Кангрэгацыя Айцоў Марыянаў

Сімвал кангрэгацыі

Супольнасьць Марыянаў Беззаганнага Пачацьця Найсьвяцейшай Панны Марыі (альбо Кангрэгацыя Марыянаў) — гэта каталіцкая ордэнская супольнасьць, заснаваная ў 1673 годзе ксяндзом Станіславам Папчыньскім (у Польшчы). Да XVIII стагодзьдзі ордэн разьвіваўся, місіі марыянаў былі заснаваныя ў некалькіх эўрапейскіх краінах, аднак у XIX стагодзьдзі пасьля падзелаў Рэчы Паспалітай ордэн быў фактычна зьнішчаны. У 1834 годзе партугальскі ўрад зачыніў усе манастыры Марыян ў гэтай краіне. Пасьля паўстаньня 1863-1864 гадоў царскі ўрад распусьціў кляштары марыянаў, многія сьвятары былі рэпрэсаваныя, нешматлікія суполкі працягвалі існаваць у падпольле. Апошні кляштар у Мар'ямпале быў зачынены ў 1904 г. У 1908 годзе застаўся толькі адзін сьвятар Вінцэнт Сiкоркскiй.

Кангрэгацыя Айцоў Марыянаў была адноўленая ў 1909 годзе літоўскім сьвятаром (пазьней біскупам Вільні) — бласлаўлёным Юрыем Матулевічам, прафэсарам Духоўнай Акадэміі ў Санкт-Пецярбургу, дзеля душпастыскай і апостальскай працы «для Хрыста і Касьцёла». Новая канстытуцыю Марыянаў была зацьверджаная Папам Пiям Х 28 лістапада 1910 году.

У служэньні Хрысту і Каталіцкаму Касьцёлу (лацінскага і ўсходняга абрадаў) Кангрэгацыя Марыянаў аб'ядноўвае сьвятароў і братоў з розных краін, у служэньні пад заступніцтвам Найсьвяцейшай Панны Марыі ў кляштарах, парафіях, місіянэрскіх станцыях, каталіцкіх школах і інш.

Акрамя Польшчы і Летувы марыяне працуюць ў ЗША, Бразыліі, Аргентыне, Руандзе, Аўстраліі, Партугаліі, Вялікабрытаніі, Італіі, Нямеччыне, Славаччыне, Чэхіі, Казахстане, Латвіі, Украіне, Эстоніі.

Марыяне вядуць душпастырскую і эвангелізацыйную працу ў Друі, Барысаве, Менску, Воршы, Росіцы i Жодзіне.

Статыстыка

• 1990 436 сяброў, 239 сьвятароў
• 2000 548 сяброў, 356 сьвятароў
• 2001 542 сяброў, 358 сьвятароў
• 2002 539 сяброў, 356 сьвятароў
• 2004 510 сяброў, 353 сьвятароў
• 2006 517 сяброў, 350 сьвятароў
• 2007 506 сяброў, 345 сьвятароў
• 2008 492 сяброў, 348 сьвятароў

Вядомыя марыяне

• Фабіян Абрантовіч
• Андрэй Цікота
• Язэп Германовіч
• Часлаў Сіповіч
• Сяргей Гаек

Літаратура

• Аляксандар Надсан «Біскуп Чэслаў Сіповіч, сьвятар і беларус». Менск, Белфранс, 2004. 300 с.
• Аляксандар Надсан «Таямніца брыльянтавага калье Магдалены Радзівіл». Наша Ніва, №49, 50, Менск, 2000
• Аляксандар Надсан «Княгіня Радзівіл і справа адраджэньня Уніі ў Беларусі». Менск, 2009. 110 с.
• Аляксандар Надсан «Pro Patria Aliena. Кляштар беларускіх айцоў марыянаў у Друі(1924-1938)». Менск, 2006. 158 с.

Глядзіце таксама

• Генэралы ордэна марыянаў

Вонкавыя спасылкі

• Старонка кангрэгацыі марыянаў ^(анг.)
• Старонка кангрэгацыі марыянаў ^(пол.)
• Інфармацыя на сайце «Catholic Hierarchy»