Кліпэртан

Зьвесткі зь Вікіпэдыі — вольнай энцыкляпэдыі.

Клі́пэртан (па-француску: île Clipperton, неафіцыйна: île de la Passion) — незаселены каралавы атол у Ціхім акіяне, які належыць Францыі. Плошча атола складае 9км², знаходзіцца ў 1300 км на паўднёвы захад ад Мэксыкі.

Кальцо сушы поўнасьцю абкружае лягуну якая мае радыюс каля 8 км. У лягуне вада днём застойваецца. Самай вялікай кропкай выспы зьяўляецца скала Кліпэртан вышынёй 21м.

Клімат выспы трапічны, з сярэдняй тэмпэратурай ад 20°C да 32°C. Дажджавы пэрыяд цягнецца ад траўня да верасьня, пад час якога здараюцца трапічныя буры. Вада вакол выспы цёплая дзякуючы заходнім цячэньням, якія плывуць ад мацерыка. У 1890 годзе сюды былі завезеныя какосавыя пальмы, і зараз яны растуць невялікімі групамі ў некалькіх месцах.

[рэдагаваць] Гісторыя

Выспа была вынайдзеная Фердынандам Магелянам у 1521 годзе. Сваю сучасную назву выспа атрымала у гонар пірацкага правадыра Джона Кліпэртана, які змагаўся з гішпанцамі ў пачатку XVII стагодзьдзя і выкарыстоўваў гэтую выспу як сваю базу.

У 1708 годзе два францускія караблі Princess i Découverte прыбылі на выспу і далі ёй назву Île de la Passion, абвясьціўшы яе тэрыторыяй Францыі. Першая навуковая экспэдыцыя высадзілася на высьпе ў 1725 годзе.

У 1858 годзе выспа была афіцыйна далучаная да Францыі, і далучана да яе калёній у Акіяніі, Францускай Палінэзіі. У 1897 – 1931 г.г. выспа была занятая Мэксыкай, пад францускі кантроль была вернутая пасьля міжнароднай дамовы. У 1935 годзе выспа была выдзелена з Францускай Палінэзіі ў асобную адміністрацыйную адзінку Domaine public de l'État français.

У 2007 годзе кіраваньне выспай было даручана непасрэдна францускаму ўраду, а непасрэдным кіраўніком зьяўляецца міністар па заморскім тэрыторыям.

[рэдагаваць] Вонкавыя спасылкі

 Кліпэртан — сховішча мультымэдыйных матэрыялаў