Караганда

Караганда
Герб Караганды
Вобласьць:	Карагандынская
Плошча:	550 км²
Насельніцтва:	475 267 (2012)
Тэлефонны код:	+7 7212
Паштовы індэкс:	100000—100030
Аўтамабільны код:	M
Геаграфічныя каардынаты:	49°48′00″ пн. ш. 73°07′00″ у. д.
Караганда на мапе Казахстану Караганда
Галерэя здымкаў у Wikimedia Commons

Караганда (па-казаску: Қарағанды) — горад у Казахстане, адміністрацыйны цэнтар Карагандынскай вобласьці. Горад зьяўляецца буйным індустрыяльна-прамысловым, навуковым і культурны цэнтрам.

10 лютага 1934 году Караганда атрымала статус горада. Мясцовымі ворганамі кіраваньня зьяўляюцца гарадзкі акімат і гарадзкі масліхат. У Карагандынскай вобласьці працуюць буйныя прадпрыемствы па здабычы вугалю, прадпрыемствы машынабудаваньня, мэталаапрацоўкі і харчовай прамысловасьці. У горадзе працуе вялікая колькасьць прадпрыемстваў транспарту й сувязі.

Гісторыя

Яшчэ ў XIX стагодзьдзі на месцы гораду была пустэча. Існуе легенда, згодна зь якой, у 1833 годзе хлопчык-пастух Апак Байжанаў знайшоў вугаль. У канцы XIX стагодзьдзя пачалася здабыча вугалю спачатку расейскімі купцамі, затым францускімі й ангельскімі прадпрымальнікамі.

У 1930 годзе была адноўлена актыўная здабыча вугалю й пачалося будаўніцтва часовага жыльля тыпу глінабітных паўзямлянак для раскулачаных грамадзянаў СССР і іхных сем’яў.

Рэлігія

Сабор Найсьвяцейшай Панны Марыі Фацімскай

У Карагандзе мірна суіснуюць прадстаўнікі розных рэлігійных кірункаў. Асноўнымі рэлігіямі ў горадзе зьяўляюцца іслам суніцкага толку й праваслаўе, таксама быў распаўсюджаны каталіцызм, але ў сувязі з адтокам нямецкага насельніцтва колькасьць ягоных прыхільнікаў скарацілася. У Карагандзе таксама існуюць хрыьсціянскія абшчыны пратэстантаў.

У горадзе маюцца некалькі мячэтаў. Іслам зьяўляецца традыцыйнай рэлігіяй у дадзеным рэгіёне. Карагандынская дыяцэзія Каталіцкай царквы лацінскага абраду была заснаваная 7 ліпеня 1999 году, спадкаваўшы Апостальскую Адміністратуру Казахстану, якая зьяўляецца існай з 1991 году, і прыходу, існуючага з 1977 году, у гарадзкім раёне Майкудук, дзе пражывала вялікая колькасьць немцаў сасланых зь Нямецкай Паволскай рэспублікі й Паўночнага Каўказа.

Транспарт

У цяперашні час асноўнымі відамі гарадзкога транспарту ёсьць аўтобусы й маршрутныя таксі. У былыя гады актыўна хадзілі таксама тралейбусы й трамваі.

Гарады-сябры

• Сонпхагу, Рэспубліка Карэя
• Днепрадзяржынск, Украіна
• Эрак, Іран

Вонкавыя спасылкі

 Караганда — сховішча мультымэдыйных матэрыялаў

• Афіцыйны сайт акімату гораду
• Партал гораду