Кармялаў

Кармялаў
Karmėlava
Месца старога касьцёла
Герб Кармялава
Магдэбурскае права:	2 траўня 1792
Павет:	Ковенскі
Раён:	Ковенскі
Насельніцтва:	2886 (2001)
Часавы пас: • летні час:	UTC+2 UTC+3
Геаграфічныя каардынаты:	54°58′20″ пн. ш. 24°04′00″ у. д.
Кармялаў на мапе Летувы Кармялаў
Галерэя здымкаў у Wikimedia Commons

Кармя́лаў (па-летувіску: Karmėlava) — мястэчка ў Ковенскім раёне Летувы, на рацэ Вяльля. Адміністрацыйны цэнтар Кармялаўскага староства. Насельніцтва 2886 чал. (2001). Знаходзіцца за 14 км на паўночны ўсход ад Коўны. Згодна з сучаснай афіцыйнай летувіскай клясыфікацыяй мястэчка належыць да этнаграфічнага рэгіёну Аўкштота.

У Кармялаве разьмяшчаецца аэрапорт «Коўна».

Гісторыя

Мескі герб з каралеўскага прывілею (1792)

Першыя пісьмовыя згадкі пра Кармялаў (Kremilow) зьяўляюцца з кан. XIV ст. у апісаньні шляхоў крыжацкіх наездаў.

У 1529 вялікі князь Жыгімонт I Стары фундаваў у Кармялаве касьцёл (перабудаваны ў 1763 віцебскім кашталянам Ш. Сіруцем). На Радзівілаўскай мапе (1613) значыцца як мястэчка. У 1663 згадваецца парафіяльная школа.

Быў цэнтрам нягродавага староства ў складзе Ковенскага павету, якое трымалі Агінскія, потым Сіруці; на сойме 1773—1775 староства перадалі ковенскаму скарбніку Юзафу Кончу.

2 траўня 1792 кароль і вялікі князь Станіслаў Аўгуст Панятоўскі надаў Кармялаву Магдэбурскае права і герб. У выніку трэцяга падзелу Рэчы Паспалітай (1795) апынуўся ў складзе Расейскай імпэрыі.

З 1918 — у складзе Летувы.

Выдатныя мясьціны

• Касьцёл Сьвятой Ганны (1945)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 3: Дадатак А — Я. — Мінск: Беларуская Энцыклапедыя, 2010. — 690 с.: іл. ISBN 978-985-11-0487-7
• Kormiałów // Słownik geograficzny Królestwa Polskiego i innych krajów słowiańskich. Tom IV: Kęs — Kutno. — Warszawa, 1883. S. 403—404

Вонкавыя спасылкі

 Кармялаў — сховішча мультымэдыйных матэрыялаў