Лука Модрыч

Лука Модрыч
Luka Modrić
Пэрсанальная інфармацыя
Нарадзіўся	9 верасьня 1985 Задар, Югаславія
Рост	172 см
Вага	65 кг
Пазыцыя	паўабаронца
Клюбная інфармацыя
Клюб	Рэал Мадрыд
Нумар	19
Клюбы
Гады	Клюб	Гульні (галы)¹
2002—2008 2003—2004 2004—2005 2008—2012 2012—	Дынама Загрэб → Зрынскі (арэнда) → Інтэр Запрэшыч (арэнда) Тотэнгэм Готспур Рэал Мадрыд	112 (31) 22 (8) 18 (4) 127 (13) 0 (0)
Нацыянальная зборная
2006—	Харватыя	57 (8)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 3 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 18 чэрвеня 2012.

Лука Модрыч (па-харвацку: Luka Modrić; нарадзіўся 9 верасьня 1985, Задар, Югаславія) — харвацкі футбаліст, паўабаронца ангельскага клюба «Тотэнгэм Готспур» і нацыянальнай зборнай Харватыі.

Біяграфія

У 2002 годзе, ва ўзросьце 16 гадоў Лука Модрыч падпісаў кантракт з загрэбскім «Дынама», але, правёўшы адзін сэзон за моладзевы склад, быў аддадзены ў арэнду клюбу басьнійскіх харватаў «Зрынскі» з Мостара, дзе ён хутка паказаў свой патэнцыял, стаўшы лепшым гульцом года ў басьнійскай Прэм’ер-лізе, пры тым, што тады яму было ўсяго 18 гадоў. У наступным годзе ён быў зноў аддадзены ў арэнду, на гэты раз харвацкаму «Інтэру» з гораду Запрэшыч, дзе ён атрымаў званьне «футбольная надзея Харватыі». Вярнуўшыся ў «Дынама» ў 2005 годзе Модрыч падоўжыў свой кантракт да 2015 году.

26 красавіка 2008 году Модрыч падпісаў папярэдняе пагадненьне з ангельскім клюбам «Тотэнгэм», згодна зь якім гулец павінен прайсьці мэдычнае абсьледаваньне й атрымаць дазвол на працу ў Вялікабрытаніі. Асноўны кантракт разьлічаны на 6 гадоў, сума трансфэру склала £16,5 млн, гэта рэкордная трансфэрная выплата клюба, пасьля куплі Дэрэна Бэнта ў 2007 годзе.

Улетку 2011 году зьявілася інфармацыя аб зацікаўленасьці ў паслугах Модрыча кіраўніцтва лёнданскага «Чэлсі», але «Тотэнгэм» адмовіўся прадаваць гульца ў «Чэлсі» за 30 мільёнаў фунтаў стэрлінгаў. Узімку 2012 году зьявілася інфармацыя аб зацікаўленасьці ў паслугах Модрыча кіраўніцтва «Манчэстэр Юнайтэд», якія прапануюць за хаўбэка 50 мільёнаў фунтаў стэрлінгаў.

27 жніўня 2012 года Модрыч падпісаў кантракт з мадрыдзкім «Рэалам» тэрмінам на пяць гадоў. Гішпанскі клюб заплаціў 35 млн фунтаў стэрлінгаў за трансфэр харвата.

Дасягненьні

Дынама:

• Чэмпіён Харватыі (3): 2006, 2007, 2008
• Уладальнік Супэркубка Харватыі: 2006
• Уладальнік Кубка Харватыі: 2007, 2008

Вонкавыя спасылкі

 Лука Модрыч — сховішча мультымэдыйных матэрыялаў

• Профіль на афіцыйным сайце Тотэнгэм Госпур
• Профіль на сайце ФІФА