Леў (знак задыяку)

Зьвесткі зь Вікіпэдыі — вольнай энцыкляпэдыі.

Леў — пяты знак задыяку, адпаведны сэктару экліптыкі ад 120° да 150° лічачы ад кропкі вясновага раўнадзенства.

Сонца праходзіць знак Льва прыблізна з 23 ліпеня па 23 жніўня. Гэта пэрыяд, калі пасьля яркай вясны і лета нарыхтавалася запасаў, і ўзьнікае жаданьне "жыць паўнавартасным жыцьцём". Леў у астралёгіі асацыюецца з уладай, раскошай, грубіянскай адчувальнасьцю, чульлівасьцю, шчодрасьцю, хвальбой і дзівацтвам.

У бізнэсе Леў - пэрыяд калі фірма выпрабоўвае "галавакружэньне ад посьпехаў", калі кіраўніцтва не лічыць грошай, растрачвае іх на прэміі, куплі дарагога абсталяваньня, будуе пышныя фасады і спрабуе кідаць пыл у вочы. Гэта пэрыяд аднаасобнага кіраваньня дырэктара, непахіснага, упэўненага ў сваёй правасьці і посьпеху.

Псыхалягічныя характарыстыкі Льва адпавядаюць гэтаму пэрыяду. Леў - гэта дзівацкі, ганарлівы правіцель, які лічыць што ўвесь сьвет круціцца вакол яго, ён ня можа выстаяць перад сваімі жаданьнямі. Львы ганарлівыя і трохі гультаяватыя. Леў любіць хвальбу і лісьлівасьць, любіць атрымоўваць ад іншых каштоўныя падарункі і сам шчодра адорвае іншых. Леў не лічыць грошай. Падзеі Леў успрымае фізыялягічна, ён цяжка пераносіць няўдачы, калі пайсьці яму папярок, ён можа ўвайсьці ў гнеў, і ў яго можа здарыцца сардэчны прыступ. Леў вельмі імпульсыўны, ён пры гэтым можа быць саладжава-сэнтыментальным і грубіянска-адчувальным.

Моцна адрозьніваюцца раньнія і позьнія Львы. Раньнія Львы жывуць імпульсамі, гатовыя распараджацца і ўладарыць. Позьнія львы выглядаюць больш сьціплымі і часам прыгнечанымі - іх можна параўнаць з чалавекам, які звыклы жыць на шырокую нагу, але пазбаўлены грошай. Таму позьнія львы часта бываюць вельмі вынаходлівымі каб заваяваць сабе ўладу.

Людзі, народжаныя пад знакам Льва найболей сумяшчальныя з Авенамі і Стральцамі, а горш усяго сумяшчальнасьць з Цялятамі, Скарпіёнамі і Вадалівамі.

Леў - прыстанак Сонца. Сатурн і Ўран находзяцца ў выгнаньні.

Стыхія агня, сталы крыж.