Клюб 27

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Клюб 27 (па-ангельску: 27 Club) — аб’яднаная назва музыкаў, якія ў значнай ступені паўплывалі на станаўленьне й разьвіцьцё музыкі стыляў рок ды блюз і памерлі ва ўзросьце 27 год, часам пры дзіўна склаўшыхся абставінах [1] [2].

Музыкі, далучаныя да Клюбу 27[рэдагаваць | рэдагаваць крыніцу]

Першым у сьпісе зь сямі музыкаў апынуўся Робэрт Джонсан (паводле меркаваньня шэрагу крытыкаў ён можа лічыцца першым сябрам Клюбу 27)[3]. У сьпіс таксама ўвайшлі Джымі Гэндрыкс, Джым Морысан ды Джэніс Джоплін. Найгалоўнай дэтальлю іх сьмерці, што дала штуршок для стварэньня Клюбу, зьяўляецца тое, што яны памерлі за прамежак часу ў 10 месяцаў.

Пазьней да сьпісу быў далучаны Браян Джонс; пры гэтым Морысан і Джонс памерлі ў адзін дзень, але з розьніцай у два гады.

Затым у Клюб быў уключаны Курт Кабэйн, які памёр у 1994 годзе, на піку папулярнасьці[4].

Пасьля сьмерці ў 2011 годзе ангельскай сьпявачкі Эмі Ўайнгаўс яе прылічылі да Клюбу шматлікія выданьні[5][6][7][2].

Здымак Імя Дата народзінаў Дата сьмерці Прычына сьмерці Чым знакаміты
Робэрт Джонсан 8 траўня 1911 16 жніўня 1938 Афіцыйная вэрсыя — застрэлены раўнівым мужам адной з каханак. Паводле іншае вэрсыі — атручаны стрыхнінам Блюзмэн. Адзін з найбольш вядомых блюзмэнаў XX ст.
Brian Jones 1965.jpg Браян Джонс 28 лютага 1942 3 ліпеня 1969 Патануў у басэйне, паводле непацьверджанных дадзеных — быў забіты[8]. Заснавальнік гурту «The Rolling Stones», гітарыст/мультыінструмэнталіст.
Jimi Hendrix thumbnail.jpg Джымі Гэндрыкс 27 лістапада 1942 18 верасьня 1970 Сьмерць была выкліканая перадазіроўкай снатворнага, што зьмяшалася ў арганізьме сьпевака з амфэтамінам, прынятым раней. Лічыцца найлепшым гітарыстам за ўсю гісторыю рок-музыкі[9], аўтар песень, вакаліст
Janis Joplin.jpg Джэніс Джоплін 19 студзеня 1943 4 кастрычніка 1970 Перадазіроўка наркотыкаў. Адна з найвыдатнейшых «белых» выканаўцаў блюзу[10].
Jim Morrison 1969.JPG Джым Морысан 8 сьнежня 1943 3 ліпеня 1971 Афіцыйная вэрсыя — сэрцавая няздатнасьць. Аднак існуе меркаваньне, што прычынай сьмерці магла стаць перадазіроўка наркотыкаў і забойства. Паэт, вакаліст, аўтор песень, саліст і лідар гурту «The Doors» [11].
Nirvana around 1992.jpg Курт Кабэйн 20 лютага 1967 5 красавіка 1994 Афіцыйная вэрсыя — застраліўся з драбавіку. Аднак многія трымаюцца думкі, што гэта было забойства. Вакаліст, гітарыст, аўтар песень. Лідар гурта «Nirvana». Адзін з ідалаў рок-музыкі ў стыле гранж.
AmyWinehouseBerlin2007.jpg Эмі Ўайнгаўс 14 верасьня 1983 23 ліпеня 2011 Алькагольнае атручаньне[12]. Ангельская R&B-, джаз-, соўл-сьпявачка. «Greatest Britons-2007» за музычныя дасягненьні.

Крытыка[рэдагаваць | рэдагаваць крыніцу]

Крытыкі фэномэну Клюбу 27 сьцьвярджаюць, што статыстычны аналіз зьвестак пра сьмерці рок-музыкаў паказвае, што яны паміраюць ва ўзросьце 27 год не часьцей, чым у любым іншым узросьце. З гэтай прычыны існаваньне Клюбу называецца вынікам неаб’ектыўнага адбору фактаў і выпадковых супадзеньняў. Аднак варта адзначыць, што досьледы паказваюць, што колькасьць сьмяротных выпадкаў у клястары ўзростаў 20-30-гадовых музыкаў у 1970-я годы й на пачатак 1980-х сярод маладых музыкаў у 2—3 разы перавышае сьмяротнасьць звычайнага насельніцтва (ў прыватнасьці, Вялікай Брытаніі)[13][14].

Крыніцы[рэдагаваць | рэдагаваць крыніцу]