К. Люі Лейпальт

Зьвесткі зь Вікіпэдыі — вольнай энцыкляпэдыі
К. Люі Лейпальт
C. Louis Leipoldt
Асабістыя зьвесткі
Імя пры нараджэньні Крыстыян Фрэдэрык Люі Лейпальт
Нарадзіўся 28 сьнежня 1880
Ворчэстэр, ПАР
Памёр 12 красавіка 1947
Кейптаўн
Пахаваны
Літаратурная дзейнасьць
Род дзейнасьці паэзія
Мова афрыкаанс[1] і ангельская мова[1]

К. Люі Лейпальт (па-афрыкаанс: C. Louis Leipoldt; 28 сьнежня 1880 — 12 красавіка 1947) — паўднёваафрыканскі паэт, які пісаў на афрыкаанс.

Акрамя паэтычных твораў, Люі Лейпальт пісаў навэлі, п’есы, апавяданьні, дзіцячыя кнігі, кнігі па кулінарыі і вёў падарожную кніжку. Ён лічыцца адным з найвыбітнейшых паэтаў-«афрыканэраў». Паўднёваафрыканскі паэт і драматург Дырк Опэрман казаў пра Люі Лейпальта як пра «самага рознабаковага нашага паэта»[2].

Біяграфія[рэдагаваць | рэдагаваць крыніцу]

Нарадзіўся 28 сьнежня 1880 у Ворчэстэры, Паўднёва-Афрыканская Рэспубліка. Сын прапаведніка Крыстыяна Фрыдрыха Лейпальта. Ягоная маці Ганна Мэта Крыстыяна Эселен (афр. Anna Meta Christiana Esselen) была дачкой райнскага місіянэра. Адукацыя была збольшага хатняя. За часам Другой англа-бурскай вайны працаваў карэспандэнтам. У 1902—1907 выкладаў мэдыцыну ў Лёндане і пасьля падарожнічаў па Эўропе, Амэрыцы і Ост-Індыі. З гэтага часу ён працаваў на розных работах, уключаючы работу школьнага настаўніка. У 1923 годзе часова вяртаецца да журналісцкай працы, але ў 1925 годзе асядае ў Кейптаўне і працуе пэдыятрам. К. Люі Лейпальт ніколі не жаніўся. Памёр у Кейптаўне, але праз сваю шчырую любоў да Гантама — жывапіснага горнага мястэчка на поўнач ад Кейптаўну — ягоны прах спачыў у Пакуіс Пасе (Pakhuis Pass) ля Кланўільяму.

Крыніцы[рэдагаваць | рэдагаваць крыніцу]

  1. ^ а б Bibliothèque nationale de France data.bnf.fr (фр.): плятформа адкрытых зьвестак — 2011.
  2. ^ D.J. Opperman Senior verseboek. — 9th impression. — Cape Town: undated, probably 1962.

Вонкавыя спасылкі[рэдагаваць | рэдагаваць крыніцу]