэзоне шасьцёрка тых, хто выбраўся з выспы, зьбіраецца наноў і шукае шляхі для вяртаньня назад. Таксама паказаны лёс тых, хто застаўся на высьпе.

6 сэзон[рэдагаваць | рэдагаваць крыніцу]

Асноўны артыкул: Згубленыя (сэзон 6)

Заключны сэзон. Прэм’ера апошніх 18 сэрыяў, першыя і апошнія зь якіх здвоеныя па 2 гадзіны, пачалася 2 лютага 2010 году[15]. Апошняя сэрыя была паказаная 23 траўня 2010 году.

У гэтым сэзоне разьвязаныя ўсе таямніцы, пачынаючы ад першага сэзону — пачвары з дыму, статуя з чатырма пальцамі ці шкілеты на высьпе.

Узнагароды[рэдагаваць | рэдагаваць крыніцу]

Залаты Глёбус[рэдагаваць | рэдагаваць крыніцу]

Год Катэгорыя Намінаваныя Намінацыя / Узнагарода
2005 Лепшы драматычны сэрыял Lost: Згубленыя
Намінацыя
2006 Лепшы драматычны сэрыял Lost: Згубленыя
Узнагарода
2006 Найлепшы актор драматычнага сэрыялу Мэцью Фокс
Намінацыя
2006 Найлепшы актор другога пляну Нэвін Эндрус
Намінацыя
2007 Лепшы драматычны сэрыял Lost: Згубленыя
Намінацыя
2007 Найлепшая акторка драматычнага сэрыялу Эванджэлін Лілі
Намінацыя
2010 Найлепшs актор другога пляну Майкл Эмэрсан
Намінацыя

Кінапрэмія «Сатурн»[рэдагаваць | рэдагаваць крыніцу]

Мэцью Фокс намінаваўся на прэмію «Сатурн» пяць разоў і двойчы перамог
Элізабэт Мітчэл тройчы намінавалася і адзін раз атрымала кінапрэмію «Сатурн»
Год Катэгорыя Намінаваныя Намінацыя / Узнагарода
2004 Найлепшы тэлевізыйны сэрыял Lost: Згубленыя
Узнагарода
Найлепшы тэлевізыйны актор Мэцью Фокс
Намінацыя
Найлепшая тэлевізыйная акторка Эванджэлін Лілі
Намінацыя
Найлепшы тэлевізыйны актор другога пляну Дамінік Монаган
Намінацыя
Найлепшы тэлевізыйны актор другога пляну Тэры О'Кўін
Узнагарода
2005 Найлепшы тэлевізыйны сэрыял Lost: Згубленыя
Узнагарода
Найлепшы тэлевізыйны актор Мэцью Фокс
Узнагарода
Найлепшая тэлевізыйная акторка Эванджэлін Лілі
Намінацыя
Найлепшы тэлевізыйны актор другога пляну Эдыўалэй Экінуэй-Эґбэджэй
Намінацыя
Найлепшы тэлевізыйны актор другога пляну Тэры О'Кўін
Намінацыя
Найлепшая тэлевізыйная акторка другога пляну Мішэль Радрыгэс
Намінацыя
Найлепшае выданьне сэрыялу на DVD Lost — першы сэзон
Узнагарода
2006 Найлепшы тэлевізыйны сэрыял Lost: Згубленыя
Намінацыя
Найлепшы тэлевізыйны актор Мэцью Фокс
Намінацыя
Найлепшая тэлевізыйная акторка Эванджэлін Лілі
Намінацыя
Найлепшы тэлевізыйны актор другога пляну Майкл Эмэрсан
Намінацыя
Найлепшы тэлевізыйны актор другога пляну Джош Галаўэй
Намінацыя
Найлепшая тэлевізыйная акторка другога пляну Элізабэт Мітчэл
Намінацыя
Найлепшае выданьне сэрыялу на DVD Lost — другі сэзон
Намінацыя
2007 Найлепшы тэлевізыйны сэрыял Lost: Згубленыя
Узнагарода
Найлепшы тэлевізыйны актор Мэцью Фокс
Узнагарода
Найлепшая тэлевізыйная акторка Эванджэлін Лілі
Намінацыя
Найлепшы тэлевізыйны актор другога пляну Майкл Эмэрсан
Узнагарода
Найлепшы тэлевізыйны актор другога пляну Джош Галаўэй
Намінацыя
Найлепшы тэлевізыйны актор другога пляну Тэры О'Кўін
Намінацыя
Найлепшая тэлевізыйная акторка другога пляну Элізабэт Мітчэл
Узнагарода
Найлепшае выданьне сэрыялу на DVD Lost — трэці сэзон
Намінацыя
Найлепшы тэлевізыйны сэрыял Lost: Згубленыя
Узнагарода
2008 Найлепшы тэлевізыйны актор Мэцью Фокс
Намінацыя
Найлепшая тэлевізыйная акторка Эванджэлін Лілі
Намінацыя
Найлепшы тэлевізыйны актор другога пляну Гэнры Ен К'юзык
Намінацыя
Найлепшы тэлевізыйны актор другога пляну Джош Галаўэй
Намінацыя
Найлепшы тэлевізыйны актор другога пляну Майкл Эмэрсан
Намінацыя
Найлепшая тэлевізыйная акторка другога пляну Юджын Кім
Намінацыя
Найлепшая тэлевізыйная акторка другога пляну Элізабэт Мітчэл
Намінацыя
Найлепшая гасьцявая роля ў тэлесэрыяле Алан Дэйл
Намінацыя
Найлепшая гасьцявая роля ў тэлесэрыяле Кэвін Дзюранд
Намінацыя
Найлепшая гасьцявая роля ў тэлесэрыяле Соня Ўолгэр
Намінацыя
Найлепшае выданьне сэрыялу на DVD Lost — чацьвёрты сэзон
Намінацыя

Цікавыя факты[рэдагаваць | рэдагаваць крыніцу]

Нумары[рэдагаваць | рэдагаваць крыніцу]

  • Нумары 4 8 15 16 23 42 часьцяком сустракаюцца ў флэшбэках героеў — і шмат калі ў самых неверагодных месцах і камбінацыях.

Героі[рэдагаваць | рэдагаваць крыніцу]

  • Шмат якія сэрыі першага сэзону пачынаюцца з павялічанага вока аднаго з герояў. Першыя тры сэзоны пачынаюцца з павялічанага вока чалавека, які дасюль у сэрыяле не зьяўляўся.
  • Да катастрофы героі часьцяком сустракаліся адзін з адным, ці былі зьвязаныя міжсобку знаёмымі й сваякамі.
  • Імёны некаторых герояў — прозьвішчы вядомых вучоных, філёзафаў і пісьменьнікаў (напрыклад, Джон Лок).

Крыніцы[рэдагаваць | рэдагаваць крыніцу]

  1. ^ http://abc.go.com/primetime/lost/index?pn=about Lost: About the Show 31 ліпеня 2008
  2. ^ http://starbulletin.com/2005/01/26/news/story2.html High filming costs force ABC network executives to consider relocating 31 ліпеня 2008
  3. ^ http://www.imdb.com/title/tt0411008/awards Сьпіс узнагародаў сэрыялу «Згубленыя» на IMDb 31 ліпеня 2008
  4. ^ http://film.onet.pl/F,11597,1530743,wiadomosci.html Zbliża się koniec «Zagubionych», Onet.pl, 31 ліпеня 2008
  5. ^ Bernstein David, «Cast Away», http://chicagomag.com/Chicago-Magazine/August-2007/Cast-Away/index.php?cp=2&si=1#artanc // Chicago magazine, жнівень 2007
  6. ^ Craig Olga «The man who discovered Lost — and found himself out of a job» http://news.telegraph.co.uk/news/main.jhtml?xml=/news/2005/08/14/wlost14.xml //The Daily Telegraph, 14 жніўня 2005
  7. ^ Jensen Jeff «When Stephen King met the Lost boys…» http://www.ew.com/ew/article/0,,1562722,00.html EW.com 24 лістапада 2007
  8. ^ Burk, Bryan, Lost — Kompletny Sezon Pierwszy DVD (дадаткі), Buena Vista Home Entertainment, 6 верасьня 2005
  9. ^ «New series gives Hawaii 3 TV shows in production» Ryan Tim http://starbulletin.com/2004/05/17/news/story7.html //Honolulu Star-Bulletin 17 траўня 2004
  10. ^ Bianco Robert «A good season, with reason» http://www.usatoday.com/life/television/news/2005-04-26-tv-lookback_x.htm //USA Today 26 красавіка 2005
  11. ^ Kristin Veitch Lost Secrets Found! http://web.archive.org/web/20041208152612/http://www.eonline.com/Gossip/Kristin/Archive2004/041016.html
  12. ^ Nichols Katherine — Lost Home//Honolulu Star-Bulletin http://starbulletin.com/2006/05/21/features/story01.html
  13. ^ Ryan Tim — Reel News //Honolulu Star-Bulletin 24 жніўня 2005 http://starbulletin.com/2005/08/24/features/ryan.html
  14. ^ Godvin Tara — Oahu plays the world//Honolulu Star-Bulletin http://starbulletin.com/2005/05/25/features/story4.html 25 траўня 2005
  15. ^ http://www.tvguide.com/News/ABC-Sets-Lost-1012305.aspx

Вонкавыя спасылкі[рэдагаваць | рэдагаваць крыніцу]

Commons-logo.svg  Згубленыя (тэлесэрыял)сховішча мультымэдыйных матэрыялаў