Капитал

Зьвесткі зь Вікіпэдыі — вольнай энцыкляпэдыі.

«Капитал»

альбом Ляпис Трубецкой
Выдадзены	красавік 2007
Жанр	ска-панк
Працягласьць	34:56
Выдавец	«Никитин»
Прадусар	Віталь Цялезін
Храналёгія Ляпис Трубецкой
Мужчины не плачут (2006)	Капитал (2007)

Капитал (па-беларуску: Капітал) — альбом беларускага гурта Ляпис Трубецкой запісаны ў 2007 годзе.

Зьмест

1 Гісторыя
2 Зьмест
3 Відэа
4 Запіс
- 4.1 Музыкі
- 4.2 Іншыя ўдзельнікі
5 Вонкавыя спасылкі

[рэдагаваць] Гісторыя

Праца над альбомам пачалася ўлетку 2005-га года. Ужо да сьнежня 2005 былі гатовыя песьні "Андрюша", "Харе", "Товарищ". Тады жа гурт пачаў запіс інструмэнтальных партый новых кампазыцый. У лютым 2006 года групу пакінуў бас-гітарыст Уладзімер Ёлкін, яму на зьмену прыйшоў Дзьмітры Сьвірыдовіч. У сьнежні 2006 года, калі былі гатовыя амаль усе кампазыцыі новага альбома, месца Сьвірыдовіча заняў Дзяніс Стурчанка, экс-басіст гурта "beZ bileta".

Для альбома была перапісаная зноўку кампазыцыя "Евпатория". Справа ў тым, што некалькі гадоў запар "Ляпісы" выконвалі гэтую песню ў ска-вэрсіі, што моцна цешыла прыхільнікаў групы. Таму, было прынята рашэньне запісаць ска-вэрсію "Евпатории" ў студыі. Песьня "Рамонкі" была запісаная зноўку, таму што першапачатковы яе варыянт (з альбома "Золотые Яйцы") не задавальняў Сяргея Міхалка.

Існуе дзьве вэрсіі альбома: звыклая і "падарункавая". Да "падарункавага" варыянту прыкладаецца супэрвокладка і буклет з эпізодамі з кліпа "Капитал". Першапачатковы назоў альбома - "Жир и золотое сало".

Музыкальныя крытыкі амаль адзінагалосна назвалі "Капитал" "лепшай працай гурта".