Кўінз Парк Рэйнджарз Лёндан

Кўінз Парк Рэйнджарз
Поўная назва	Футбольны клюб Кўінз Парк Рэйнджарз
Мянушкі	Абруч
Заснаваны	1882
Горад	Лёндан
Стадыён	Лофтус Роўд Умяшчальнасьць: 18 360
Прэзыдэнт	Джавані Палядыньні
Галоўны трэнэр	Марк Г’юз
Чэмпіянат	Прэм’ер-Ліга
· 2011—2012	17 месца
Хатнія колеры Выязныя колеры

«Кўінз Парк Рэйнджарз» (па-ангельску: Queens Park Rangers) — ангельскі футбольны клюб, які базуецца ў заходняй частцы Лёндану. «Кўінз Парк Рэйнджарз» таксама шырока вядомы па скарочанай назве КПР. Іх таксама называюць «Рэйнджарз» і «Гупс» (анг. hoops — «абруч», з-за папярочных бела-блакітных палосаў іхняй асноўнай традыцыйнай формы). На працягу многіх гадоў клюб гуляў хатнія матчы на розных стадыёнах, перш чым атрымаў у сваё карыстаньне «Лофтус Роўд» у 1917 годзе. У сэзонах 1931—1932 гадоў і пазьней у 1962—1963 гадох каманда таксама гуляла на стадыёне «Ўайт Сіці», каб прыцягнуць большую колькасьць заўзятараў. Дзякуючы сваёй блізкасьці да іншых клюбаў на захадзе Лёндана, КПР падтрымліваюць даўнюю канкурэнцыю зь некалькімі іншымі клюбамі ў гэтым раёне. Найбольш прыкметнымі з іх зьяўляюцца «Чэлсі», «Фулгэм» і «Брэнтфард», зь якімі яны маюць сурацьстаяньне вядомае як Дэрбі заходняга Лёндана. Клюб і ягоныя заўзятары падтрымліваюць даўняе суперніцтва з клюбам «Ўотфард», нягледзячы на тое, што ў апошні час яно стала менш прыкметным.

Гісторыя

Канец 19 стагодзьдзя

Футбольны клуб быў утвораны ў 1882 годзе, калі каманда, вядомая як «Сэнт-Джудз» была аб’яднаная з «Крайстчэрч Рэйнджарз». Новы клуб атрымаў назву «Кўінс Парк Рэйнджарз» альбо больш вядомую ў скарачэньні КПР, паколькі большасьць гульцоў жылі ў Кўінз-Парку на паўночным захадзе Лёндана. У 1889 году КПР стаў прафэсійным клюбам.

Першая палова 20 стагодзьдзя

З 1920 году каманда пачала выступаць у Трэцім дывізіёне й толькі ў сэзоне 1947—1948 гадоў КПР, пад кіраўніцтвам Дэйва Мэньёлы, нарэшце перамог турнір і атрымаў падвышэньне ў клясе. Наступныя чатыры сэзоны клюб правёў у Другім дывізіёне, адкуль вылецеў па выніках сэзону 1951—1952 гадоў. Прыкладна ў гэты час у каманду, зь «Лідс Юнайтэд», перайшоў Тоні Інгэм, пасьля ўсталяваўшы рэкорд клюба, згуляўшы за яго 519 матчаў.

Другая палова 20 стагодзьдзя

Перад пачаткам сэзону 1959—1960 гадоў у клюб на пасаду старэйшага трэнэра прыйшоў Алек Сток. Сток і Джым Грэгары, які пасьля стаў старшынёй КПР, у сярэдзіне 1960-х цалкам перабудавалі працу клюба, а таксама стадыён і ягоныя навакольлі.

У сэзоне 1966—1967 гадоў КПР выйграў чэмпіянат у трэцім дывізіёне. У тым жа сэзоне КПР стаў першым у гісторыі клюбам, з трэцяга дывізіёна, якія здолеў узяць Кубак Футбольнай лігі, абыграўшы 4 сакавіка 1967 года «Ўэст Бромўіч Альбіён» зь лікам 3:2. Праз 40 гадоў гэты трафэй па-ранейшаму застаецца найвышэйшым дасягненьнем у гісторыі клюба. Матч гэты ўвайшоў у гісторыю таксама й тым, што гэта быў першы фінал Кубка Футбольнай лігі, які быў згуляны на легендарным стадыёне «Ўэмблі». У 1968 годзе КПР упершыню ў сваёй гісторыі выйшаў у Першы дывізіён, але толькі на год: наступныя чатыры сэзоны клюб зноўку праводзіў у другім. У пачатку сэзону 1969—1970 гадоў у каманду, з «Тотэнгэма Готспура» перайшоў Тэры Вэнэйблз. У той жа час сышоў, у «Манчэстэр Сіці», ранейшы лідэр клюба Родні Марш, але неўзабаве ў клюб былі запрошаны новыя зоркі, як то Філ Паркс, Дон Гівэнз, Дэйв Томас і Стэнлі Боўлз. Побач з імі ў поўную сілу зайгралі й дамарослыя гульцы, як то Дэйв Клемэнт, Ен Гілард, Мік Ліч і Джэры Фрэнсіс.

У 1974 годзе ў клюб прыйшоў новы мэнэджар Дэйв Сэкстан. Пад ягоным кіраўніцтвам клюб у сэзоне 1975—1976 гадоў заняў у Першым дывізіёне 2 месца, да чэмпіёнства не дабраўшы толькі адзін пункт. Пяць гульцоў гэтай зорнай каманды гулялі ў зборнай Ангельшчыны, а практычна ўсе астатнія ўключаліся ў зборныя Ірляндыі, Паўночнай Ірляндыі, Шатляндыі, Ўэйлза. У канцы 1970-х гадоў КПР дэбютаваў у Кубку УЭФА, дайшоўшы да чвэрцьфіналу й прайграўшы грэцкаму клюбу «AEK» па пэнальці. Пасьля сыходу Сэкстана ў 1977 годзе клюб зайграў горш і ў 1979 годзе вярнуўся ў Другі дывізіён.

Тытулы

• Уладальнік Кубка Лігі: 1
  • 1967

Склад

Па стане на 29 студзеня 2013 году

№ Пазыцыя Імя Год нараджэньня 1 Бр Робэрт Грын 1980 2 ПА Самба Дыякатэ 1989 3 Аб Арман Траарэ 1989 4 ПА Шон Дэры 1977 5 Аб Крыстафэр Самба 1984 6 Аб Клінт Гіл (капітан) 1978 7 ПА Пак Джы-Сун 1981 8 Нап Эндзі Джонсан 1981 10 ПА Адэль Таарабт 1989 11 ПА Шон Райт-Філіпс 1981 12 Нап Джэймі Макі 1985 13 Аб Юн Сук-Ян 1990 14 ПА Эстэбан Гранэра 1987 15 Аб Нэдум Ануога 1986 16 ПА Джэрмэйн Джэнас 1983 18 Нап Ляік Рэмі 1987 19 Аб Жазэ Басынгва 1982

№ Пазыцыя Імя Год нараджэньня 20 Аб Фабіё (ар. «Манчэстэр Юн.») 1990 21 Аб Таль Бэн Хаім 1982 23 ПА Дэйвід Гойлет 1990 24 Бр Радэк Чэрны 1974 25 Нап Бобі Замара 1981 26 Бр Браян Мэрфі 1983 27 Аб Майкл Гэрыман 1992 28 Аб Макс Эмэр 1992 29 ПА Эндрас Таўсэнд (ар. «Тотэнгэм Готспур») 1991 33 Бр Жуліё Сэзар 1979 34 Нап Роб Галз 1979 37 Нап Джэй Батройд 1982 39 Нап Дадлі Джуніёр Кэмпбэл 1981 40 Аб Стэфан Мбія 1986 — Аб Люк Янг 1979 — ПА Бруну Андрадэ 1993

Вядомыя гульцы

У 2008 годзе сярод заўзятараў было праведзена галасаваньне на лепшых адзінаццаць гульцоў клюба за ўсю гісторыю існаваньня каманды. У сьпіс увайшлі:

Філ Паркс Дэйв Клемэнт Элан Макдоналд Пол Паркер

Ен Гілард Трэвар Сынклэр Стэн Боўлз Гэры Фрэнсіс

Дэйв Томас Лес Фэрдынанд Родні Марш

Вонкавыя спасылкі

 Кўінз Парк Рэйнджарз Лёндан — сховішча мультымэдыйных матэрыялаў

• Афіцыйны сайт ^(анг.)
• Сайт расейскамоўных заўзятараў клюба ^(рас.)
• Сайт заўзятараў клюба ў Нарвэгіі ^(нарв.)
• QPR Report Messageboard ^(анг.)