Карта паляка
Карта паляка — дакумэнт, які пацьвярджае прыналежнасьць да польскага народу. Уладальнік карты паляка мае правы, акрэсьленыя Законам «Аб карце паляка», прынятым Соймам Рэспублікі Польшча 7 верасьня 2007 году.
Карту паляка выдаюць выключна асобе, якая ня мае польскага грамадзянства альбо дазволу на сталае пражываньне на тэрыторыі Рэспублікі Польшча і мае грамадзянства Рэспублікі Армэніі, Азэрбайджанскай Рэспублікі, Рэспублікі Беларусь, Эстонскай Рэспублікі, Грузіі, Рэспублікі Казахстан, Рэспублікі Кыргыстан, Летувіскай Рэспублікі, Латвійскай Рэспублікі, Рэспублікі Малдовы, Расейскай Фэдэрацыі, Рэспублікі Таджыкістан, Туркмэністана, Украіны ці Рэспублікі Узбэкістан і пры тым заяўляе аб сваёй прыналежнасьці да польскага народа і выконвае абавязкі, якія вынікаюць з вышэйназванага закона.
Зьмест |
[рэдагаваць] Умовы атрыманьня
Для атрыманьня карты паляка неабходна, каб былі выкананыя наступныя ўмовы:
- наяўнасьць сярод сваякоў па ўзыходзячай лініі паляка або асобы, якая мела польскае грамадзянства (бацька, маці, бабуля, дзядуля або двое з прабабуляў/прадзялуляў);
- валоданьне польскай мовай на базавым узроўні;
- грамадзянства краінаў-чальцоў СНД, Грузіі або адной з прыбалтыйскіх рэспублік.
Карта паляка можа таксама выдавацца той асобе, чыё польскае паходжаньне пацьверджана згодна з правіламі Закона «Аб рэпатрыяцыі» ад 9 лістапада 2000 году.
[рэдагаваць] Правы
Уладальнік карты мае права на атрыманьне доўгатэрміновай шматразовай нацыянальнай візы на знаходжаньне ў Польшчы, а таксама легальную працу на тэрыторыі Польшчы без асобнага дазволу. Таксама ён мае права займацца прадпрымальніцкай дзейнасьцю нароўні з польскімі грамадзянамі, у прыярытэтным парадку прэтэндаваць на фінансавыя сродкі, якія выдзяляюцца для падтрымкі палякаў за мяжой зь дзяржаўнага або мясцовага бюджэту, карыстацца чыгункай з 37-адсоткавай зьніжкай[1].
[рэдагаваць] Пазыцыя іншых краінаў
Канстытуцыйны суд Рэспублікі Беларусь у 2011 годзе прыняў рашэньне датычна сваёй пазыцыі адносна польскага закону «Аб карце паляка». У сваім рашэньні Канстытуцыйны суд палічыў, што шэраг нормаў гэтага закону пярэчыць нормам міжнароднага права[2].
[рэдагаваць] Крыніцы
[рэдагаваць] Вонкавыя спасылкі
Карта паляка — сховішча мультымэдыйных матэрыялаў
- Ustawa z dnia 7 września 2007 r. o Karcie Polaka (пол.)
- Poland.gov.pl: Карта паляка (пол.)
- Карта паляка (.pdf)
