Зуброўка (напой)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Польская зуброўка

Зуброўка (па-польску: Żubrówka) — гатунак гарэлкі, дыстыляванай на жытняй аснове.

Гэты слынны напой вырабляўся на тэрыторыі сучаснага беларуска-польскага памежжа, пачынаючы з 16 стагоддзя і доўгі час зьяўляўся адным з найбольш улюбёных напояў як шляхты, так і сялянства. Наяўнае ў траве зуброўцы рэчыва кумарын надае напою характэрны водар і спрыяе апэтыту ды лепшаму страваваньню ежы.

У 1926 годзе кампанія Polmos (сучасны завод "Белалко") у Брэст-Літоўску вынайшла спосаб масавай вытворчасьці гэтага напою, які потым запазычылі многія кампаній па ўсім свеце.

Паводле арыгінальнай рэцэптуры напой вырабляецца ў Брэсьце пад назвай "Брэсцкая зуброўка". Менскі завод "Крышталь" вырабляе "Беларускую зуброўку", "Бульбаш" - настойка "Зубровая", "Налібокі" - настойка горкая “Налібокі Gold. Зубровіца". Таксама яго вырабляюць у іншых краінах:

  • Польшча - Żubrówka,
  • Літва - Stumbrinė,
  • Украіна - Зубрiвка,
  • Чэхія - Zubrovka,
  • ЗША - Bison Vodka,
  • Нямеччына - Grasovka.

На сёньня брэнд Żubrówka і яго пераклады на іншыя мовы, а таксама травінка ўнутры бутэлькі зарэгістраваныя кампаніяй Polmos Białystok, Польшча.

Вонкавыя спасылкі[рэдагаваць | рэдагаваць крыніцу]

Commons-logo.svg  Зуброўка (напой)сховішча мультымэдыйных матэрыялаў