Кастрамская вобласьць

Адміністрацыйна-тэрытарыяльная адзінка
Камстрамская вобласьць Костромская область
Герб	Сьцяг
Агульныя зьвесткі
Краіна	Расея
Статус	вобласьць
Уваходзіць у	Цэнтральная фэдэральная акруга Цэнтральная эканамічная акруга
Адміністрацыйны цэнтар	Кастрама
Дата ўтварэньня	13 жніўня 1944
Губэрнатар	Ігар Сьлюняеў
Насельніцтва (2010)	667 477 (65-е месца)
Шчыльнасьць	11,1 чал./км²
Плошча	60 211 км² (50-е месца)
Месцазнаходжаньне Камстрамской вобласьці
Мэдыя-зьвесткі
Часавы пас	GMT +4
Код аўтам. нумароў	44
Дадатковыя мультымэдыйныя матэрыялы

Кастармска́я во́бласьць (па-расейску: Костромска́я о́бласть) — вобласьць у эўрапейскай частцы Расеі. Адміністрацыйны цэнтар — места Кастрама. Вобласьць уваходзіць у Цэнтральную фэдэральную акругу. На поўначы мяжуе з Валагодзкай вобласьцю, на поўдні — зь Іванаўскай і Ніжагародзкай абласьцямі, на захадзе — зь Яраслаўскай, а на ўсходзе — з Кіраўскай вобласьцю.

Геаграфічныя зьвесткі

Вобласьць разьмешчана ў цэнтра эўрапейскай частцы Расеі. Прасяжнасьць з поўначы да поўдню складае 260 км, а з захаду на ўсход — 420 км.

Клімат

Вобласьць знаходзіцца ў межах пагорыстай месцамі забалочанай раўніны. На захадзе месьціцца Кастрамская нізіна, у цэнтральнай частцы — Галіцка-Чухломская ўзвышша з вышынёй да 292 мэтра. Уздоўж ніжняга цячэньня ракі Ўнжа месьціцца Ўнжэнская нізіна. На поўначы знаходзіцца ўзвышша Паўночныя Ўвалы.

Гісторыя

Кастрамская вобласьць утворана паводле Ўказа Прэзыдыюма Вярхоўнага Савета СССР «Аб стварэньні Кастрамской вобласьці ў складзе РСФСР» ад 13 жніўня 1944 году пад нумарам 801/1.

Насельніцтва

На тэрыторыі Кастрамской вобласьці пражывае звыш за 80 нацыянальнасьцяў, значную частку складаюць расейцы — 96,3%. Беларусы зьяўляюцца чацьвёртай па колькасьці этнічнай групай маючы 2 354 чалавек на 2002 год. Колькасьць насельніцтва — 692,3 тысяч чалавек (2009). Шчыльнасьць насельніцтва складае 11,5 чалавек на км² (2009), удзельная вага гарадзкога насельніцтва: 67,7% (2005). Працаздольнае насельніцтва складае каля 59,2% ад агульнай колькасьці, маладзейшыя працаздольнасьці — 17,7%, старэйшыя за пэрыяд працаздольнасьці — 23,1%. Сярэдні ўзрост насельніцтва — 37,8 году.

Эканоміка

Да цяперашняга часу прамысловы патэнцыял Кастрамской вобласьці драматычна скараціўся, што часткова відаць і па структуры прамысловай вытворчасьці — гэтак, больш чым у 2 разы павялічылася доля электраэнэргетыкі пры нязначным росьце энэргаспажываньня й генэрацыі, скарачаецца доля такіх сыстэмных галінаў як машынабудаваньне й харчовая прамысловасьць, галоўная галіна спэцыялізацыі рэгіёну — лёгкая прамысловасьць знаходзіцца ў цьвёрдым крызісе, ейная доля скарацілася ў 4 разы. У той жа час структура прамысловай вытворчасьці вобласьці набывае ўсё больш сыравінныя рысы — павялічваецца доля лясной прамысловасьці й першаснай дрэваапрацоўкі.

Вонкавыя спасылкі

 Кастрамская вобласьць — сховішча мультымэдыйных матэрыялаў

• Афіцыйны сайт вобласьці
• Сайты Кастрамской вобласьці
• Вобласьць у каталёге «Ўся Расея»