Карэліцкі раён
Зьвесткі зь Вікіпэдыі — вольнай энцыкляпэдыі.
| Адміністрацыйная адзінка | |
| Карэліцкі раён | |
 |
|
| Герб | |
| Агульныя зьвесткі | |
| Краіна | Беларусь |
| Уваходзіць у | Гарадзенская вобласьць |
| Адміністрацыйны цэнтар | Карэлічы |
| Дата ўтварэньня | 15 студзеня 1940 |
| Насельніцтва (2006) | 23,7 тыс. |
| Шчыльнасьць | 21,55 чал./км² |
| Плошча | 1,1 тыс. км² |
| Месцазнаходжаньне Карэліцкага раёну: | |
 |
|
| Мэдыя-зьвесткі | |
| Часавы пас | UTC +2 |
| Тэлефонны код | +375-15-96 |
| Паштовыя індэксы | 231 4хх |
| Афіцыйны сайт | |
 Дадатковыя мультымэдыйныя матэрыялы |
|
Карэ́ліцкі раё́н - адміністрацыйнай адзінка на ўсходзе Гарадзенскай вобласьці Беларусі. Плошча раёну складае 1,1 тыс. км². Насельніцтва - 23,7 тыс. чалавек (2006). Адміністрацыйны цэнтар - мястэчка Карэлічы.
Зьмест |
[рэдагаваць] Геаграфічнае становішча
Карэліцкі раён мяжуе з Наваградзкім раёнам Гарадзенскай вобласьці, Стаўпецкім і Нясьвіскім раёнамі Менскай вобласьці і Баранавіцкім раёнам Берасьцейскай вобласьці.
Працягласьць раёну з поўначы на поўдзень - 28 км., з захаду на ўсход - 40 км.
[рэдагаваць] Рэльеф і карысныя выкапні
Значную частку раёну займае Нёманская нізіна, на захадзе — схілы Наваградскага ўзвышша. Пераважаюць вышыні 140—200 м, максымальная — 261,7 м (каля в. Малюшычы).
Карысныя выкапні: торф, крэйда, гліны, пяшчана-жвіровы матэрыял, жалезныя руды, будаўнічыя пяскі.
[рэдагаваць] Клімат і расьліннасьць
Клімат умерана кантынэнтальны. Сярэдняя тэмпэратура студзеня -6,5 °С, ліпеня 17,5 °С. Сярэднярочная колькасьць ападкаў складае 695 мм. Працягласьць вэгетацыйнага пэрыяду 189 дзён.
Лясы займаюць 21% тэрыторыі, пераважаюць хваёвыя і яловыя. Буйны масыў на крайнім паўночным усходзе (Графская пушча).
[рэдагаваць] Гідраграфія
Рачная сетка даволі густая. Найвялікшая рака Нёман з левымі прытокамі Вуша й Сэрвач, працякае шмат дробных рачулак. На тэрыторыі раёну знаходзяцца некалькі невялікіх азёраў, штучных вадаёмаў.
[рэдагаваць] Насельніцтва
Насельніцтва раёну складае 23,7 тыс. чалавек (у мястэчку Карэлічы - 7,4 тыс.чал., мястэчку Мір - 2,5 тыс.чал.). У раёне пражывае 93,7% беларусаў, 3% расейцаў, 2% палякаў і іншыя нацыянальнасьці (украінцы, габрэі, татары).
[рэдагаваць] Гаспадарчая дзейнасьць
Сельская гаспадарка спэцыялізуецца на мяса-малочнай жывёлагадоўлі, сьвінагадоўлі, птушкагадоўлі.
Прадпрыемствы харчовай, лёгкай, будаўнічых матэрыялаў прамысловасці.
Па тэрыторыі раёну праходзяць аўтадарогі Наваградак — Карэлічы — Мір — Нясьвіж, Мір — Стоўбцы і інш.
[рэдагаваць] Выбітныя асобы
- Фларыян Бохвіц — беларускі філёзаф
- Ігнат Дамейка — геоляг, натураліст, дасьледчык, нацыянальны герой Чылі
- Аляксандар Ільінскі — беларускі актор
- Вінцэсь Каратынскі — польскі пісьменьнік
- Салямон Майман — філёзаф
- Ян Чачот — беларускі і польскі паэт
[рэдагаваць] Інфармацыя для турыстаў
Захаваліся помнікі архітэктуры: замкава-паркавы комплекс (уключаны ЮНЭСКА у Сьпіс помнікаў Сусьветнай культурнай і прыроднай спадчыны) у мястэчку Мір, Сьвята-Траецкая царква і касьцёл сьвятога Мікалая, капліца-пахавальня ў мястэчку Мір, Сьвята-Казанская царква ў в. Беражна, Сьвята-Ўзьнясенская царква ў в. Вялікая Медвядка, касьцёл сьвятой Ганны і сядзібны будынак у в. Варонча, Сьвята-Петра-Паўлаўская царква ў в. Вялікія Жухавічы, Усясьвяцкая царква ў в. Дольная Рута, Сьвята-Узьнясенская царква і капліца у в. Ярэмічы, Сьвята-Георгіеўская царква ў в. Запольле, сядзібны будынак у в. Кальчыцы, Сьвята-Усьпенская царква ў в. Любанічы, Сьвята-Яна-Прачысьценская царква ў в. Малыя Жухавічы, Сьвята-Міхайлаўская царква ў в. Міратычы, сядзіба ў мястэчку Першамайскі, жылыя і сядзібныя будынкі ў в. Райца, капліца ў в. Сэрвач, Сьвята-Пакроўская царква ў в. Турэц.
[рэдагаваць] Вонкавыя спасылкі
Карэліцкі раён — сховішча мультымэдыйных матэрыялаў
Гарадзенская вобласьць  |
||
|---|---|---|
| Раёны | Астравецкі • Ашмянскі • Бераставіцкі • Ваўкавыскі • Воранаўскі • Гарадзенскі • Зьдзецельскі (Дзятлаўскі) • Зэльвенскі • Іўеўскі • Карэліцкі • Лідзкі • Мастоўскі • Наваградзкі • Слонімскі • Смаргонскі • Сьвіслацкі • Шчучынскі |  |
| Гарады абласнога значэньня | Ваўкавыск • Гародня • Ліда • Наваградак • Слонім • Смаргонь | |
