Касьцёл Сьвятых Станіслава й Уладыслава (Вільня)
_-_cathedral.jpg)
Катэдральны касьцёл Сьвятых Станіслава й Уладыслава — самы значны храм Вільні і Вялікага Княства Літоўскага, закладзены яшчэ Ягайлам і Вітаўтам, як гатычны, пазьней ён перабудоўваўся ў стылях Рэнэсансу, Барока, Віленскага барока й клясыцызму, у якім ён дайшоў да нашага часу.
Зьмест |
[рэдагаваць] Гісторыя
- 1387—1388 — па фундацыі Ягайлы ўзведзены першы мураваны касьцёл.
- 1419 — пасьля пажару перабудаваны Вітаўтам.
- 1430 — пахаваны Вітаўт Вялікі.
- 1530-я — перабудаваны ў стылі рэнэсансу.
- Канец XVIII стагодзьдзя — перабудаваны ў стылі клясыцызму Лаўрынам Стуока-Гуцэвічам.
- 2 лістапада 1769 году — упадак вежы віленскай катэдры стаў прычынай сьмерці 6 ксяндзоў [1]
[рэдагаваць] Архітэктура
Першы касьцёл Сьв. Станіслава фундаваны Ягайлам ўяўляў сабою амаль квадратны ў пляне асноўны аб’ём з далучанай з усходу выцягнутай апсідай і вежай на ўваходзе з захаду. Збудаваны Вітаўтам храм нашмат пераўзыходзіў па памерах і маштабе папярэдні. Гэта быў выцягнуты трохнефны касьцёл пад высокім гатычным дахам і з тонкай вежай на галоўным фасадзе справа. Храм набыў значэньне галоўнага па ўсім княству. У ім Вітаўт меў намер каранавацца каралеўскай каронай. Пазьней ён шматразова перабудоўваўся і згубіў свой першапачатковы гатычны выгляд.
[рэдагаваць] Крыніцы
- ^ Wilno. Przewodnik krajoznawczy Juljusza Kłosa Prof. Uniwersytetu St. Batorego. Wydanie trzecie poprawione, Wydawnictwo Wileńskiego Oddziału Polskiego Towarzystwa Turystyczno-Krajoznawczego, Wilno 1937, s. 112 (пол.)
[рэдагаваць] Вонкавыя спасылкі
Касьцёл Сьвятых Станіслава й Уладыслава (Вільня) — сховішча мультымэдыйных матэрыялаў
