Ласла Краснахоркаі

Ласла Краснахоркаі
László Krasznahorkai
Асабістыя зьвесткі
Нарадзіўся	5 студзеня 1954 (59 гадоў), Дзюла, мэд'е Бэкеш
Грамадзянства	Вугоршчына
Літаратурная дзейнасьць
Род дзейнасьці	пісьменьнік, навэліст, сцэнарыст
Гады творчасьці	1985 — цяперашні час
Жанр	раман, навэля
Значныя творы	Сатанінскае танга (1985), Мэлянхолія супраціву (1989)
Прэміі	прэмія Кошута (2004)

Ласла Краснахоркаі (па-вугорску: László Krasznahorkai; 5 студзеня 1954) — вугорскі пісьменьнік. Імгненна ўвайшоў у літаратурную супольнасьць Вугоршчыны пасьля выданьня ў 1985 годзе раману «Сатанінскае танга», які меў дзіўны посьпех.

Біяграфія

Першы раз Ласла трапіў за мяжу камуністычнай Вугоршчыны ў 1987 годзе, правёўшы год у Заходнім Бэрліне. З моманту каляпсу Савецкага блёку ён жыў у розных кутках сьвету. Між тым часта вяртаецца як у Вугоршчыну, так і ў Нямеччыну, аднак большую частку свайго жыцьця праводзіць напераменку ў Францыі, Гішпаніі, ЗША, Ангельшчыне, Галяндыі, Італіі, Грэцыі, Кітаі й Японіі.

Творчасьць

У 1993 годзе раман «Мэлянхолія супраціву» атрымаў у Нямеччыне Bestenliste-Prize як лепшая літаратурная праца году. Ад ЗША да Японіі пісьменьнік атрымаў толькі дадатную крытыку. Сама Сьюзан Зонтаг адзначыла: «Ён сучасны вугорскі майстра апакаліпсісу, той каго можна натхнёна параўнаць з Гогалем й Мэлвілам». Вінфрыд Георг Макс Зэбальд адзначыў: «Унівэрсальны погляд Краснахоркаі канкурыруе з Гогалевымі «Мёртвымі душамі» й далёка пераўзыходзіць усё напісанае яго сучасьнікамі».

Творы

• 1985 «Сатанінскае танга» (Sátántangó) - раман
• 1986 «Апошняя літасьць» (Kegyelmi viszonyok) - навэлы
• 1989 «Мэлянхолія супраціву» (Az ellenállás melankóliája) - раман
• 1992 «Палонны Ургі» (Az urgai fogoly) - навэлы
• 1999 «Вайна й вайна» (Háború és háború) - раман
• 2003 «З поўначы - гара, з поўдня - возера, з усходу - дарога, з захаду - рака» (Északról hegy, Délről tó, Nyugatról utak, Keletről folyó) - раман
• 2004 «Разруха й смутак у Паднябеснай» (Rombolás és bánat az Ég alatt) - дакумэнтальны раман аб Кітаі
• 2009 «Апошні воўк» (Az utolsó farkas) - раман
• 2010 «» (Állatvanbent)

Узнагароды

• 1987 Прэмія Атылы Ёжэфа (József Attila-díj)
• 1992 Прэмія Цібора Дзеры (Déry Tibor-díj)
• 1993 Прэмія Дзюлы Крудзі
• 1998 Прэмія Шандара Мараі
• 2004 Прэмія Кошута (Kossuth-díj)