Лех Познань

Зьвесткі зь Вікіпэдыі — вольнай энцыкляпэдыі
Лех Познань
Поўная назва па-польску: KKS Lech Poznań Spółka Akcyjna[1][2]
Заснаваны 1922
Горад Познань, Польшча
Стадыён Гарадзкі
Умяшчальнасьць: 43 269
Галоўны трэнэр
Чэмпіянат Экстракляса
 · 2022—2023 3 месца
Хатнія колеры
Выязныя колеры
Галерэя здымкаў у Вікісховішчы
lechpoznan.pl/index.php

«Лех» (па-польску: Lech) — польскі футбольны клюб з гораду Познані. Заснаваны ў 1922 годзе падча назвай «Лютня Дэнбец». 7-разовы чэмпіён Польшчы, пяціразовы ўладальнік Кубка Польшчы, шасьціразовы ўладальнік Супэркубка Польшчы. З 1930 па 1994 гады клюб быў цесна зьвязаны з Польскай дзяржаўнай чыгункай, у выніку чаго атрымаў мянушку «чыгуначнікі». Дэбют клюба ў польскім найвышэйшым дывізіёне адбыўся ў 1948 годзе, а самая яскравая эпоха клюбу прыпала на пачатак 1980-х і пачатку 1990-х гадоў. Клюб носіць імя Леха, легендарнага заснавальніка польскае нацыі.

Гісторыя[рэдагаваць | рэдагаваць крыніцу]

У жніўні 1920 году купка маладых актывістаў з Каталіцкай моладзевай асацыяцыі вырашыла аддзяліцца і стварыць уласную футбольную каманду. Заснавальнікамі клюбу былі Ян Новак, Антоні Дызман, Ян Дызман, Леон Навіцкі, Юзэф Магдзяк, Казімеж Змуда, Станіслаў Навіцкі, Стэфан Фідлер, Юзэф Гасьлінскі, Леон Стахоўскі, Юзэф Блюмрэдэр і Ян Войтэк. Паходжаньне «Леха» можна прасачыць да 19 сакавіка 1922 году, калі ён быў афіцыйна зарэгістраваны як футбольны клюб[4]. Першае афіцыйнае імя клюбу было «Спартовае таварыства лігі Дэмбец», бо клюб базаваўся ў мястэчку Дэмбец, які на сёньня ёсьць часткай Познані. У верасьні 1922 году клюб атрымаў футбольную пляцоўку на вуліцы Гжыбова, а свой першы матч наваствораны клюб правёў у траўні 1922 году супраць «Ураніі», які скончыўся ўнічыю зь лікам 1:1.

Клюб пачаў выступы ў лізе ў самым нізкім дывізіёне, якой на той час была кляса С. Клюб дасягнуў прасоўваньня ў 1928 годзе ў клясу B пасьля шасьці гадоў знаходжаньня ў дывізіёне ніжэй. У 1932 годзе клюб атрымаў прасоўваньне ў клясу А, дзе гулялі найбуйнейшыя каманды рэгіёну, такім чынам да найвышэйшага польскага дывізіёну клюб стаяў на адзіны крок. Аднак, прасунуцца вышэй познанскі клюб ня здолеў да пачатку Другой сусьветнай вайны. У 1930 годзе клюб быў пераназваны ў «Познанскі вайскова-трэніровачны чыгуначны спартовы клуб», а дзяржаўнае прадпрыемства, якое займалася чыгуначным абслугоўваньнем, сталася клюбным апекавальнікам.

У 1947 годзе Польскі футбольны зьвяз вырашыў стварыць першы нацыянальны дывізіён, то бок Экстракляса. Спачатку клюб не быў далучаны да сьпісу камандаў лігі, але пасьля таго кіраўніцтва клюбу зьвярнуўся з апэляцыяй, футбольны зьвяз прыняў рашэньне на спэцыяльнай нарадзе аб пашырэньня лігі да 14 клюбаў, да ліку якіх увайшоў акрамя «чыгунанікаў» яшчэ і лодзкі «Відзэў». Клюб зноўку зьмяніў сваю назву ў студзені 1957 году, на гэты раз на «Лех». У той самы год клюб аняў апошні радок у турнірнай табліцы і выляцеў у дывізіён ніжэй. У 22 матчах «Лех» зарабіў только 12 пунктаў, не зважаючы на тое, што ў трох сэзонах запар з 1949 па 1951 гады нападнік Тэадор Анёла, лепшы бамбардзір клюбу, забіў 141 гол і стаў галоўным бамбардзірам польскага чэмпіянату[5]. Разам з Эдмундам Бяласам і Гэнрыкам Чапчыкам, Анёла стварыў знакамітае трыё, вядомае пад назвай ABC (паводле першых літараў прозьвішчаў гульцоў на польскай мове). За гэты пэрыяд клюб здолеў заняць трэцяе месца ў Першым дывізіёне, што было найлепшым вынікам перад вылетам у Другі дывізіён.

Склад[рэдагаваць | рэдагаваць крыніцу]

Актуальны на 10 лютага 2024 году
Пазыцыя Імя Год нараджэньня
2 Сьцяг Партугаліі Аб Жуэл Пэрэйра 1996
3 Сьцяг Шатляндыі Аб Бары Дуглас 1989
5 Сьцяг Швэцыі Аб Эліяс Андэрсан 1996
6 Сьцяг Швэцыі ПА Еспэр Чэльстрэм 1995
7 Сьцяг Партугаліі ПА Афонсу Соўза 2000
8 Сьцяг Ірану Нап Алі Галізадэ 1996
9 Сьцяг Швэцыі Нап Мікаэль Ісгак (капітан) 1993
10 Сьцяг Польшчы ПА Філіп Мархвінскі 2002
11 Сьцяг Нарвэгіі Нап Крыстафэр Вэльдэ 1999
15 Сьцяг Польшчы Аб Міхал Гургуль 2006
16 Сьцяг Харватыі Аб Антоніё Міліч 1994
17 Сьцяг Польшчы Нап Філіп Шымчак 2002
18 Сьцяг Польшчы Аб Барташ Саляман 1991
19 Сьцяг Польшчы Нап Норбэрт Пацлаўскі 2004
20 Сьцяг Польшчы Аб Барташ Тамашэўскі 2005
Пазыцыя Імя Год нараджэньня
21 Сьцяг Босьніі і Герцагавіны Нап Дына Хотыч 1995
22 Сьцяг Польшчы ПА Радаслаў Мураўскі 1994
23 Сьцяг Славеніі Аб Міха Блажыч 1993
25 Сьцяг Швэцыі Аб Філіп Дагерстоль 1997
30 Сьцяг Грузіі ПА Ніка Квэквэскіры 1992
33 Сьцяг Польшчы Бр Матэвуш Прухнеўскі 2007
35 Сьцяг Польшчы Бр Філіп Бэднарэк 1992
41 Сьцяг Польшчы Бр Барташ Мрозэк 2000
44 Сьцяг Польшчы Аб Алян Чарвінскі 1993
50 Сьцяг Кот-д’Івуару Нап Адрыель Ба Люа 1996
53 Сьцяг Польшчы ПА Аляксандар Надольскі 2005
56 Сьцяг Польшчы ПА Корнэль Лісман 2006
90 Сьцяг Польшчы Нап Артур Собех 1990
Сьцяг Польшчы ПА Максім Чакала 2004

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]