Каледжы аб'яднанага сьвету

Зьвесткі зь Вікіпэдыі — вольнай энцыкляпэдыі.

Каледжы аб’яднанага сьвету (КАС), Каледжы міжнароднай супольнасьці (па-ангельску: United World Colleges, UWC)^[1] — група навучальных установаў у розных краінах, якія сваёй галоўнай мэтай лічаць развіцьцё ўзаемаразуменьня паміж народамі праз адукацыю. Прыём навучэнцаў зь Беларусі — з 1994.

Зьмест 1 Асноўныя зьвесткі 2 Каледжы 3 Вядомыя выпускнікі 4 Крыніцы і заўвагі 5 Вонкавыя спасылкі

[рэдагаваць] Асноўныя зьвесткі

У большасьць каледжаў міжнароднай супольнасьці прымаюцца навучэнцы, якія маюць 16—17 гадоў, па конкурсе, тэрмін навучаньня — 2 гады. Навучаньне вядзецца па праграме міжнароднага бакалаўрата (па-ангельску: International Baccalaureate, IB). Выпускнікі атрымліваюць дыплём, які прызнаецца болей чым у 130 краінах, і зь ім могуць паступаць у вышэйшыя навучальныя ўстановы.

Ініцыятарам заснаваньня першага каледжу быў нямецкі пэдагог і грамадзкі дзеяч Курт Хан. Цяпер працуюць 12 такіх каледжаў (2009). Нацыянальныя камітэты, якія іх прадстаўляюць, дзейнічаюць болей чым у 120 краінах, адкуль вядзецца прыём навучэнцаў. Каледжы, іх выпускнікі, нацыянальныя камітэты і іншыя арганізацыі і асобы, якія маюць дачыненьне да каледжаў, складаюць сусьветны рух Каледжаў міжнароднай супольнасьці (па-ангельску: UWC International). Старшыня руху з 1995 — Нур, каралева Ярданіі.

[рэдагаваць] Каледжы

• Атлянтычны каледж аб’яднанага сьвету — г. Ланілцід-Ваўр, графства Бро-Морганвг, Княства Камры (на валійскай мове); г. Лантуіт-Мэйджар, графства Вэйл-оф-Гламорган, Княства Уэльс (ангельская мова), Вялікабрытанія, заснаваны ў 1962.
• Каледж аб’яднанага сьвету ў Паднёва-Ўсходняй Азіі — Сынгапур, 1971.
• Ціхаакіянскі каледж аб’яднанага сьвету імя Л. Б. Пірсана — г. Вікторыя, правінцыя Брытанская Калюмбія, Канада, 1974.
• Паўднёваафрыканскі каледж аб’яднанага сьвету — г. Мбабанэ, Свазілэнд, заснаваны ў 1963, статус КАС з 1981.

• Заходнеамэрыканскі каледж аб’яднанага сьвету імя А. Хамэра — г. Мантэсума, акруга Сан-Мігель, штат Нью-Мэксыка, ЗША, 1982.
• Адрыятычны каледж аб’яднанага сьвету — г. Дуіно, камуна Дуіно-Аўрысіна, правінцыя Трыест, рэгіён Фрыулі-Вэнэцыя-Джулія, Італія, 1982.
• Сельскагаспадарчы каледж аб’яднанага сьвету імя С. Балівара — г. Барынас, штат Барынас, Вэнэсуэла, заснаваны ў 1986, статус з 1987.
• Каледж аб'яднанага сьвету «Лі По Чун» — г. Ганконг, Кітай, 1992.
• Паўночны каледж аб’яднанага сьвету Чырвонага Крыжа — в. Флеке, камуна Фьялер, фюльке Сагн-ог-Фьюране, Нарвэгія, 1995.

• Каледж аб’яднанага сьвету «Махіндра» — в. Хубавалі, талука Мульшы, акруга Пуна, штат Махараштра, Індыя, 1997.
• Каледж аб’яднанага сьвету ў Коста-Рыке — г. Санта-Ана, правінцыя Сан-Хасэ, Коста-Рыка, заснаваны ў 2000, статус з 2006.
• Каледж аб’яднанага сьвету ў Мостары — г. Мостар, кантон Герцагавіна-Нерэтва, Фэдэрацыя Босьнія і Герцагавіна, Босьнія і Герцагавіна, 2006.
• Каледж аб’яднанага сьвету ў Маастрыхце — г. Маастрыхт, правінцыя Лімбург, Нідэрлянды, адкрыцьцё ў жніўні 2009.

[рэдагаваць] Вядомыя выпускнікі

Сярод выпускнікоў каледжаў — дзяржаўныя, грамадзкія, навуковыя і іншыя дзеячы, напрыклад:

• Хакім Бело-Осаг — старшыня праўленьня Аб’яднанага банка Афрыкі, Нігерыя
• Вільлем-Аляксандар — прынц Аранскі, Нідэрлянды
• Аляксандар Дуглас — дзяржаўны сакратар па міжнародным развіцьці, Вялікабрытанія
• Ян Кхама — прэзыдэнт Батсваны
• Ёрма Оліла — старшыня праўленьня кампаніі «Нокія», Фінляндыя
• Джулія Паетэ — канадзкі астранаўт
• Паўлас — крон-прынц Грэцыі і Даніі
• Рая бін аль-Хусэйн — прынцэса Ярданіі
• Ліндзіве Сісулу — міністр абароны Паўднёва-Афрыканскай Рэспублікі
• Ленэ Фэльтман Эспэрсэн — міністар эканомікі Даніі

[рэдагаваць] Крыніцы і заўвагі

[рэдагаваць] Вонкавыя спасылкі

• UWC Official Website ^(анг.)
• Жительница Светлогорска окончила индийский колледж ^(рас.) // Белорусская деловая газета, 18 верасьня 2002.
• Раманцоў В. Амерыканскі дыплом для нашай зямлячкі // Гомельская праўда, 15 ліпеня 2004, С. 5.
• Белоруска заняла III-е место на международном турнире по «Дебатам» ^(рас.) // БелаПАН, 8 студзеня 2009.
• Маслюкоў Т. У міжнародныя каледжы прыняты новыя навучэнцы з Беларусі // 1 траўня 2009.
• Беларусы ў найдаражэйшых каледжах ЗША. Адкуль грошы? // Радыё Свабода. 6 жніўня 2009.