Львоўская вобласьць

Адміністрацыйна-тэрытарыяльная адзінка
Львоўская вобласьць Львівська область
Герб	Сьцяг
Агульныя зьвесткі
Краіна	Украіна
Статус	вобласьць
Адміністрацыйны цэнтар	Львоў
Улучае	20 раёнаў
Найбольшы горад	Львоў
Іншыя буйныя гарады	Драгобыч, Стрый, Трускавэц
Дата ўтварэньня	4 сьнежня 1939 року
Губэрнатар	П.М.Алейнік
Афіцыйныя мовы	украінская
Насельніцтва (2004)	2 591, 58 тыс. (5,49%, 4-е месца)
Шчыльнасьць	118,04 чал./км²
Плошча	21,833 тыс. км² (3,61%)
Месцазнаходжаньне
Мэдыя-зьвесткі
Часавы пас	GMT +2
Тэлефонны код	+38 032
Паштовыя індэксы	79xxx, 80xxx, 81xxx, 82xxx
Інтэрнэт-дамэн	lviv.ua; lv.ua
Код аўтам. нумароў	BC
Афіцыйны сайт
Дадатковыя мультымэдыйныя матэрыялы

Льво́ўская во́бласьць (па-ўкраінску: Льві́вська о́бласть) — адміністрацыйна-тэрытарыяльная адзінка ва Ўкраіне. Плошча вобласьці складае 21,833 тыс. км². Насельніцтва — 2 591, 58 тыс. чалавек (2004). Адміністрацыйны цэнтар — места Львоў.

Геаграфічныя зьвесткі

Месцазнаходжаньне

Разьмешчаная на захадзе Украіны.

Мяжуе на поўначы з Валынскай ды Ровенскай, на ўсходзе — з Тэрнопальскай ды Івана-Франкоўскай, на поўдні з Закарпацкай абласьцямі Ўкраіны, на захадзе — з Польшчай.

Клімат

Клімат умераны зь цёплым вільготным летам і мяккай, з адлігамі зімой. Сярэдняя тэмпэратура студзеня –6,1 °C (горная частка) — -4,1 °C (раўнінная частка), ліпеня — адпаведна +18,3 °C і +12,8 °C. Сярэднярочная колькасьць ападкаў — адпаведна 750—1000 і 650 мм. Вэгетацыйны пэрыяд — адпаведна 190—195 і 210 дзён.

Рэльеф

Львоўская вобласьць разьмешчана ў межах Валынскага й Падольскага ўзвышшаў, асобныя часткі якіх называюцца: Расточча (вышыня 414 м), Малое Палесьсе (276 м), Апольле й Галагоры (471 м). Далей на поўдзень распасьціраецца паласа прадгор'яў Карпатаў. На поўдні рэзкім уступам узвышаюцца Ўкраінскія Карпаты (частка Ўсходніх Карпатаў), прадстаўленыя тут сыстэмай храбтоў з вышынёю 600—1000 м (максымальная да 1405 м).

Карысныя выкапні

Сярод карысных выкапняў вылучаюцца радовішчы нафты й газу, паклады вугля, вялікія запасы гліны, пяску, гіпсу, вапны, пясчанікаў, пяскова-жвіравых сумясяў.

Адкрытыя 4 радовішчы лекавальных мінэральных водаў.

Водныя аб'екты

Рэкі належаць да басэйнаў Балтыйскага й Чорнага мораў. У Балтыйскае мора цячэ Буг з прытокамі Полтва, Рата, Салакія і інш. Басэйну Чорнага мора належаць Стыр (правы прыток Прыпяці) і Днестар (з прытокамі Тысмэніца, Стрый, Сьвіча і інш.). Ёсьць шмат штучных сажалак (каля 400)

Гісторыя

Львоўская вобласьць была ўтвораная 4 сьнежня 1939 року ў межах УССР.

Адміністрацыйны падзел

Вобласьць налічвае 20 адміністрацыйных раёнаў, 44 места, зь якіх 9 — абласнога значэньня, 34 мястэчкі, 1849 вёсак.

Месты

Абласнога значэньня

• Барыслаў
• Драгобыч
• Львоў
• Моршын
• Новы Раздол
• Самбар
• Стрый
• Трускавэц
• Чырванаград

Раённага значэньня

• Белз
• Бобрка
• Броды
• Буск
• Вялікія Масты
• Віньнікі
• Глыняны
• Гарадок
• Даброміль
• Дубляны
• Жыдачаў
• Жоўква
• Золачаў
• Каменка-Буская
• Камарна
• Мікалаеў
• Мастыска
• Новы Калінаў
• Наваявараўск
• Перамышляны
• Пустамыты
• Рава-Руская
• Радэхаў
• Рудкі
• Сколе
• Сокаль
• Сасноўка
• Стары Самбар
• Стэбнык
• Судовая Вішня
• Турка
• Угнаў
• Хыраў
• Ходараў
• Явараў

Вонкавыя спасылкі

 Львоўская вобласьць — сховішча мультымэдыйных матэрыялаў