Кашалёт

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Кашалёт
Sperm whale 12.jpg
Клясыфікацыя
Царства Жывёлы
Тып Хордавыя
Падтып Хрыбетныя
Кляса Сысуны
Атрад Кітападобныя
Падатрад Зубатыя кіты
Сямейства Кашалётавыя
Род Кашалёты
Від Кашалёт
Бінамінальная намэнклятура
Physeter macrocephalus
Арэал
Cetacea range map Sperm Whale 4.PNG
Арэал

Кашалёт (Physeter catodon) — марскі сысун сямейства кашалётавых падатраду зубатых кітоў.

Даўжыня самцоў да 21 м, маса да 100 т, самак — да 15 м, маса да 30 т. Колер ад бурага да цёмна-карычневага. Галава вялікая (да 1/3 даўжыні цела). На верхнясківічных касьцях разьмешчаны спэрмацэтавы орган (вагой да 6 т). Ён утрымлівае спэрмацэт, які выкарыстоўвалі пры вытворчасьці касмэтычных крэмаў, памад, мыла. На вузкай ніжняй сківіцы 36—60 зубоў, на верхняй — 2—6 або адсутнічаюць. Сьпінны плаўнік у выглядзе нізкага гарба, грудныя — шырокія, закругленыя на канцах, хваставы падзелены глыбокай выразкай.

Кашалёты пашыраны ва ўсіх акіянах; самцы мігрыруюць, самкі трымаюцца статкамі ў межах субтрапічнага пояса.

Кормяцца кашалёты галаваногімі малюскамі, рыбай. За кормам ныраюць на глыбіню да 2 км, могуць знаходзіцца пад вадой да 1,5 гадзіны. У кішэчніку самцоў часам знаходзілі кавалкі амбры масай да 420 кг.

Патомства самкі кашалёта даюць раз у 3 гады. Даўжыня нованароджаных да 4,5 м, маса да 1 т. Жывуць кашалёты да 50 гадоў.

3 1985 промысел на кашалётаў забаронены.

Commons-logo.svg  Кашалётсховішча мультымэдыйных матэрыялаў