Казлова Руда

Казлова Руда
Kazlų Rūda
Герб Казловай Руды
Першыя згадкі:	1774
Горад з:	1950
Павет:	Мар’ямпальскі
Насельніцтва:	7330 (2005)
Часавы пас: • летні час:	UTC+2 UTC+3
Геаграфічныя каардынаты:	54°45′ пн. ш. 23°30′ у. д.
Казлова Руда на мапе Летувы Казлова Руда
Галерэя здымкаў у Wikimedia Commons
www.kazluruda.lt

Казло́ва Ру́да (па-летувіску: Kazlų Rūda) — горад у Цэнтральнай Летуве, у Мар’ямпальскім павеце, за 27 км на поўнач ад Мар’ямпаля. Насельніцтва налічвае каля 7,5 тыс чалавек. Горад зьяўляецца адміністрацыйным цэнтрам Казларудзкага раёну. Праз горад ідзе чыгунка Коўна — Чарняхоўск. Казлова Руда адносіцца да этнаграфічнага рэгіёна Судовія.

Назва гораду паходзіць ад фаміліі двараніна прадпрымальніка Казла, які жыў тут ў XVI—XVII стагодзьдзях і заснаваў дзягцярню. Калі ў навакольных лясах былі выведаны невялікія радовішчы жалезнай руды, зьявіліся прадпрыемствы па выплаўцы жалеза — рудні.

Упершыню паселішча ўзгадваецца ў 1744 годзе. Паступова паселішча разьвівалася як цэнтар дзягцярнай вытворчасьці, а потым апрацоўцы жалеза. Калі у 1860—1861 гадах праз горад прайшла чыгунка, тут было пабудаванае чыгуначнае дэпо. Пасьля 1920 году горад трапіў у склад Летувы, стаўшы, з 1931 году, цэнтрам староства. З 1940 году Казлова Руда ў складзе СССР. У 1950 годзе Казлова Руда атрымала статус гораду і стала (да 1962 году) цэнтрам раёна. З 1999 году зноў быў утвораны Казларуцкі раён.

Вонкавыя спасылкі

 Казлова Руда — сховішча мультымэдыйных матэрыялаў