Лешак Чарнецкі

Лешак Чарнецкі
	Лешак Чарнецкі
	Leszek Czarnecki
Род дзейнасьці	бізнэсовец
Дата нараджэньня	9 траўня 1962 (61 год)
Месца нараджэньня	Уроцлаў, Польшча
Грамадзянства	Польшча
Месца вучобы	Вроцлаўская палітэхніка[d]; Гарвардзкая школа бізнэсу[d];
Занятак	інжынэр, прадпрымальнік, эканаміст
Дзеці	2 дзяцей
	Лешак Чарнецкі ў Вікісховішчы

Ле́шак Я́хуш Чарне́цкі (па-польску: Leszek Janusz Czarnecki; нарадзіўся 9 траўня 1962 году, Уроцлаў) — польскі прадпрымальнік, інжынэр, доктар эканомікі.

Жыцьцяпіс[рэдагаваць | рэдагаваць крыніцу]

Скончыў факультэт санітарнай інжынэрыі Ўроцлаўскай палітэхнікі, пазьней абараніў доктарскую ступень ва Ўроцлаўскай эканамічнай акадэміі.

Прадпрымальніцкай дзейнасьцю заняўся ў 1986 року, заснаваўшы гідратэхнічна-інжынэрнае прадпрыемства TAN S.A. якое займалася падводнымі працамі. Быў заснавальнікам і галоўным акцыянэрам дзеючае ад 1991 Эўрапейскае лізінгавае фундацыі — першай і найбуйнейшай лізінгавай фірмы ў Польшчы. У 2001 ён прадаў гэтую фірму францускаму банку Crédit Agricole за 900 млн злотых. Адначасова заняў пасаду старшыні праўленьня ў новастворанай кампаніі Credit Agricole Polska.

Да канца лістапада 2004 Лешак Чарнецкі быў старшынём праўленьня Getin Holding, а да траўня 2006 — старшынём праўленьня Getin Bankу.

На пераломе 2005—2006 набыў найвышэйшы будынак ва Ўроцлаве — Poltegor Centre — збудаваны напрыканцы 1970-х. У наступным року ён быў зьнесены, а на ягоным месцы паўстаў найвышэйшы ў Польшчы будынак Sky Tower.