Касьцёл Найсьвяцейшай Марыі Панны (Ракаў)

Зьвесткі зь Вікіпэдыі — вольнай энцыкляпэдыі.

Перайсьці да: навігацыя, пошук

Марыінскі касьцёл, галоўны фасад

Марыінскі касьцёл, бакавы фасад

Ракаўскі касьцёл Найсьвяцейшай Марыі Панны - нэагатычны касьцёл разьмешчаны ў цэнтры в. Ракаў (Валожынскі раён)

Зьмест

1 Гісторыя будаўніцтва
- 1.1 Драўляны храм
- 1.2 Мураваны храм
2 Архітэктура
3 Літаратура
4 Вонкавыя спасылкі

[рэдагаваць] Гісторыя будаўніцтва

[рэдагаваць] Драўляны храм

1676 г. - будаўніцтва першага, драўлянага касьцёла князем Геранімам Сангушкам.
1687 г. - Канстанцыя Тэадора Сангушка (з Сапегаў) фундуе пры касьцёле кляштар дамініканцаў.
1712 г. - кляштар згарэў і быў адбудаваны намаганьнямі айца Валадковіча
1812 г. - касьцёл спалены пад час расейска-французскай вайны.
1824 г. - касьцёл адноўлены, зноў у драўляным выглядзе.
1835 г. - скасаваны кляштар дамініканаў, а касьцёлу нададзены статус парафіяльнага.

[рэдагаваць] Мураваны храм

Мураваны храм быў узьведзены ў 1906 г. з жоўтай цэглы намаганьнямі ксяндза Яўстахія Карповіча замест драўлянага касьцёла Маці Божай Ружанцовай. Вялікі ўклад у будаўніцтва храма зрабілі князь Друцкі-Любецкі, памешчыкі Булгакі, Здзяхоўскія, Хелхоўскія і ўсе парафіяне. У 1911 г. пажар знішчыў драўляную плябанію, але не зачапіў храм. Пасьля 2-ой сусветнай вайны храм ня дзейнічаў. Набажэнствы аднавіліся толькі ў пачатку 1990-ых гадоў.

[рэдагаваць] Архітэктура

Помнік архітэктуры нэаготыкі. 3-нефавая 2-вежавая базыліка з трансэптам і круглай апсідай. У архітэктурным афармленні шырока выкарыстаны нэагатычныя элементы: ступеньчатыя контрфорсы, высокія стральчатыя аконныя праёмы і нішы, зубчатыя фрызы, аркатурныя паясы, ружа-вакно на фасадзе. У інтэр'еры — стральчатыя скляпенні.