Карльскруна

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Карльскруна
швэдз. Karlskrona
Царква Фрэдрыксчуркан у цэнтры Карльскруны
Царква Фрэдрыксчуркан у цэнтры Карльскруны
Karlskrona vapen.svg
Герб Карльскруны
Дата заснаваньня: 1680
Краіна: Швэцыя
Лэн: Блекінге
Плошча: 21 72 км²
Насельніцтва
колькасьць: 35 212 чал. (2010)
шчыльнасьць:
Часавы пас: UTC+1
летні час: UTC+2
Тэлефонны код: 0455
Геаграфічныя каардынаты: 56°9′39″ пн. ш. 15°35′10″ у. д. / 56.16083° пн. ш. 15.58611° у. д. / 56.16083; 15.58611Каардынаты: 56°9′39″ пн. ш. 15°35′10″ у. д. / 56.16083° пн. ш. 15.58611° у. д. / 56.16083; 15.58611
Карльскруна на мапе Швэцыі
Карльскруна
Карльскруна
Карльскруна
Commons-logo.svg Галерэя здымкаў у Вікісховішчы

Карльскруна (па-швэдзку: Karlskrona) — адміністрацыйны цэнтар швэдзкага лэну Блекінге і цэнтар камуны Карльскруна. Закладзены Карлам XI як галоўная (а зараз і адзіная) база швэдзкага флёту на 33 выспах ля берагу Балтыйскага мора. Назва ў перакладзе азначае «карона Карла». Насельніцтва — 35 212 жыхароў (2010). У 1998 годзе Марскі порт Карльскруны быў уключаны ў Сьпіс сусьветнай спадчыны ЮНЭСКО.

Гісторыя[рэдагаваць | рэдагаваць крыніцу]

У XVII стагодзьдзі выспа Трусё, на якой пазьней была пабудавана Карльскруна, належыла сяляніну Вітусу Андэрсану. У некалькіх кілямэтрах адтуль — на мацярыку — існаваў данскі горад Лю́ка, пакуль у 1658 годзе Блекінге не адыйшоў да Швэцыі. У 1679 Вітус Андэрсан быў вымушаны прадаць свае ўладаньні швэдзкай кароне, і там пачалося будаўніцтва марской базы. Ужо 10 жніўня 1680 Карльскруна атрымлівае гарадзкі прывілей. У 1682 былі пабудаваныя масты, якія злучалі выспу з мацерыком. У 1685 была пабудавана Адміралтэйская царква. У 1683 арзітэктары Эрык Дальбэрг, Ганс Вахтмайстэр і Карл Магнус Сьцюарт распрацавалі першы плян гораду — марской фартэцыі. Але ў 1694 Эрык Дальбэрг дапрацаваў гэты плян, у якім цяпер было месца і для гарадзкой забудовы. Ужо ў хуткім часе Карльскруна становіцца трэцім найбуйнейшым горадам тагачаснай Швэцыі, пасьля Рыгі й Стакгольму. Існавалі нават пляны перанесьці сталіцу з Стакгольма ў Карльскруну, аб чым сьведчыць забудова цэнтральнай часткі гораду. Але на працягу XVIII стагодзьдзя горад пабачыў адразу некалькі эпідэміяў чумы, і насельніцтва гораду істотна паменшылася. Акрамя таго, Швэцыя страчвае статус Вялікай дзяржавы, і Карльскруна хай і застаецца галоўнай марской базай краіны, ужо ня мае былой велічы, як напачатку сваёй гісторыі. XIX стагодзьдзе становіцца стагодзьдзем застою, і толькі на яго прыканцы, з прыходам чыгункі і пачаткам прамысловага разьвіцьця, горад зноў пачынае адраджацца. Пасьля камунальнай рэформы 1971 Карльскруна становіцца цэнтрам аднайменнай камуны.

Выдатныя мясьціны[рэдагаваць | рэдагаваць крыніцу]

Галерэя[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Карльскрунасховішча мультымэдыйных матэрыялаў