Клягэнфурт

Клягэнфурт
Klagenfurt am Wörthersee
Герб Клягэнфурту
Першыя згадкі:	1193
Горад з:	1246
Плошча:	120,1 км²
Насельніцтва (2006) • колькасьць: • шчыльнасьць:	92,4 769
Часавы пас: • летні час:	UTC+1 UTC+2
Тэлефонны код:	+43 463
Паштовы індэкс:	9020
Геаграфічныя каардынаты:	46°37′ пн. ш. 14°18′ у. д.
Клягэнфурт на мапе Аўстрыі Клягэнфурт
Галерэя здымкаў у Wikimedia Commons
http://www.klagenfurt.at/

Клягэнфурт-ам-Вёртэрзээ (па-нямецку: Klagenfurt am Wörthersee, па-баварску: Klångfurt am Werthasee, па-славенску: Celovec — Цэлавец) — горад на поўдні Аўстрыі, цэнтар фэдэральнай зямлі Карынтыі. У наяўны момант колькасьць жыхароў Клягэнфурту перавышае 92 тысячы чалавек, зь іх больш за 1700 — карынтыйскія славенцы.

Геаграфія

Горад разьмешчаны на рацэ Глан ў алпійскай даліне Дравы.

Гісторыя

Альтэр-плац

Згодна легенды горад заснаваў герцаг Карынтыі Гэрман Спанхайм. Першыя згадкі пра населены пункт Форум-Клягэнвурт адносяцца да 1193—1199 гадоў. У 1246—1252 гадох Клягэнфурт атрымаў гарадзкія правы і хутка зрабіўся адным з найвялікшых гарадоў Карынтыйскага герцагства, а пазьней — ягонай сталіцай.

Аднак на гэтым месцы таксама знаходзіўся рымскі горад Вірунум.

Выдатныя мясьціны

Фантан у цэнтры гораду

Сярод выдатных мясьцінаў Клягэнфурту найбольшае значэньне мае стары горад з сваім цэнтральным пляцам Альтэр-Плац, фантан у выглядзе цмока Ліндвурм-Брунэн, а таксама возера Вёртэрзээ, якое лічыцца самым цёплым сярод альпійскіх азёр. Недялёка ад Клягэнфурту знаходзіцца адзін з найпрыгажэйшых замкаў Аўстрыі Хохастэрвіц.

Адукацыя

У горадзе разьмяшчаецца ўнівэрсытэт Клягэнфурту.

Вонкавыя спасылкі

 Клягэнфурт — сховішча мультымэдыйных матэрыялаў

• Афіцыйная старонка ^(ням.)
• Інфармацыя для турыстаў
• Марыя-Ларэта ^(ням.)