Людвінава (Летува)

Людвінава
Liudvinavas
Местачковая вуліца
Герб Людвінава
Магдэбурскае права:	1719
Павет:	Мар'ямпальскі
Самакіраваньне:	Мар'ямпальскае
Насельніцтва:	1055 (2001)
Часавы пас: • летні час:	UTC+2 UTC+3
Геаграфічныя каардынаты:	54°29′00″ пн. ш. 23°21′10″ у. д.
Людвінава на мапе Летувы Людвінава
Галерэя здымкаў у Wikimedia Commons

Людві́нава (па-летувіску: Liudvinavas) — мястэчка ў Мар’ямпальскім самакіраваньні Летувы, на рацэ Шэшупа. Адміністрацыйны цэнтар Людвінаўскага староства. Насельніцтва 1055 чал. (2001).

Знаходзіцца за 10 км на поўдзень Мар’ямпалю. Згодна з сучаснай афіцыйнай летувіскай клясыфікацыяй мястэчка належыць да этнаграфічнага рэгіёну Судовія.

Гісторыя

Мескі герб з каралеўскага прывілею (1792)

Першыя пісьмовыя згадкі пра паселішча датуюцца XVIII ст., уваходзіла ў склад Пунскага староства Ковенскага павету Вялікага Княства Літоўскага. У 1715 тут збудавалі драўляны касьцёл.

У 1719 кароль і вялікі князь Аўгуст II надаў паселішчу Магдэбурскае права і статус мястэчка.

10 кастрычніка 1791 кароль і вялікі князь Станіслаў Аўгуст Панятоўскі надаў Людвінаву герб з выявай «Пагоні» і Генія, што трымае ў адной руцэ меч, а ў другой — шалі.

У выніку трэцяга падзелу Рэчы Паспалітай (1795) апынулася ў складзе Прусіі.

З 1918 у складзе Летувы.

Турыстычная інфармацыя

Выдатныя мясьціны

• Касьцёл Сьв. Людвіка (1918)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 3: Дадатак А — Я. — Мінск: Беларуская Энцыклапедыя, 2010. — 690 с.: іл. ISBN 978-985-11-0487-7
• Людвиново // Энциклопедический словарь Брокгауза и Ефрона. Санкт-Петербург, 1890—1907.

Вонкавыя спасылкі

 Людвінава (Летува) — сховішча мультымэдыйных матэрыялаў