Жаўна зялёная

Зьвесткі зь Вікіпэдыі — вольнай энцыкляпэдыі
(Перанакіравана з «Зялёны дзяцел»)
Перайсьці да: навігацыі, пошуку
Жаўна зялёная
Grünspecht Picus viridis.jpg
Клясыфікацыя
Царства Жывёлы
Тып Хордавыя
Кляса Птушкі
Атрад Дзятлападобныя
Сямейства Дзятлавыя
Род Picus
Від Зялёная жаўна
Бінамінальная намэнклятура
Picus viridis (Linnaeus, 1758)
Арэал
Picus viridis dis.png

Зялё́ны дзя́цел ці зялёная жа́ўна (Picus viridis) — від птушак зь сямейства дзятлавых (Picidae). Разам зь сівой жаўной (Picus canus) зьяўляецца адзіным прадстаўніком роду Picus у Цэнтральнай Эўропе.

Апісаньне[рэдагаваць | рэдагаваць крыніцу]

Падобная да сівой жаўны: верх аліўкава-зялёны з бачным у палёце жоўтым надхвосьцем. У абодвух полаў чырвоная шапачка і чорны лоб. У самца чырвоная пляма на чорным «вусе». Маладыя больш сьветлыя, з больш выразнымі плямкамі зьверху і з рыскамі зьнізу. Радужына вока шэрая. Голас: чысты і гучны рогат, які нагадвае ржаньне каня: «клю-клю-клю-клю…» або «юх-юх-юх-юхюхюх» (у адрозьненьне ад сівой жаўны танальнасьць амаль аднолькавая), позыў «гі-йак», вельмі рэдка стукае. Даўжыня цела 31—35 см, размах крылаў 50—55 см[1].

Падвіды[рэдагаваць | рэдагаваць крыніцу]

Біятоп[рэдагаваць | рэдагаваць крыніцу]

Сьветлыя высакастволыя лясы (лісьцевыя або зьмяшаныя), часьцей іх прасьветленыя ўскрайкі, рачныя даліны, парослыя высокімі лісьцевымі дрэвамі (таполямі, вольхамі), групы дрэў сярод палёў, старыя паркі (нават у гарадах), на З арэала таксама сады, вінаграднікі, адкрытыя тэрыторыі з адзіночнымі дрэвамі і нават бязьлеснае навакольле з сухастоем.

Гняздо[рэдагаваць | рэдагаваць крыніцу]

У дупле (звычайна лісьцевага дрэва), звычайна бліжэй да сярэдзіны вышыні камля (часта 1-5 м над зямлёй). У подсьціле парахня, часам некалькі трэсак. Дыямэтр адтуліны 6-8 см, глыбіня гнездавой камэры 25-50 см, шырыня 15-20 см.

Яйкі[рэдагаваць | рэдагаваць крыніцу]

Picus viridis

5—7 (3—9, вельмі рэдка 11), эліптычныя, падоўжаныя з тупым вузейшым канцом, белыя, бліскучыя, з бачнымі порамі. Памеры: 31,0 х 23,0 мм (29,5-34,0 х 21,0-23,5 мм).

Арэал[рэдагаваць | рэдагаваць крыніцу]

Эўропа (акрамя Ірляндыі), паўнёвая, паўдёва-ўсходняя і Малая Азыя, Каўказ, Ірак, паўночны і заходні Іран, паўдёва-заходні Туркмэністан.

Пералёты[рэдагаваць | рэдагаваць крыніцу]

Аселы. У межах арэала ўзімку качуе.

Месца зімовак[рэдагаваць | рэдагаваць крыніцу]

У межах гнездавога арэала.

На Беларусі[рэдагаваць | рэдагаваць крыніцу]

Рэдкі на захадзе і вельмі рэдкі на астатняй частцы краіны аселы від. У Чырвонай кнізе Беларусі.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Жаўна зялёнаясховішча мультымэдыйных матэрыялаў