Кастр (Тарн)

	Кастр
	Castres
Герб Кастру
Рэгіён:	Поўдзень-Пірэнэі
Дэпартамэнт:	Тарн
Плошча:	98,17 км²
Насельніцтва:	42 900 (2006)
Часавы пас:; • летні час:	UTC+1; UTC+2
Паштовы індэкс:	81100
Геаграфічныя каардынаты:	43°36′00″ пн. ш. 2°15′00″ у. д. / 43.6° пн. ш. 2.25° у. д.Каардынаты: 43°36′00″ пн. ш. 2°15′00″ у. д. / 43.6° пн. ш. 2.25° у. д.
	Кастр на мапе Францыі Кастр
	Галерэя здымкаў у Wikimedia Commons
	http://www.ville-castres.fr/

Кастр (па-француску: Castres, па-аксытанску: Castras) — горад у Францыі, знаходзіцца ў дэпартамэнце Тарн ў рэгіёне Поўдзень-Пірэнэі. Разьмешчаны на рацэ Агу. Насельніцтва складае 42 900 жыхароў, паводле дадзеных на 2006 год^[1].

Гісторыя[рэдагаваць]

Дакладная дата заснаваньня горада невядома. Кастр утварыўся ля абацтва бэнэдыктцаў, якое, паводле легенды, было заснавана ў 647 годзе. Назва паходзіць ад лацінскага castrum («умацаванне, крэпасьць»). У XII стагодзьдзі горад стаў адным з цэнтраў у альбігойцаў. Альбігойскі крыжовы паход далучыў горад да Францускага каралеўства ў 1229 годзе, а ў 1317 годзе Папа Рымскі Ян XXII заснаваў эпархію, якая праіснавала да Францускай рэвалюцыі. Цэнтрам эпіскапства быў Катэдральны сабор Кастра. Пазьней Кастр быў крэпасьцю гугенотаў і кальвіністаў.

Напачатку XX стагодзьдзя Кастр быў цэнтрам па вытворчасьці сукна, шоўка, баваўняных і ваўняных тканін. У горадзе пражывала больш за 20 тысяч чалавек. Сёньня таксама разьвіты машынабудаваньне й хімічная прамысловасьць. Значную ролю ў эканоміцы горада адыгрывае й турызм.

Культура[рэдагаваць]

Акрамя катэдральнага сабору, сярод славутасьцяў захавалася вежа старога абацтва ў раньнім раманскім стылі. У горадзе разьмешчаны й музэі Франсіска Гоі (адкрыты ў 1840 годзе) і Жана Жарэса. Таксама ў Кастре маецца прыватны, але адкрыты для наведваньняў батанічны сад плошчай у 4 гектары.