Капскія горы

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Капскія горы

Капскія горы — горы ў ПАР, на крайнім поўдні Афрыкі, якія працягнуліся ад ракі Аліфантс да гораду Порт-Элізабэт. Горная сыстэма складаецца зь некалькіх паралельных хрыбтоў, сярод якіх вылучаюцца Кедравыя горы, хрыбты Лянгебэрг, Свартбэрг, Пікетбэрг, Кадэльбэрг і іншыя. Найвышэйшым пунктам зьяўляецца гара Сэвэнвікспуртпік (2325 м).

Капскія горы сфармаваліся ў верхнім палеазоі. Іх зьяўленьне зьвязанае з утварэньнем протакантынэнту Пангея ў позьнім Карбоне і Пэрмскім пэрыядзе. Зьнешні выгляд гор вызначаецца спалучэньнем скальных масіваў з кварцытаў і пяшчанікаў і далінаў, утвораных гліністымі сланцамі ў чацьвярцічным пэрыядзе.