Калікст II (папа рымскі)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Калікст II

Калікст II (па-лацінску: Calixtus PP. II), сьвецкае імя граф Гі Бургундзкі (па-француску: Guy de Bourgogne); каля 1060, Кенжэ13 сьнежня 1124, Рым) — папа рымскі з 2 лютага 1119 па 13 сьнежня 1124 году. Сын Гіёма I Вялікага, графа Бургундыі, блізкі сваяк Людовіка VI Францускага. Калікст з дапамогай нарманскіх князёў аблажыў горад Сутры, дзе знаходзіўся антыпапа Грыгорыюс VIII, пастаўлены імпэратарам Генрыхам V яшчэ пры папярэдніку Калікста, і вымусіў жыхароў выдаць свайго суперніка, якога заключыў у турму.

Самай важнай справай Калікста было заключэньне з Генрыхам V Вормскага канкардату, які паклаў канец пяцідзесяцігадовай спрэчцы за інвэстытуру. На Лятэранскім саборы 1123 году ўрачыста пацьвердзіў канкардат, пастанавіўшы, што кожны, хто абяцаў ісьці крыжакамі супраць няверных і не выканаў гэтага абяцаньня, будзе падвяргацца адлучэньню ад царквы на адзін год.

Калікст памёр 13 сьнежня 1124 году ў Лятэранскім палацы ад ліхаманкі[1].

Крыніцы[рэдагаваць | рэдагаваць крыніцу]

  1. ^ Грегоровиус Ф. История города Рима в Средние века (от V до XVI столетия) / Перевод с немецкого М. Литвинова, В. Линде, В. Савина. — М.: Издательство АЛЬФА-КНИГА, 2008. стр. 681 — ISBN 978-5-9922-0191-8

Вонкавыя спасылкі[рэдагаваць | рэдагаваць крыніцу]

Commons-logo.svg  Калікст II (папа рымскі)сховішча мультымэдыйных матэрыялаў